تجربتي مع خياطتي التجميلية من الألف إلى الياء

[jojoo]

السلام عليكم كيفكم حبيباتي
انا مالي مشاركات كتير بالمنتدى بس اليوم قررت اكتبلكم تجربتي حتى يستفيد الكل واستفيد انا كمان
لاني عانيت بالبحث عن دا الموضوع ومالقيت اجابات شافيه ومريحة
وماعرفت اختار القسم المناسب للموضوع بس حسيت انه دا انسب قسم


عموما راح ابدأ بالموضوع
انا ام لبنت وحدة ربي يحفظها لي عمرها الان سنة و4 شهور
ولدت بمستشفى حكومي عادي وتعبت جدا بولادتي كان عندي الالام وطلق قوي والرحم مو راضي يفتح بسرعه وطولت تقريبا اكتر 15 ساعه وانا اعاني ( مدري يمكن هذا اللي سبب لي المشكلة الي انا فيها اللحين )
المهم بعد عناء شديد ولدت وخيطوني خياطة عادية طبعا لانه حكومي وانا ماهتميت لدا الموضوع كتير لانه كنت اسمع انه البكرية ماتتأثر ومايبين عليها الوسع
بس اللي سار انه فترة الاربعين انفتحت عليا غرزتين وانا ماكنت ادري وكنت مستغربه انه الم الخياطة طول معايا المفروض اسبوع اكون تحسنت ورحت المستشفى عشان اراجع قالو لي انه غرزتين مفتوحة وقالو مانقدر نعمل لك شي هيا رح تلتئم لوحدها بس خليكي دايما مقفله رجولك
طبعا المستشفيات الحكومية اهمال مابعده اهمال ولا يهتمون بوضع الوحدة بعدين كيف راح يكون
طبعا خلصت فترة الاربعين بسلام وكنت مرة خايفة من الجماع اول مرة لاني كنت حاسة اني وسيعه
بس من اول مرة لاحظت انه الوضع تمام وحتى زوجي كان يقولي كويس اكيد طبعا مو ضيقة زي زمان بس مو متوسعه مرة شي بسيط لا يذكر
لكن مع الايام حسيت انه زاد مرة لدرجة سرت اكره الجماع لاني مو مرتاحة واحس زوجي مو مرتاح رغم انه عمره ماتكلم ولا قالي شي ودايما وقت الجماع يكون في صوت هوا كثير وافرازات
واحس انه وضعي كل ماله يتدهور حتى اني سرت احس بالهوا دايما يخرج مني لمن اتحرك واجلس غير كذا الله يكرمكم الافرازات 24 ساعه بشكل مقرف
المهم من دا الموضوع كله اني تعبت وقررت اسوي خياطة تجميلية وارتاح وبحثت كتير ف النت كنت اتمنى دكتورة كويسة وسعر كويس لاني الدكاترة سارو نصابين واسعارهم خياليه
اخر شي قررت اروح لدكتوره اسماء شحرور في بناية نورا اذا احد جربها يطمني ويريج قلبي
وطبعا رحت اليوم لها ع الساعه 2 الظهر ولقيت العيادة فاضية تقريبا بس وحدة قبلي
رحت للريسبشن ودفعت عندها الكشفية 150 غلتها طبعا كانت 100 قبل فترة
المهم دخلت للدكتورة وكشفت عليا وقالتلي فعلا المهبل متوسع اكتر من الطبيعي والمفروض مايكون كدا لانك لسه مخلفة وحدة بس
بس قالتلي مو لازم تعملي الخياطة لانك ممكن تحملي وتعبك يروح ع الفاضي وقالتلي واظبي على تمارين كيجل واذا ماحسيتي بتحسن تعاليلي
طبعا انا اصريت اعملها لانه ماحد حاس فيا انا فعلا صرت اكره الجماع من دا الموضوع وحتى زوجي احسه متضايق
وقالتلي انه تكلفة الخياطة 2500 بس حتخليها 2000 عشاني صدمتني بالسعر والله لاني كنت اسمع ف النت انها ب 1500 وبعضهم سووها عند دكتورات غيرها ب 800 و600
بس لاني مصممه اسويها قلت راح ادبر المبلغ واعملها وحتى زوجي مايعرف بالسعر لو عرف ماحيرضى يخليني اعملها
وطلبت منها تحددلي اقرب موعد للخياطة وحيكون الربوع الجاي ان شاء الله

عموما بنات اللي عندها اي فكرة عن الموضوع دا او جربته من قبل تفيدني الله يجزيكم الجنة والله اني خايفة وقلقانه ومترددة

وان شاء الله بعد مااسوي الخياطة هذا الموضوع راح يكون متجدد وبحط فيه تجربتي كاملة