السلام عيكم حبيباتي ربي ارزقكم فرحه ما بعدها حزن قولو امين
ان شاء الله ما اطول عليكم انا كنت باخد كلوميد من تالت يوم في للدوره الي مده خمسه ايام بس البويضه ما بتكبر كررت الكلوميد لمده تلاته اشهر اول شهر كان حبه في اليوم وتاني شهر حبتين في اليوم وتالت شهر تلاته حبات بس كلو بدون فائده والحمد لله بس في الشهر دا الدكتوره اعطتني ابر منشطه من ثالث يوم في الدوره مقدار 50 ui وبعد اسبوع عملت سونار ووجدت ان البويضات صغيره وزودت المقدار 62.5 وكمان خمسه ايام وعملت سونار ولسه صغيره زودت المقدار الي 75 والحمد لله كبرت وبعد السونار حددت لي ان اخد ابره التفجير اوفيتريل، اخدتها يوم الاربعاء 19/5/2015 وتم الجماع في نفس اليوم المساء وتاني يوم عندي موعد تحليل بي صراحه ما بعرف ليه وبتاع ايش بس المهم هو اخد عينه من داخل المهبل( ماء ) بس في اليوم الخامس من الابره هو امس جاني دم قليل ما انزل في الملابس اعزكم الله بس لما امسح بالكلينكس بجد دم مره احس انو احمر ومره وردي ومره بني بي اليوم الصبح لونو احمر والحين لونو بني زي القهوه لمن تتدفق علي توب ابيض مثلا وجاني احباط وزعلت لاني املت في الحمل مع العلم متزوجه من 3 سنين ونص ولم يسبق لي الحمل والدوره مره تنتظم ومره لا ساعدوني وقولو لي اذا واحده حصل معاها كدا وطلعت حامل الله اجبر بخاطركم وارزقنا كلنا الذريه الصالحه