موضوع شامل عن الإلتهابات النسائية

[و بشر الصابرين]

كثرت المواضيع عن الإلتهابات النسائية و طلب الحلول ...

اول شي أنبهكم ان موضوعي يخص الالتهابات الفطريه وبعض انواع الالتهابات البكتيريه ( الالتهابات البكتيريه أخطر وتحتاج الى كورس مضادات حيوية ومتابعة الطبيب للتأكد من التخلص منها ) ولكن ما يخص الالتهابات الفيروسية او الجنسية !!

اول شي الالتهابات الفطريه جدا شائعه بالنساء ممكن تعالجينها بمضادات حيوية وتحاميل نسائيه لكن بسرعة ترجع مرة ثاااااااااانية بكل سهولة ومن اعراضها :

الحكة وهذا اشهر عارض

الم اثناء الجماع

افرازات جامدة بيضاء

كثرة التبول وحرقان بالبول

لأنها الالتهاب الفطري بسرعة يرجع بعد كورس علاج طويل و ممل معناته ان سبب الالتهاب لازال موجووووووووود .......موضوعي هذا للقضااااااااااااااء على الاسباب بنصايح بسيطة و عنايه يومية وهذي تجربتي الشخصيه مع الالتهابات الفطريه ..

اولا: العنايه الشخصيه

- بعض البنات يحبون النظافه الزايدة اللي اقصد فيها الشور جل من نكهات و عطوووور و غير الكريمات... طيب هالشي حلو لكن حذاري ثم حذاري يلمس المناطق الداخليه للفخوذ والمنطقة الحساسه لان هالسوالف اهم سبب للفطريات وتحسس الجلد .

- الغسول الممتاز من خلال تجربتي (سياتل +abc ) وطريقة استخدامه حطي اشوي من الغسول براحة اليد وافركي المنطقة الحساسه لما تتكون رغوة وخليها لمدة دقيقتين وبعدين غسلي بالماي عدل ونشفي بالكيلنكس .

- بعد قضاء الحاجه خلي عندج بخااخ فيه بيتادين مخفف بماي ورشي على المنطقه الحساسه والمناطق الداخليه للفخوذ

- اثناء الدورة الشهريه لازم لازم اتغيرين الفوطه الصحيه باستمرار واتغسلين عدل واترشين من البتادين.

- الملابس الداخليه لازم قطن واتغيرينه باستمرار اكثر من مرتين باليوم وعلى طول تشترين بين فترة ملابس داخليه جديده واتقطين القديم.

- غسل الملابس الداخليه بصابون الاطفال اللي ما يسبب حساسيه والافضل غسلهم بماي مغلي لضمان قتل المايكروبات.

- مسك العروس اللي هابين فيه واتحطون مسحة منه على المنطقه الحساسه ترى كلش مو زين اشدراكم ان هذا المسك الاصلي وان هو سبب الفطريات اللي يعاني الاغلب منها ..

- طبعا يستحب ازالة شعر المنطقه الحساسه باستخدام الموس افضل نوع venus وعلى طول حطي مسحه خفيفة من كريم مومنتا علشان يمنع الحكة.

- غسول البابونج حلو ويلطف المنطقه خاصه اللي تعاني من الحكة.

- ما افضل استخدام الماي والملح والمره كغسول لان بعض البنات بشرتهم حساسه وما تستحمل الملح.

ثانيا: الغذاء

- افضل علاج للاتهابات بانواعها واللي اسميه السحر اهو علج اللبان (لبان الدكر) اتقعينه في بطل ماي الفلتر مو ماي الصحه و تشربينه طول اليوم ممتاااااااااااااااااااااز جدا جدا لان علج اللبان فيه خاصية ادرار البول وهالعمليه اتنظف مجرى البول والرحم من البكتيريا والفطريات وتطلع عزكم الله مع البول وغير انه يقضي على انتفاخات البطن وممتاز للذاكره والصحة بشكل عام .

- الروووووووب واللبن ممتازين للقضاء على الالتهابات الفطريه و البكتيريه لان يساعد من نمو البكتيريا النافعه ويقضي على البكتريا الضارة ويخلي البيئة غير مناسبه لنمو الفطريات واذا حطيتي مع الروب فص ثوم هم حلو.

- التقليل من السكريات والنشويات لان أي شي تاكلونه يطلع مع افرازات الرحم ويخلي الافرازات فيها نسبه من السكر اللي هي البيئة المناسبه لنمو البكتيريا والفطريات.

- التقليل من التوابل والفلفل .

- شرب الماي بكثرة ويفضل ماي الفلتر مو ماي الصحة .

- الإكثار من الخضراوات.

ثالثا: الجماع

- قبل الممارسه وبعد الممارسه غسلي المنطقه بالغسول اللي ذكرته و بخي من البتادين.

- عدم وضع الكريمات العطريه والعطر على المناطق الحساسه .

- للاسف بعض الازواج يكونون سبب في نقل الفطريات والبكتيريا للزوجة فما نهمل هذا الجاانب بتشجيعهم على النظافه الشخصيه .

- الممارسه الجنسية اللي فيها نوع من العنف احد الاسباب الرئيسية للفطريات فالافضل استخدام مزلق طبي مثل ky (كي واي).

و أخيرا : اهمال جانب واحد من هالنقاط اللي ذكرتها يكون سبب لرجوع الالتهابات الفطريه من جديد فالأفضل لكم ما تهملون ولا نقطه من هالنقاط اللي ذكرتها وان شاء الله ماحد راح يشتكي من الإلتهابات

تمنياتي للجميع بحياة صحيه