السلام عليكم ورحمه الله وبركاته
بحكي لكي قصتي بأختصار ... انا عمري 28 سنه متزوجه قرابه الخمس سنوات ونصف
عملت تجربه اطفال انابيب قبل ثلاث سنوات .. بس للاسف طلع حمل كيميائي مااستمر
قررنا نكررها انا وزوجي وفعلا كررناها
عمل لي الدكتور السحب شهر ثلاثه تقريبا وقرر يجمد الاجنه لان عندي زوائد بالرحم ولازم يعمل لها عمليه
سويت عمليه الزوائد شهر 4 ...وترك الرحم يمر بثلاث دورات طبيعيه ماادري ليه عمل كذا الدكتور لاني كنت شايفه ان الموضوع طووول بس ماعارضته لاني شايفه انه يسوي لي اللي شايفه افضل لحالتي
المهمممم .. عمل لي الارجاع يوم 2 / 8 ...
بعد 12 يوم نزل عني نقاط بنيه .. خفت وبكيت حتى زوجي قلق كثيير .. بحثت بالنت وقريت انه احيان تكون نقاط الدم بشاره خير ودليل على انغراس الاجنه .. رحت للمركز من البكره وسويت تحليل رقمي وقال لي الدكتوور مبرووك حامل
ماشاء الله
حمدت ربي وفرحت كثيييرر ياربي لك الحمد كان الرقم136 وبعد ثلاث ايام اعدت التحليل والحمد لله ارتفع للضعف
قال لي الدكتور تعالي بعد اسبوعين عشان نتابع الوضع ونسمع النبض
الحين ي بنات انا انتظر الموعد بيكون اول يوم برمضان بس برضو قلقاااانه
صرت اوسوس .. اخاف مااسمع النبض لاسمح الله ..اخاف يطلع كيس مافه جنين ..
قلقانه ماادري ليه مع ان صحتي الحمد لله تمام ومااحس باوجاع ي ربي لك الحمد .. والدم وقف من ذاك اليوم غير كذا اخاف من تشوهات الاجنه ..
طمنوني اللي عندها معلومه تجاوبني .. كم نسبه يكون اطفال الانابيب يكون النتيجه كيس من دون جنين او مايطلع فيه نبض ؟ والاطفال الانابيب في حالات تجي مشوهه ؟؟
تعبت من التفكير :(