انا وحماتي (امي الثانيه )

[رونق الصبح]

السلام عليكم أخواتي العزيزات . . بغيت احكي لكم حكايه قصيره قمه في الروعه بين شخصين طالما اشتهروا بالعداوة أو عدم استقرار العلاقه بينهم أو الغيره أو أو أشياء كثيره نسمع عنها في علاقة هذين الشخصين.. وهم زوجة الإبن وأم الزوج (الحماة) .وغالبا مايكون الزوج هو الضحية بين حبه لأمه وحبه لزوجته ولكن هنا مشاهد مختلفه تماما .. ماراح أطول عليكم وادخل في تفاصيل القصه اللي هي قصتي انا شخصيا مع حماتي ..
..
كنت دائما احلم أن يكون عندي حمايا لاني كنت واثقه من نفسي اشلون راح أتعامل معها واحبها والسكن معها .. كان الكل يقولو لي اش لك بالحماة أن شاءالله لايكون أم زوج المستقبل عايشه وكلام من كده المهم مرت الأيام وإجا زوج المستقبل والحمدلله أمه عايشه .تعرفت على زوجي واكتشفت اني أحبه بجنون وهو كذلك . علاقتنا بإختصار صار الكل يحكو عنها . وكان نفسي اشوف حماتي وتعرفت عليها لأول مره في يوم الشوفه أهل العريس امه وخواته يجو عند بيت العروس ليشوفوها. حماتي فديتها كانت تسأل عني قبل لاتجلس تبغا تشوفني قلت مايخالف أمكن بس عشان اول مره بتصير طيبه . المهم جيت وسلمت عليها صارت تبووس فيني وجلستني جمبها وتطالع فيني وشكلها مررررره مبسوطه. هم قلت أمكن مبسوطه أن ولدها بتزوج. مرت الأيام وصارت تتصل علي .وتطمن علي صراحه انا والله حبيتها من قلبي وحسيت أن الله عطاني ع قد نيتي الف الحمدلله .. المهم مرت الأيام وتزوجنا صارت توصي ابنها علي كأني بنتها والله العظيم . يوم رجعنا من شهر العسل قالت لي نجي نجلس معها لانستأجر شقه . جينا سكنا معها بالبيت والله ماتخليني اشتغل شئ من شغل البيت تقول ارتاحي ويوم زوجي يطلع مشوار تحب اني اجلس عندها نسولف ونضحك وتحكي لي قصص من الماضي ونضحك وهي تسوي الأكل . والله اروع حماة الله يحفظها . صراحه انا صرت احسد نفسي ومع الأيام اكتشفت أن حماتي طبعها وشخصيتها اكثثثثثثر من رائعه وبتموت فيني وانا بعد أحبها .. يوم من الأيام إجات سلفتي عند حماتي وشافت كيف التعامل بيني وبين حماتي واخوات زوجي ضحك ومزح ونحكي قصص . صارت تغار . فقالت علي كلمه ماجميله انا والله انصدمت ماقدرت احكي ولاكلمه. بس ماشاءالله عندي الدفاع خوات زوجي وحماتي دافعو عني لين سلفتي أخذت عيالها وطلعت . يوم زواج اخت زوجي جبت لحماتي هدايا كثير لوازم الفرح والله كان تقولي ليش كدا وليش كلفتي على نفسك قلت لها مو انا مثل بناتك قالت لي والله اكتر من بناتي . صارت تهديني هدايا وبناتها يهدوني وانا بعد كل فتره اهديهم هدايا . صارت علاقتنا الكل يتكلم عنها الله يبعد عنا الحسد و أي مناسبه تحب انا اللي اروح معها لأن بناتها كلهم متزوجين وانا زوجي مسافر . يوم ارجع بيت أهلي تتصل فيني تطمن علي وتقول متى حتجيني وانا توي كنت معها فديت قلبها ... . واحلى شي انها توقف معي ضد ابنها زوجي هههه . وهو يصير يغااااار لين يزعل
والله قليله عليها لقب أم لانها أم وحماة بمعنى الكلمه الله يحفظها
انا حكيت لكم قصتي مع حماتي لأن كل الناس فاكرين أن مافي علاقه بين الحمايا وزوجة ابنها . والله قد ما أقول عنها ماوفيت بإختصار حماتي ملكه والله .
الله يحفظنا لبعض ..