دى بعض الاستفسارت اللى ممكن تدور فى ذهن البعض عن الحقن المجهري لذلك نقلت لكم هذا الموضوع انشالله تستفدون منو
1:ازاى اجنه مجمده،وهل بتفرق نسبه نجاحها عن الاجنه الفريش،واد ايه نسبه نجاحه اصلا؟
الاجنه المجمده دى بتبقى فائض فى عدد الاجنه من محاوله سابقه،واكيد طبعا بتكون من بويضات الزوجه وحيامن الزوج،وده لانه لو عدد الاجنه كبير مثلا والجوده كويسه بيفضل انه ميتنقلش فى المحاوله اكتر من 3 اجنه لتجنب حدوث حمل متعدد التوائم وده بيبقى خطر ع الام وع الاجنه لانه بيعرض الام لموضوع الولاده المبكره،ومشكلات صحيه فى حمل التوائم
نسبه نجاحها بقى الاطباء حاليا بيقولوا انها تكاد تقارب من نسبه نجاح الاجنه الفريش تقريبا،لان البقاء فيها للاقوى وانه اجود الاجنه هى اللى بتستحمل التجميد والفك مره تانيه عشان النقل بس ده كمان بيرجع اولا واخيرا لمشيئه ربنا سبحانه وتعالى ثم لجوده الاجنه نفسها ثم لجوده الحضانات اللى بيتجمد فيها الاجنه
وتقنيه التجميد المتبعه فى المركز اللى بيتعمل فيه العمليه...
2:هل بتاثر مده فتره التجميد على جوده ودرجه الاجنه؟
اللى انا عرفته ان بالفعل انه كل ما بتطول اوى الفتره بتاعت التجميد ممكن جدا ياثر على درجه الاجنه
يعنى ممكن يبقى الجنين المتجمد من الدرجه الاولى مثلا ووقت ما يتفك التجميد يبقى من الدرجه التانيه او يبقى غير صالح للنقل اصلا،وممكن يتنقل جنين من الدرجه التانيه بس كويس ويحصل منه حمل
من تجربتى الشخصيه انا بسم الله ماشاء الله اجنتى كانوا زى ما قلت لكم 2 درجه تانيه و1 درجه تالته ومجمدين من 3 سنين و4 سهور تقريبا من ايام عمليتى الاولى ماشاء الله
وكذلك يا جماعه الحيوانات المنويه لما بتتجمد
ممكن بعد الفك يبقى مش كله كويس وممكن يبقى كويس جدا ويحصل منه تخصيب للاجنه بفضل الله
انا اعرف واحده زوجها كان مجمد عينه سائل منوى ومرت عليها 4 سنوات بعدها قرر يفهكا عشان تستعمل فى محاوله حقن مجهرى جديده وسبحان اللى ربنا اكرمهم منها بطفل جميل ماشاء الله تبارك الله...
3:هل من اللازم فعلا ظهور اعراض حمل فى فتره الانتظار،وهل معنى انه مفيش اعراض ان العمليه فشلت لاقدر الله؟
اطلاااااااااااااقا
يا جماعه والله مش لازم يكون فى اى اعراض للحمل فى الفتره دى
من تجارب البنات اللى متبعاها كتير بنات محسوش باى حاجه فى الفتره دى وطلعوا حوامل ماشاء الله،وفى اللى جت لهم بعض الاعراض او تعب معين شكوا فى الحمل ولكن ربنا قدر انه ما يكونش فى حمل...
انا فى حملى الاولانى كنت تعبانه فى فتره الانتظار من موضوع فرط التنشيط لانه حصل على درجه بسيطه بس كانت مصاحبه له اعراض بسيطه جدا كانت تشكك انه حمل،وحصل والحمد لله
المره دى بقى فى نقل المجمد كل اللى حسيت بيه غممان بسيط فى النفس وقله الرغبه فى الكل وبسس
وخدوا بالكم الموضوع بتاع الاعراض ده جزء كبير اوى منه موضوع نفسييييى
بعنى انك ممكن تشككى نفسك انه حاسه بكذا وكذا من اعراض الحمل عشان انتى عاوزه حمل
لكن نصيحه اخت ليكم بجد متفكرووووش ومتحطوش فى بالكم اى اعراض
غممان نفس،مغص زى بتاع الدوره،دوخه....الخ
لانه كل الاعراض دى ممكن تبقى حمل وممكن تبقى مش حمل
عشان كده فعلا المطلوب فى الفتره دى الاستغفار+ادويتك فى مواعيدها+هدوء الاعصاب قدر الامكان+الالتزام بموضوع تعليمات الاكل والحركه
وسيبى الباقى على ربنا اللى بيده الامر
4:هل من الضرورى نزول دم التعشيش بعد نقل الاجنه عشان نقول انه حصل حمل،والافرازات البنيه او المدممه خلال فتره الانتظار هل تعنى فشل المحاوله لاقدر الله؟
لا طبعا،مش شرط خاااالص نزول دم التعشيش يعنى (عند انغماس الاجنه فى بطانه الرحم)
فى بنات كتير جدا تابعتهم ومنزلش لهم الحجات دى وانا عن نفسى منزليش فى المره الاولى ولا التانيه الحمد لله...
بس عموما لو فى افرازات بنيه او مدممه لا تقلقى اطلاقا ولا تفقدى اعصابك
مش معناه ابداااااااا فقدان الاجنه بالعكس ممكن يبقى حمل،واوعى تتسرعى وتوقفى المثبتات وتقولى خلاص مفيش حمل ،كل اللى عليكى بجد ساعتها اتصلى بطبيبك فورا لتبليغه عشان يزود لك المثبتات
وفى بعض الحلات مش كلها بيوقف ادويه السيوله وبيزود المثبتات
والصبررررر يا بنات
وطبعا بلاش التسرع بعمل الاختبار المنزلى يفضل الاختبار الرقمى
لو اجنه فريش يبقى اليوم ال15 يبان لو اجنه مجمده ممكن على اليوم ال12 يبان
ويفضل تكرار الاختبار الرقمى كل 48 ساعه للتاكد من سير الحمل بصوره طبيعيه
وممكن تكرريه 3 مرات للاطمئنان...
5:ايه لازمه السونار المهبلى بعد التاكد من وجود الحمل،وهل مش بياثر على الاجنه اللى ثبتت؟
خالص يا جماعه،كلللللل مراكز الحقن المجهرى بعد التاكد من حدوث الحمل بيفضلوا عمل السونار المهبلى واللى بيبقى تقريبا بعد اسبوعين او تلاته من نقل الاجنه حسب سياسه كل مركز،انا عملته بعد اسبوعين فى المرتين،وده للتاكد ان الاجنه فيها نبض وان الحمل داخل الرحم
يمكن ناس تستغرب
هو ازاى ممكن يحصل حمل خارج الرحم مع ان الطبيب نقل الاجنه داخل الرحم،هل ده يبقى عيب من الدكتور؟
لا طبعا،فى حلات نادره جدا...وبكررها نادره جدااااا بعد نقل الاجنه داخل الرحم وفى المكان الصح بيحصل ان الجنين لوحده ممكن بيزحف لحد ما يوصل للانابيب ويستقر فيها ويحصل حمل،وده يا جماعه بيحصل قدريا لانه الطبيب مش مجرد ما بينقل الجنين لتجويف الرحم بيثبته فى نفس اللحظه،لا ثبوت الجنين بيبقى خلال اول 3 ايام من النقل عشان كده دول مهمين فى الراحه لانه بتحصل فيهم ثبوت الاجنه او ما يسمى عند الدكاتره بـــ :استقبال بطانه الرحم للاجنه،الاحتضان،ثم الانغماس فى البطانه،وده اللى سمعته من الاطبه فى البرامج التلفزيونيه...
واخيرا نصيحتى للى عندها اجنه مجمده وخايفه من الموضوع ده
بجد توكلى على الله واكيد اللى ربنا كاتبه هتشوفيه
وكله رزق من عندو فى الاول والاخر
بس هى فعلا عمليه انا بنصح جدااااا بيها
انا عن نفسى كنت خايفه اوى وكنت بقول يعنى معقول اجنه مجمده من فتره هتبقى لسه كويسه ويحصل منها حمل،ما اعمل من اول وجديد وخلاص
لكنى رجعت وقولت طيب ما جرب والله حصل خير وبركه محصلش هكرر الموضوع من جديد عشان اخاوى ابنى
وسبحان الله ربنا اراد لى الحمل منهم وفعلا كنت فى حاله ذهول والحمد لله على كل شىء:-)
(ارجو ان يكون الموضوع افادكم
وطالبه منكم دعوة من القلب بنجاح عمليتي او اتمنى من ربي انكم تكونوا كلكم حوامل يارب)اختكم متفائلة دائما بالخير