عاجل // ابي رايكم (( نور .. لمار ))

[أم لمار]

يا صباح العسل والسكر على اغلى الحوااااااااااااااااامل بالبنوتات الحلواااات
حبيباتي بلييييز الله لا يخليني منكم ..!! ابغى منكم مشوره بسيطه وياليت ما تتأخرون فيها انا الحين دخلت التاسع والحمد لله ..!!! وإن شاء الله كلها كم يوم وتشرف بنوتتي الصغيرونه .. عاد انا طول فترة حملى وانا افكر في اسم لمولودتي عاد تعرفون بكريه ونفسي ما اسمي اسماء مكرره في العايله !!
من اول ما حملت وانا اقول شكل حملي بنت وسبحان الله وانا في الشهر الأول سجلت في هالمنتدى الرائع بحق واخترت اسم للنك نيم تبعي >> ( أم لمار) ..لأن إحساسي كان يقول إن اللي في بطني اكيد بنوته !! رغم إن زوجي طول ما انا حامل يدعي ويقول إنه يبي ولد !!
عاد تعرفون خبركم الرجاااااااااال وافكاااارهم .!!
المهم ما ابي اطلع عن الموضوع الله يخليكم ويخلي لكم اللي في بطونكم وتفرحون بشوفتهم وضمتهم وشمة ريحتهم الملائكيه
الشاهد في الموضوع إني من يوم ما دخلت الثامن وانا اتغيرت فكرتي في الأسم نهائي وجاء اسم جديد صار يداعب خيالاتي .. (( نور )) واحس سبحان الله راحه لهذا الأسم
أولأً : إن معناه واضح الضوء الساطع .. الأشراق ..
ثانيا : إنه اسم مذكور في القرآن (( نور على نور ))
ثالثا : اسم نور غير موجود عندنا في العائله نهائيا ولا حتى عند جيراننا ..!!

هااااااااه وش رايكم نور او لمار ؟؟!!

فديتكم لا تطولون ودي اطلع من المستشفى إن شاء الله واسم بنتي معها عشان تعرفون رجة الأهل واللي يقول هذا الأسم احلى واللي يقول لا لا لا ماهو بزين ..!! وانشب انا معاهم ..!! ابي نصيحتكم يالغاليات ..!!