لازالة القشره ورائحة الشعر

[عزيزة النفس]

مساء الخير حبيباتي
كيفكم ؟؟ عساكم بخير ان شاء الله

انا بقولكم قصتي من البدايه
كان عمري 10 سنوات وكان شعري ماشاء الله اطول من ظهري المهم
رحت لكوفيره وكانت منهبله على شعري من حلاوته
المهم جتني بعدها عين وطلعت فيني ريحه بفروت الراس و قشره وحكه في فروة الراس مو طبيعيه
لدرجت انه يطلع دم من الفروه
واذا ماتروشت يومين اموووت من الحكه
وستمريت على هذي الحاله ومافي دكتور مارحت له ويعطوني علاجات والحمدلله تروح بس مجرد ماترك العلاج اسبوع واحد ترجع اقوا من اووووووول
تخيلو الدكاتره تعبو مني واستغربو حالتي

امي خافت علي انه الجروح تتجرثم ويصيبني مرض بعيد الشر

المهم استمريت مع الدكاتره لدرجتة ان الشامبو اللي انا استخدمها مرررره غااااليه سعر الواحد يمكن 100 وشوي
طبعا استمريت على هذي الحاله اكثر من 8 سنوات
وكانت امي دايم تقول حني شعرك او تروشي بمويه مقري فيها
بس انا خفت من المويه المقري فيها انها تطيح شعري بسبب العين

الزبده
قبل ثلاث شهور بضبط جاء في بالي شي !!!!!!!!!!
دايم اسمع عن الحناء؟؟
رحت جبت قارورة مويه نص لتر وحطيت فيها تقريبا 2 ملعقة اكل حنا وعبيت القاروره بمووويه ورجيتها زين
وحطيتها بالحمام(وانتم بكرامه)

وصرت كل ماتروشت عندي طاسه صغيره في الحمام اصب من موية الحناء لربع والباقي ازوده من موية الحنفيه واغسل شعري به
طبعا بعد مااغسل شعري بشامبو احط موية الحنا مو العكس
واخليها تقريبا دقيقتين او ثلاث
وبعدها اغسل بلمويه واطلع
واستمريت يوميا

والحين اقسم بالله العلي العظيم انه القشره راااحت والحكه رااااحت والريحه راحت حتى شعري كان دهني والحين صار عااادي

طبعا اذا جيتي تصبين من موية الحنا لاترجينها عشان قطع الحنا ماتنشب في راسك

اتمنى انكم استفدتو