قصة ولادتي

[عبير الصيف ع]

السلام عليكم بنااااات كيفكم
الف الحمد لله والشكر ولدت يوم 26/12 بعملية قيصرية
مثل ما يعرف البعض منكم انوا طول فترة الحمل وانا اخذ ابر مسيلة للدم واسبرين والحمد لله ما صارت مشاكل بالحمل لما وصلت الاسبوع 36 نصحتني دكتورتي بالقيصري خافت على بنتي لا قدر الله يصير لها شي بالولادة
المهم حددتلي موعد الولادة بنص الاسبوع 38 اخذت نشطتي وشنطت البيبي ورحت المستشفى اول ما دخلت حطولي جهاز سماع نبض البيبي وكنت استنى بفارغ الصبر متى ادخل العملية عشان أشوف بنتي
بعد شوي أخذوني لغرفة العمليات حطولي بنج نصفي ما حسيت بشي الا والدكتورة سحبت بنتي وشوفتها ما تتخيلون شكثر البكا الي بكيت ههههههه حتى السيستر الي كانت معاي بالعملية تسكتني وتمسح دموعي وانا شلالالالال الدموع ما رضي يوقف
اخذوا بنتي نظفوها ولبسوها وأخذوها لأبوها ولأمي الي كانوا بالغرفة ينتظروني اطلع من العملية
ما تتوقعون شكثر الوقت الي طااااااااال بالعملية ودي أقوم واروح أشوف بنتي
لما طلعت من العملية شافني زوجي ابكي يقولي فيكي شي المسكين عباله أتألم من العملية وانا ابكي ودي بنتي
بعد ثلاث سنين انتظار وثلاث إجهاضات ربنا أكرمني بنتي الله يحفظهالي يارب وسميتها سلاف
الله يرزق كل مشتهية الخلف الصالح يارب
ويتمم على كل الحوامل يارب