كلوميد و الحمل

[كويتية خليجية]

السلام عليييكم بناااات حبيباتي شلونكم 🙈🙈


انا كان عندي موضوع من جم يوم و هذا اهو حبايبي
و حبيت اشاركم اللي صارلي و تقولونلي شنو وضعي لاني ضايعه حدي


انا عندي بنت و صارلي 4 سنوات ما حملت بعدها و ولادتي بالاولى كانت قيصريه

المهم ان دورتي تقريباً منتظمه و خصوصاً اخر خمس شهور منتظمه

اخر دورة شرفت بتاريخ 21/5/2016 و بعدها ماشفتها المهم انا عبالي متاخره علشان رمضان و صيام

رحت بتاريخ 2/7/2016 حللت هرمون طلع مافي حمل

نطرت الحلوه مايت ولا بينت لي تاريخ 26/7/2016 و كله احس صوب المبيض شوي عوار و كله مالي خلق شي

المهم ان بهالتاريخ رحت سويت سونار عادي قالتلي في كيس صوب المبيض لازم اسويلج سونار داخلي و سوتلي السونار الداخلي قالتلي بطانة رحمج سميكه و في كيس احتمال كبير يكون حمل و احتمال تنزلج الدوره

عطتني حبوب دوفاستون و قالتلي اخذيه خمس ايام و بعدين نطري خمس ايام اذا مانزلت اسويلج تحليل هرمون و انا حالياً خلصت الحبوب و عديت 3 ايام و نزل علي امس خيوط دم و اليوم نزلت علي الدوره و رحت حق دكتورتي سوتلي سونار قالتلي رحمج لله الحمد نظيف و عطتني كلوميد اخذه يوم الجمعه و عطتني مراجعه

شلون الكلوميد !؟؟؟؟؟؟ و مادري شنو سبب تاخر دورتي جذي يعني من 21/5 لي 3/8/2016 واااايد و قالتلي ان احتمال تاخر الحمل يكون هو تأخر بالتبويض مع ان نزلت علي افرازات التبويض 😩😩 احترت و سوري عالطواله 🙈🙈