احتاج نصيحتكم هذا اللي صار لي بسبب لكلوميد

[Fetwn2016]

يعطيكم العافيه صبايا

حبيت اقول لكم ايش صار لي مع لكلوميد والله يوفق ويرزق كل وحده ترد علي

اخذت كلوميد الشهر اللي طاف كمحاوله اخيره قبل ما ابدا مره ثانيه بالانابيب
ويوم 12 للدوره راجعت الدكتوره
قالت عندي ثلاث بويضات 27،25،7 ولازم بكرا اخذ الابر التفجيريه
قلت لها دكتوره كيف اخذ الابر التفجيريه وحجم البويضات كبير ما ينفع ولا راح استفيد قالت عادي وهذي المعلومه مو صحيحه اتكلي على الله وربي يكرمك

اخذ ابرة التفجير ونفذت الكلام بالحرف الواحد
بعدها بكم يوم جاني الم مو طبيعي كانه احتقام بالحوض وكا اقدر اجلس بمكان بارد ولا انام وصرت متوتره وتعبانه
راجعت المستشفى عملت لي سونار وقالت عندي تجمع سوائل بالحوض وراح تنزل مع الدوره خذي اي مسكن علشان الالم

طبعا انا ما قدرت اصبر لين تنزل الدوره وصرت احلل منزلي وكان كل مره يطلع لي خط ثاني خفيف لكن بعد كم ساعه
ما تاملت كثير قلت يمكن بسبب ابر التفجيريه

نزلت الدوره بعد موعدها بيوم
اتصلت للمستشفى واخذت موعد قلت برجع الاجنه المجمده عندي
رحت اليوم الثاني
وقالي الدكتور ما ينفع نرجع هذا الشهر
عندي بويضه مقاسها 35 ما نزلت وممكن تسبب لي تكيس على المبيض
اعطاني مارفيلون وقالي اخذه من يوم خامس الدوره لمدة 21 يوم وارجع له يوم ثاني الدوره ونشوف

انا طبعا لمت نفسي كثير اني خذيت لكلوميد حابه اعرف اذا صار مع احد نفس اللي صارلي
واذا احد عنده اي وصفه طبيعيه ممكن ما تسبب لي تكيس بالذات اني قاعده احس بالم

الله يوفق اللي ترد علي وتطمني