كل وحده تدخل وتعطيني رايها، محتاجه لكم بالحيل

[زوجه الحنون]

السلام عليكم
بنات انا عندي مشكله، ومن حملت شايله همها بقووووه ضايقه الدنيا فيني
وودي اخذ رايكم، بشوف في احد يسوي مثلي او يتحمل ويجامل الوضع،
انا والدتي قبل سنه كانت على ذمه ابوي، وصار بينهم خلاف ووصل للطلاق قبل المشكله كانت امورنا العائليه جدا حلوه والحمدالله، لكن امي مسحوره عن ابوي والبيت، لدرجه انها تمرض بالشهور6 شهور 7 طريحه الفراش وتاكل حبوب نفساني، واذا خفت سبحان الله تفقد الوعي وتعبنا يعني تكسر وتقول حكي ماينقال وتضرب نفسها عسى الله يشفيها وببسب هالمرحله طلبت الطلاق لدرجه وصلت المحكمه برجولها قالت ابيه يطلقني، حاولنا وحاول ابوي مافي فايده بدت تطلع بالشارع وتكلم على الناس تشكي اخراتها طلعت من البيت واشترت وقالت والله مارجع وورقتي توصلني، طلقها بالثلاث، عقبها تغيىت نفسيتها شهرين كأنه مبسوطه ومرتاحه ابوي تزوج بحكم انه رجال مبير ويبغى من يراعيه ووقفنا معه وتزوج، هي بعد الشهرين كأنها صحت من غيبوبه، تندمت انها مطلقه وانها بتعيش بدون رجال وبدت الافكار توديها وتجيبها مع الايام تعبت والان لها سنه ونص، بفراشها مالها اي مزاج تطلع للناس وتروح وتجي مجامله، لكن بوسط البيت والله يابنات من غرفتها للصاله فقط ماتسوي شي ولاتطبخ ولا تغسل ولاتنظف كل شي علي انا واختي اللي متزوجه اذا جينا نزوها ننظف البيت نرحم اخواني المطبخ حوسه والملابس متكومه تبي غسل والبيت يبي تنظيف والوضع كله يضيق الصدر لو ابتل اتكلم ماخلصت، عسى الله يرد لها عافيتها، مشكلتي الان اني على وجه ولاده وشايله هم كيف بجلس عندها وانا ابغى من يرعاني وكيف بتحمل الوضع اني بقوم بنفسي وبقوم بتنظيف البيت، لان بيجي من يزوني، الافكار توديني وتجيبني ومقدر اجيب شغاله واختي موظفه مراح تجلس عندي وامي مريضه، شكيت لزوجي قال اجلسي ببيتك بما انه اريح لك وكل شي حوالينك مطبخك وغرفه نومك تقدرين على نفسك وعندم المجلس ضيفي فيه اذا جاك احد والحمدالله، كلمت امي بالفكره مبدئيا ضاق صدره قالت خليك عندي قلت يايمه شايفه حالك مراح تهتمين فيني وبتتعبين زود، خليني ببيتي وتعالي عندي اول اسبوع، يمكن تتنشطين وتقوين حالك وتنبسطين اكثر لانها ببيتها مثل المقضبه واذا جتني تتغير نفسيتها، يعني تخيلو لي يومين عندها والله مانزلت عندي تحت بس بغرفتها ولا بالصاله فوق مالها خلق تجامل يعني مافي فايده اجلس بالبيت، قلت لها تعالي عندي واذا خفيت عقب هالاسبوع روحي وتعالي كل ظهر اذا كان بيجي لمي احد عشان تكونين عندي تقومين فيهم واقول لزوجه اخوي تجي، دخلت الفكره راسها واقتنعت، لكن انتقدني ابوي واختي المتزوجه قالو افضل تجلسي عندها وش بتقول الناس عنك، قلت مايحس بالجمره الا اللي واطيه كيف اجلس ومافي احد بيرتب وينظف ويضيف والبيت كبير وانا مقدر واختي ماعندها استعداد تجي، مع العلم انه ولدت قبل 8 شهور وجلست ببيتها وضيوفها كثيره ولا جابت شغاله، بس مدري ليه تنتقدني، كأنه تقول اجلسي عندهم واكرفي وتحملي، بس ماهمني كلامها، مع العلم ان بيتي مهيى الحمدالله، وماعندي زيارات واجد اللهم اهل زوجي وخالاتي، وكم وحده يعني لو بحسبها 6 زيارات، لكن اريح ببيتي اقدر ازين واشتغل وازين فطوري وغداي لانه بيتي صغير ومرتب، وكملت النواقص واشريت كل شي يعني كملت بيتي، بشوف رايكم كل وحده تحط نفسها مكاني وتقولي وش بتسوي؟! جدا متضايقه وابغى احد يساعدني ويهون علي ويوقف معي