يااااااااااااريت تساعدوني لأنى مش بنام الليل من سعت ما اخدت الحقنة التفجيرية

[منتظرة فرحة]

أنا متجوزة من سنة وعندي تكيس شديد على المبايض وأنا كنت عارفة من قبل الجواز وكنت بتابع الموضوع بشكل مستمر .... بعد الجواز ب 3 شهور رحت لدكتور قالى هنشوف إستجابة جسمك وعطاني كلوميد فقط بس معملش اى حاجة معايا خالص فالشهر اللى بعده عطاني كلوميد وجنبه 4 حقن فوستيمون فالبويضة وصلت لحجم 12 ووقفت قالى خلاص كدة الشهر دة مش هينفع اديكي حقن تانى والشهر الجاي نعمل تلقيح صناعي ولو فشل هنلجأ للحقن المجهري طبعا أنا اتحطمت نفسيا وقعدت اعيط ودخلت فى إكتئاب لأن مكنش ليا غير 5 شهور متجوزة بس فجوزى قالى خلاص بلاش دة نروح لواحد تانى ... فرحت فعلا لدكتور تانى عطانى أول شهر فيمارا وقالى بردة لازم اشوف استجابة جسمك بس معملش معايا اي حاجة قالى لا انتى جسمك مينفعش معاه غير حقن وفعلا الشهر دة عطانى 6 حقن جونابيور و 3 فوستيمون وفعلا الحمد لله البويضة وصلت 18 وعملي إختبار عشان يشوف هل السائل اللى عندى كويس ومش بيموت الحيوانات المنوية وطلع كويس الحمد لله فعطانى حقنة تفجيرية أخدتها يوم 28 / 1 يعني بقالى 8 ايام بالظبط ... فى اليوم الخامس من الحقنة حللت وطلع خطين فأنا عارفة أنه من تأثير الحقنة لكن فى السادس والسابع و الثامن مفيش غير خط واحد ..... معقول الحقنة مفعولها راح بالسرعه دى ؟؟؟؟؟؟؟؟ ولو راح معنى كدة ان مفيش حمل عشان لو كان فى حمل كان ظهر المفروض بعد مفعول الحقنة ولا ايه ؟؟؟؟؟؟؟؟؟
ياريت اللى خدت الحقنة دى تقولى الللى حصل معاها ؟؟؟ وهل حد حلل بعدها ولقاه سالب وطلعت حامل فى الاخر