السلام عليكم ورحمة الله وبركاته
إخواتي العزيزات أتمنى تكونوا جميعا بخير
أنا لي زمان ما دخلت المنتدى واليوم رجعت ولسه بتعالج للحمل.
أنا عملت تلقيح الأنابيب في بدايه شهر واحد ووصلت لنص العلاج ووقفنا
بسبب ارتفاع الاستروجين .. أخذت حقن خلال العلاج عشان ينزل الهرمون
وما نفعش .. أنا حابه اعرف من مرت في نفس التجربة تنصحني اعمل أيه
في التلقيح الجاي لأنو أجلنا من منتصف شهر واحد الي نهايه شهر تلاته ..
أنا بقي لي 10 سنوات احاول الحمل ... بعدين الدكتور قال عندي الاستروجين مرتفع
أوي يمكن هوا دا سبب تاخر الحمل لأنو ما عنديش اَي مشكله .. بنات الله يخليكم ساعدوني بتجاربكم
تنصحوني با أيه بجد مش عارفه أفكر خايفه أنصدم تاني وكل شي يتأجل
متوكله علي الله سبحانه وتعالي .. ممكن مثلا في آكلات ترفع الهرمون ولازم اتجنبها؟
أو اَي حاجه تعرفوها تفيد للحاله الي زايي ..
جزاكم الله خيرا ..
وكمان حابه اسالكم سؤال سامحوني علي كتر اسألتي .
أنا بخد منع الحمل من يوم وقفنا التلقيح .. ونا النهارده 14 يوم من الدوره
عندي الم جامد في أسفل البطن وتنزل افرازات بيضاء مع خيوط دم رفيعها؟
هل دا طبيعي ولا لا ؟
بجد أنا تعبت جدا والله المستعان .
الله يعوضنا جميعا يارب بذريه الصالحه .
مستنيه ردودكم علي احر الجمر ... بارك الله فيكم عزيزاتي ..
والسلام عليكم ورحمه الله وبركاته .