السلام عليكم
انا زوجي ربنا يشافيه ويعافيه يتعالج كيماوي والدكتور منعو يخلف هاي الفترة لانه العلاج بأثر عالحيوانات المنوية وبعمل لها تشوهات
وانا عبالي في ولد لان ما عندي وروحي مشتفه ع ولد صغير
وبحاول اقنع زوجي انه نتوكل على رب العالمين ونخلف طبيعي لانه مو قدرتنا زراعة
وشغلة تانية مخوفتني انه دكتوري كان شاكك انه عندي بطانة الرحم المهاجرة بس بعد الفحص تبين انه وضعها منيح بس ما بنعرف ايمتا تزيد وانا هالاشي مخوفني وموترني ومو قادرة اصبر
بدي منكم تحكولي تجارب اذا في حدا كان بتعالج وخلف اثناء العلاج وانجبوا اولاد سليمين
انا عن نفسي بعرف وحدة من اقاربنا حملت اثناء علاج زوجها وانجبت بنت سليمه
ياريت تساعدوني يا صبايا انصحوني انا مو قادرة اصبر