بسم الله الرحمن الرحيم
انا عمرى ٤٢ سنه متزوجه وعندى بنتين من ٩ شهور كنت حامل بس بكيس فارغ وخدت حبوب ونزل الحمد لله ودلوقتى اكتشفت انى حامل تقريبا لسه ما كملتش شهر
طبعا مرعوبه من تجربه الاجهاض اللى فاتت خايفه افرح وارتبط بالحمل ويحصل لا قدر الله حاجه
وخايفه عشان سنى كبير . قرار الحمل خدته عشان جوزى عايز طفل كمان وبنتى الكبيرة نفسها فى طفل
بس الحمل ده ماحدش عرف خالص غير جوزى خايفه بنتى تعرف وترتبط بالبيبى وتزعل زى المرة اللى فاتت
وفى نفس الوقت ماقلتش لحد من اهلى عشان اختى تعبانه ولازم اكون معاها تقريبا يوميا ولو عرفت هاتحلف انى ما اروحلهاش ادعولها بالشفاء
وادعولى ربنا يتم حملى على خير بطفل سليم معافى
انا من كتر خوفى مش بحط حتى ايدى على بطنى خايفه اوى اتعلق بيه
حد عنده تجربه للحمل فوق الاربعين يطمنى