قصة ولادتي المضحكه

[دلوعة قمرها]

السلام عليكم ورحمة الله وبركاته
شخباركم كروشات طبعا كما وعدتكم
انزل قصة ولادتي
يلا مابطول عليكم
كان يوم عادي اللي هو يوم الجمعه 8/11
وبدا الالم العصر الساعه 3 وماكنت عارفه انه طلق
المهم كنت اتصفح منتدى حوامل والعب على البلياردو هههه
بهاليوم زوجي وعدني يطلعني العثيم المهم كنت اتصفح وواسولف وانكت
كان الالم كل ساعه يزيد حبه شوي وانا عادي العب
بعد العشاء طلعت انا ووزوجي للعثيم مول ودخلت دايسو عشان انا احب المحل كثير
والالم زاد وبديت افقد طاقتي لاني كنت جوعانه زوجي يتسوق جنبي وانا لسه ماقلت له في الم حبيبي ببطني ولاشي
بعد كذا وخر زوجي وراح لقسم الميدليات بدايسو وانا عند المناكير شفتو كيف بعيد
ومسكت زوجي قال اش في قلت له تعبانه يلا نروح البيت ال احاسب ونطلع طلعت انا وجلست على الكراسي برا هو تاخر 4 دقايق و4 دقايق علي كانها 4 سنوات
الالم بدا يزيد وبديت اتعب ههههههههههههههههه جاتني وحده وجلست جنبي قالت لي حامل قلت لا
حاطه كوره ههههههههههههه قلت لها اي حامل ومشينا انا وزوجي ووصلنا لبوبه 4
وسيارتنا عند بوبه 2 ياخرابي قال زوجي تقدرين تمشين قلت لا مسكين راح وجاب السياره
ومشينا ولسه انا ماصحت ولا صرحت كنت هاديه لاني كنت اعرف اني بولد
قلت لزوجي ابي اكشف بمشفى حكومي وداني وهو مو فاهم شي قالت لي اربعه مفتوح طلعت وانا خلاص مافيني قوه قلت لزوجي يلا ودني مستشفى
الحرس قال ليش قلت بصوت قوي لاني بوووووووووووولد
وعلى طول على المشفى مسكين كان فيه النوووم وعنده دوام
ههههههههههه قلت له حبيبي بقولك شي قاطعني قال جوعانه يعورك شي قلت
لا في محشش يحب زوجته وقال لها انتي غزاله قالت لا انا حمامه قال لها اهم شي انك حيوانه
ههههههههههههه طالع فيني ودمعت عينه لانه عارف اني مافيني قوه بس مابي احسسه بشي قلت له ماتضحك طيب خوذ هالنكته قال استرخي عشان متتالمين
ههههههههههههههههههههههه جلست اضحك قلت له انا مافيني الا اللي الله كاتبه والبيبي راح يجي وصلنا المشفى قالي قومي اجلسي على الكرسي عشان ندخل حاولت اقوم
ماقدرت قرب مني وشالني قدام كل الرجال بيني وبينكم استحيت لانهم صفقو له هههه
انا فكرت فاز احد بكاس العالم تعرفون انتو حركات الشباب على فكره كانت الساعه 1 الفجر يوم نوصل دخلت وخذت طولي ووزني وماعرف ايش وكشفت الدكتوره علي قالت 5 مفتوح يلا على غرفة الولاده المهم جاو المممرضات يسحبون دم ويحطون مغذي علي
وجابو لي شي اكله لاني بديت افقد الوعي اكلت واستعدت نشاطي كامل صارت الساعه3
زوجي يتصل علي هاه طمنيني كيفك قلت له ياعمري نام انا بخير قال اكيد قلت لع
اكيد انت وراك دوام
قفل وبدا يحمى الطلق علي بس لسه فيني طاقهقولو ماشاء الله ترى اللي
بالغرفه جنبي مفتوح نفسي وتصرخ انا ساكته جات ممرضتي غلاديس وربي
وربي حنونه رغم انهاا مو مسلمه تسولف معي وتضحك وتنكت صار الصبح الطلق يحمى الساعه 8 تعبت مره وفتحو موية الجنين عشان يحمى الطلق
9 ونص صار الالم قووووي علي مو متحمله غلاديس كانت تقرا علي المعوذات رغم
انها كافره وتهديني الساعه عشرا افتح عشرا كامل وتعبت انا كثير جات دكتوره مصريه الله
لا يوفقها ولا يحللها قاسيه ماعندها رحمه تصرخ علي وتضرب رجلي تقول ادفعي
طيب انا بكر مو عارفه كيف ادفع كنت ادفع غلط وتصرخ علي عصبت انا وجلست
اصيييح قالت الدكتوره رانيا وخري انا بولدها عسى ربي مايحرمها ماتتمنى
ولدت بسرعه على يدها وماحسيت بالم ولاشي
وجات بنوتي فوز بكذا خلاص ارتحت ونظفوني وخلوني ارتاح وجابو لي شي اكله
واكلت وغلاديس كانت تاكلني رغم انها مو مجبوره بس تقول انا حبيتك انتي مره
حنونه المهم غلاديس جابت لي ينفورم جديد عشان اصعد فوق ارتاح بدلت لي وصعدت فوق وحطتني على السرير واكلتني مره ثانيه وقالت لي نامي نمت لاني حسيت اني ارتحت
نمت وجات بعد ساعتين غلاديس مع فوز تقولي بنتك حلوه كثير
جلست معي والساعه 6 جاو اهلي وهي كانت جنبي تاكلني وتدلعني الله يوفقها يارب
كانها اختي وازيد جاو اهلي وشافوني زوجي شافني دخل وضمني جلس يبكي يقول
كنت خايف عليك كنت وكنت هههههههههههه مسحت دموعه قلت لها انا مابخليك الا اذا الله
كتب لي اني اخليك مرت ابووي قالت له اطلع برى مانبيك هنا قلت لها انتي برى وهو
خليه هذا زوجي مرت ابوي حاقده علي لان الله مارزقها وكل ماجا احد يسلم علي تطرده اتصلت على غلاديس وقلت لها في وحده مزعجتني تعالي طلعيها وفعلا طردتها
ههههههههه وبس
ومع السلامه شرايكم بالقصه