برنامج متكامل للتخلص من ... الترهل ... السيلوليت ... الخطوط البيضاء

[▂▃ سوسو القمر ▃▂]

بسم الله ويلا نبدأ :
أولا : القواعد الأساسية :
شرب 10 أكواب ماء يوميا ... 4 أكواب منها على الأقل تشربيها – يفضل على الريق قبل أي شيء - صباحا كوب واحد كل ساعة وليس دفعة واحدة عشان يستفيد منها الجسم ... وممكن إذا ماعندك مشاكل بالمعدة تعصري نص ليمونة وشوية نعناع بكوب ماء وتشربيها الصبح عالريق جدا مفيدة لتطهير الجسم من السموم ... – نص ساعة على الأقل مشي يوميا ... بعرف أنو الجو الآن جدا سيء وغير مناسب للمشي ... روحي لأي مول كبير وبدل ماتتمشي ببطء قدام الواجهات امشي بسرعة واعملي نظرة سريعة عالواجهات واستمتعي .... وما بتلاقي غير مرقت النص ساعة وماحسيتي فيها وبنفس الوقت استمتعتي بمتابعة كل شي جديد بالأسواق ... – نص ساعة تانية خصصيها لأي رياضة بتحبيها في البيت ... وياليت تكون من تمارين المعدة والأرداف ... أما اللي مثلي ( عندها إصابة في الظهر ) فأفضل وأسلم شي الدراجة الثابتة ... اشتريلك وحدة رخيصة 300 أو 400 ريال بتلبي الغرض ... وتمرني عليها ... خليها على أخف عيار عشان ما يطلعلك عضلات ... هدفك هو حرق الدهون وشد الجسم لذلك مافي داعي تصعبيها ... – تدليك يومي رح أشرح عنه لاحقا -
ثانيا : المحظورات في البرنامج :
المجنات ممنوعة – الخبز مسموح نص رغيف أبيض ومسموح التوست الأسمر ( الحبوب الكاملة ) – الشاي والقهوة الأفضل الاستغناء عنهم نهائيا بس للمدمنين مثلي فنجان واحد شاي وواحد قهوة فقط بدون سكر – المشروبات الغازية ممنوعة - التقليل إلى الحد الأدنى من الأرز والمعكرونة – الحلوياااااااااااااااااااااااا اات ممنوووووووووووووووووووووعة منعا باتا حتى لو حسيت نفسك بدك تموتي لو ما أكلتي حلو ( مثل مابيصير معي ) – الأكل الدسم ( المطبوخ بالسمنة ) ممنوع وإذا اضطريتي استخدمي زبدة المارجرين أو زيت الزيتون وعموما المقالي ممنووووووعة – تناول المسكنات ممنوع إلا للضرورة – الملابس الضيقة ممنوعة إلا إذا كان لفترة قصيرة زيارة أو ماشابه ... لأنها تعيق حركة ودوران الدم – الحمامات الساخنة ممنوعة تماما لأنها جدا مساعدة في الترهل خليكي عالحمامات الدافئة ويفضل إذا بتتحملي الدوش البارد – التعرض للشمس بدون كريم واقي ممنوووووووووووع – الجلوس الخاطيء المنحني ممنوع ... خلي جلستك على طول مشدودة – التوتر والقلق والعصبية ممنوووووعة ... خلي أعصابك باردة وبلاش زعل وتعصيب بدون داعي - خففي الملح في الطعام قدر الإمكان -
الاتزام بالقواعد السابقة ضروري لأنو علاج السلوليت تحديدا بيكون من داخل الجسم وخارجه ... لأنه ماهو مشكلة بشرة وبس ... مشكلة سموم في الجسم ونوعية غذاء ... بس حبيباتي أنا عارفة أنو الالتزام الكامل صعب لذلك خليكي مرنة ولا تزعلي وتكتئبي إذا ما اتبعت القواعد كلها لأنك بتشعري بالاحباط وبأنك فاشلة وبتتوقفي عن المحاولة ومابنكون وصلنا لنتيجة ... حاولي على قدر استطاعتك ... وتذكري أنو كل شيء في أوله صعب ... تتذكري لما كنت صغيرة قديش كان أول يوم بالمدرسة صعب عليكي وأنت لوحدك ... تتذكري كمان أول يوم بعد زواجك لما صحيت ببيت غير بيت أهلك قديش كان صعب ... بس الحمد لله الآن كلنا مبسوطين ببيوتنا مع أزواجنا وأصلا ماعاد نقدر ننام برا بيوتنا ... بنشعر بسعادة فظيعة لما نكون مسافرين ونرجع للبيت ... وكل مشاكلنا لازم نحلها بهالطريقة ... بالإرادة والعزيمة ... ونتغلب عالصعوبة بالأول وبعدين بيصير كلشي عادي وسهل ... وتذكري ... احنا بشر ومارح نعمل سحر ومعجزات ونحقق إنجازات بين يوم وليلة .... يعني مافي داعي توقفي كل يوم قدام المراية وتندبي حظك وقولي مافي شي عميتغير ... رجاء لا توقفو قدام المرايا قبل شهر من بدء البرنامج ... وبعدين تذكري أنو الترهل رح يرجع إذا رجعتي لعاداتك السيئة ... حطي ببالك إنك بإذن الله رح تحافظي عالنتيجة وتستمري بالرياضة عشان ماتضيعي تعبك ... رح أرجع لاحقا مع البرنامج اليومي للمرحلة الأولى