السلام عليكم
بدخل في موضوعي بسرعة
واتمنى من كل قلبي انكم تساعدوني
انا صار لي متزوجة 4 شهور زوجي يموت في الاطفال
وحتى انا وصار لنا نحلم فيهم من لما كنا مخطوبين
وحتى حضرنا اسمائهم ادري بتقولوا مستعجلين
بس حييل نحب الاطفال وبالذاات زوجي
مرت 4 شهور على زواجنا كأنهم 4 سنين عنده
كل مرة يتحطم اذا قلت له جاتني الدورة بس مايبين لي بس احس عليه
الشهر الي فاات كانت فيني اعراض حمل دوخة ونوم والم في الضهر والبطن
قبل موعد الدورة بواجد وكنت اشتهي اشياء لدرجة ان اي احد يشوفمي يقول حامل
حتى اتيقنت اني حامل وزوجي كان حيل فرحان
واتأخرت الدورة علي يومين ورحت المستشفى وقلت للدكتورة عن الاعراض قالت لي 100%حامل
بس بنسوي لش تحليل هرمون حمل وتحليل فقر دم
وزوجي فرح لنها ايقنتنا انه حمل وبعد التحليل انصدمنا انه مافيه حمل طلع عندي انخفاض في الضغط شديد وفقر دم عطتني حديد وفيتمينات
بس هالشهر الاعراض زايدة اكثر من الشهر الي فات ويجيني احساس اني حامل
وبعض الاحيان اقول يمكن وسواس
وقلت هالمرة ماراح احلل لين ماتتأخر الدورة واجد عشان مااتعب روحي عالفاضي
واليوم في الجامعة نزل علي دم والم في ضهري كأنه يتكسر ونزلت قطعة صغيرة معاه
انا مو عارفة اذا هذي الدورة ولا اجهاض وماابي اروح المستشفى اخاف تكون دورة واتعب زوجي عالفاضي وانحرج
ابي اسأل اذا كان الاجهاض المه حييل قوي ولا مثل الم الدورة ولا يختلف من وحدة لوحدة محتارة ومابي اروح مستشفى تعبت ومالي خلق ![85](images/smilies/TR (81).gif)
الله يخليكم سااعدوني