يابنات ساعدوني في حيرتي السونار وجنس الجنين

[خيال]

السلام عليكم ورحمة الله وبركاته

اخباركم ان شاء الله بخير انا ودي اقول لكم حيرتي واتمنى انكم ماتقصرون معي وتفيدوني ياخواتي ..
انا الحين حامل في الاسبوع ال 19 يعني توني دخلت الشهر الخامس
الحيره هي اني في الشهر الرابع في بدايته قال لي دكتوري ان فيني ولد وبعدين حصل معي تعب شوي فرحت للدكتوري مالقيته كان مسافر فرحت لدكتوره ثانيه عشان اتطمن عن الجنين فقالت الحمدلله كل شيء كويس فقلت لها شنو اللي فيني قالت فيك بنوته وانصدمت لان دكتوري قال ولد وبعدها بكم يوم رحت للدكتوري وقلت له وقال كيف انا اللي بين عندي ولد فعمل لي سونار مجاني عشان بس يشوف فحاول يشوف موواضح لان البيبي معطي الجنب وماتبين الاعضاء فقعد تقريبا 10 دقايق وهو يحاول موراضي يغير الحركه ثبت على الحركه قال خلاص تعالوا بعد اسبوع قلنا اوكي انا وزوجي
وبعدها ماصبرت رحت للدكتور ثالث فشاف بالسونار قال ولد.. وبعدها اتصلت على وحده من قريبتي قالت لي عن دكتوره شاطره هذي الرابعه تعرف جنس الجنين فرحت لها فقالت بنت وهنا بدأت الحيره
وتوني جايه من دكتوري قال اللي فيك بنت قلت يادكتور انت شفت ولد والحين بنت كيييف فقعد يشرح لي عن الاعضاء التناسليه وكيف تصير ؟؟؟؟
وهنا الحيره انا عندي بنتين ووودي وبخاطري ولد ويارب اللي ببطني وقولولي بنات مع ان احساسي يقول ولد ماادري عشان ابي ولد
وانا حلمت ان وحده عطتني وانا حامل بالشهر الاول حلق ذهب وقالت لي هذا لك ولما شفت تفسيره لابن سيرين الحلق الذهب ولد

يابنات ادري طولت عليكم بس لاتخلوني والله يطول بعمرها ويرزقها من حيث لاتحتسب اللي ترد علي ,,,