حتى النوم مو قادره انوم!!تعبت بقووووه!!

[دلوعته]

السلام عليكم..

حبيت اطرح مشكلتي هنا..عل وعسى اللاقي ردود تخفف عني..

وتواسيني..حبيت استفيد من الجميع..بالذات الأمهات اللي سبق لهم الحمل والولاده..الله يوفقهم ويصلح لهم ذريتهم..

ياناس انا عندي مشكله اعاني منها من زمااااان..وبشكل قوي جدا..

من اول ما بلغت ((يعني قبل ما اتزوج))وانا اعاني من فوبيا الولاده!!!

يعني من بدأت احس بآلام الدورة الشهرية وعرفت من وين يطلع النونو وانا بحاااااااااااااله صعبه..

اقسم بالله خوف شديد وخيالات تاخذني بعيد احس اني اموت مية مره وانا بس اتخيل اني حامل وابغى اولد!!

مع اني اموووت في الأطفال وأموووت فاللحظه اللي احظن فيها طفلي _يارب ترزق كل محرومه_ الا ان هالموظوع شاغلني ومتعبني كثير..

المهم انا الحين حامل وببداية الشهر التاسع

خلاص احس بموووت من الخوف..ما اتخيل نفسي صدق اولد وانو الحين فيه في بطني نونو!!

كلش اتخيل العمليات والدم والطلق والأشياء هذي طول الوقت كذا..

وربي اني جالسه مع الناس وما كأني معهم!!

بس افكر وافكر..

احيانا اقول يا ليت فيه زر اظغطه ((ويسوي إلغاء)) ولا ابلش اولد لا طبيعي ولا عمليه!!

عارفه كل البنات يخافون,,بس انا احس متصعب علي الأمر بزياده..

صرت طول الوقت آكل اظافري..وافكر..وابكي..وما اعرف كيف اتصرف!!

اخواتي..

الله يخليكم لا تهملون مشكلتي..لأني من جد تعبانه واصله حدي سهر وبكا..

اتنى الاقي احد يصبرني ويخفف عني..حكوني عن تجاربكم ـ السهله بس ـ واللي ما مرت بمواقف صعبه!!

الف شكر لكم وربي لا يحرمكم الأجر جميعا