محتاره في اعادة الوصفه افيدوني

[براءة انثى]

بسم الله الرحمن الرحيم

السلام عليكم ورحمة الله وبركاته

اخواتي انا بنوته جديده بينكم وحبيت مواضيعكم

وافدتنوي كثير جزاكم الله خير

بس هالمره بستفسر وان شاء الله ماتردوني وتفيدوني

الموضوع

انا كل شي عندي طبيعي الحمد لله حملت مرتين طبيعي بس الان لي كم شهر احاول بالحمل بس الله ماكتب لي حملت واجهضت مرتين


وطلب مني زوجي اروح لدكتوره
وبعد سنه و7 شهور تفكير اقتنعت اروح من شان زوجي
يبي كوم عيال
و شهر ذو الحجه رحت لدكتوره سوزان
وقالت لي كل شي اوكي وانتي توك صغيره على العيال
بس قالت لها زوجي في المساله مااقدر اقول لا
عطتني حبوب بس نسيت شو اسمه
وقالت لي تعالي اول ايام الدوره
وراجعت لها وكان الدوره لي 3يوم
عطتني الكلوميد واخذته ورجعت لها بعد 13 يوم وعطتني ابر2 في العضل
choriomon5000tuamp

هذا اسم الابره

طبعا انا ماادري عن شو اسال بضبط فماسالتها كثير
قلت لها بعد ماخذت الكلوميد وكانت تاخذ لي سونار
يوم13شو شايفه يادكتوره
قالت لي كل شي اوكي والتبويض تمام بس خذي هالابر


بعد ماطلعت زوجي قال كم مقاس البويضه قالت له ماادري
قال كم بويضه قالت مادري

جلس يضحك يقول اجل انتي ليه جايه اذا مارح تسالين
!!

بس انا بعد ماقالت لي كل شي تمام وبس


يلي ابي استفسر عنه

س/شو هي هذا الابره؟ وليه عطتني اياها؟
احنا الان في شهر محرم وجات البرنسيسه
ومفكره بصفر اعيد التجربه..
س/هل اعيد الوصفه من جديد بدون ماارجع لها ؟
يعني الكلوميد والابر!!