حلى~ Elegant Dessert رووعه ..

[غلا الشوق]

السلام عليكم ورحمة الله وبركاته

المقاديـر ...




كوكيز او بسكوت دايجستف - يعتمد عالحجم اللي تبغينه


3 أظرف دريم ويب
5 حبات جبن كيري
4 علب قشطة طازجة
1 علبة نستله كبيره
1 فنجال شاي حليب سايل
1 م ص جيلاتين مذوبه بنصف فنجال الشاي مويه حاره
مكسرات مجروشه
قرفه


جاناش (شوكولاته)


~ الطريقهـ



نبدا بتجهيز القوالب ، وافضل انه تجهزينها قبل بكم يوم لما تكونين فاضيه
جيبي القطاعات الدائريه ، لقيت الكبيره على حجم الدايجستف والصغيره على حجم الكوكيز




قطعي قصدير لقطع مستطيله واثنيه بالنصف علشان يثقل ولفيه عالقطاعه ولصقي الاطراف
مثل ماتشوفون بالصوره




سبق وجربتها بورق زبده ماضبط
ممكن تقولون ليه هالحوسه ، ليه مانحطها بصينيه ونقطعها بالقطاعات وبلا هالسواليف
راح اقولك لك ليه ، لانه الحلا مو مره متماسك فصعب تقطيعه بالقطاعه



جيبي البسكوت او الكوكيز - على حسب الحجم اللي انتي راغبته
بس افضل الكوكيز لان الحلا ثقيل شوي ماينفع قطع كبار ،،
وادهنيه بشوي حليب سايل او مويه ونسكافيه او حتى عصير برتقال جاهز للناس اللي يحبون الطعم الغريب بس علشان يترطب شوي ، وحطي عليه دوائر القصدير


اخلطي مقادير الخلطه البيضاء كلها بالعجانه او بالخلاط اليدوي الكهربائي حتى تتجانس
وصبيها عالكوكيز وضبطيها من فوق بحيث تكون مستويه ودخليهم الثلاجه يبردون وقت طويل




نجي للحشوه اللي فوق ،،
ممكن تحطين اي شي ترغبين فيه
كل انواع الباي فيلينق تبع التشيز كيك تمشي
بس بالنسبه لي ألذ حشوه حسيتها ماشيه معاه ومعطيته نكهه جديده
انه تجيبين مكسرات مجروشه - انا استخدمت جوز البقان
واخلطيها مع قرفه مطحونه ورشيها عالوجه ،،



بعدين صلحي جاناش شكولاته مثل اي شوكولاته تذوب واتركيه يبرد شوي وصبيه فوق المكسراتورجعي الحلا الثلاجه لغاية وقت التقديم ..
لما تقدمينها شيلي القصدير عنها وتذوقي الطعم الرائع
وبالعاااااااافيهـ