مجرد سالفة,,,,,لا أكثر

[نوسي]

السلام عليكم ورحمة الله وبركاته
كيفكم ياعسولات؟أنشاء الله كلكم في أتم الصحة والعافية,,,

أنا جاية بس أسولف لكم لموضوع صار لي من باب التسلية والدردشة لا أكثر لان الموضوع عادي ,,
المهم يا حلوات...

أنا كنت معزومة لزواج أحد الاقارب وكان في مدينة ثانية المهم تحمست لانهم من زمان موشايفيني ,,
واتكشخ واتعدل لين طلعت كني هيفا ء وهبي خخخخخخخخخخخخخخ,,,

المهم واروح للزواج وامشي بدلع واخاف احرك راسي عشان ماتخترب التسريحة خخخخخخخخخخ...

وامشي واسلم على النسوان اللي من كثرهم احولت عيوني هههههه,,,

وعاد لوتسمعون كذب الحريم وهياطهم اللي تقول ناحفة واللي تقول انتي وش اللي سمنك..واللي تقول احلويتي والي تقول ماتغيرتي ...ومن ذي السوالف الي وجعتني في راسي....

المهم ماصدقت اني اخلص سوالف وسلام على طول رحت الف براسي ادورلي كرسي اجلس علية وانا ماسكة راسي خايفة التسريحة لا تخترب خخخخخخخخخخ...

المهم وتطيح عيني على ذاك الكرسي واروحلة ركض وماصدقت اني قربت منه الا واشوف ذيك العجوز اللي جاية يمي وانا اقول ياليل ماطولك وش تبي ذي والله رجلي ورمت من كثر المشي والكعب عامل عمايلة,,خلاص ماتحمل زيادة بعد,,,

المهم وتقرب عندي وتسلم علي قالت ماعرفتيني وانا قاعدة اطالع في وجهها .أيه الا عرفتك ,,,كانت هذي من جيرانا أيام أول وبنتها كانت معي في نفس الفصل...
المهم وتجلس تسالني عن احوالي وتبكي ,,ياليل هذي شفيها قلبتها فلم هندي ,,على الرغم من علاقتنا كانت موزيادة يعني معرفه سطحية...

المهم تسألني عن أهلي كلهم واحد واحد حتى أبوي أنشدت عنة خخخخ
وانا أقول ياوالله العجوز النشبة ...تعبت من الوقفه


وشوي الا وتنزل على يدي وتبوسها...وانا انصدمت وفيه حريم قاعدين يطالعون وهي عجوز كبيرة في السن والله أنحرجت مرررررررررة ومادري وش اسوي حسيت عيب اروح بعد ماباست يدي ولازم أسوي مثلها...
وامسك يدها من الحماس الزايد واجرها يمي وبغت تنفك يدها لولا لطف الله خخخخخ,,وامسك يدها وابوسها خخخخخخخخخ

ادري بتقولون وش ذا الخبله ليش تبوسين يدها بس أنا حسيتا قوية أنها باست يدي واستحي اروح واخليها كذا..
وتروح الله يستر عليها وانا اجلس بعد عنا طويل,,
تخيلو ا يوم علمت خواتي اني بست يدها ضحكوا علي خخخخخ.. بس لو انتو مكاني وش راح تسون بتبوسون يدها او لا خخخخخخخخخخخ والله من جد سالفة...

هههههههههه وسلامتكم ياحبايبي,,,,,,,