بنات خلونا نسولف...

[نوسي]

بسم الله الرحمن الرحيم
السلام عليكم ورحمة الله وبركاته

أخباركم حبايبي ؟؟أنشاء الله تمام؟؟
وش رايكم نطلع للبر اليوم على هالجو...والله الجو روعة في الرياض توحفة..وانا عازمتك في البر بس رجاء الي على وشك ولادة تقعد لاتروح مانبي نتوهق فيها اذا جتها الولادة,,,

اليوم ياحبايبي فاضية وقاعدة في البيت رغم انو الجو حلو أهي. أهي .أهي.. بس وش أسوي أبو الشباب توه جاي من الدوام ونايم,,
وقلت أدخل النت واسولف مع حبيباتي ..

أدري بتقولون هذي وش عندها ,,,, وراها ماتخلصنا خخخخخ...

اليوم وانا جالسة على التلفزيون واتابع مسلسل كويتي وأسمع بعض الكلمات بصراحة مافهمتها وقلت في نفسي ليش بعض الكلمات وأسما الاكلات تختلف من مكان لمكان على الرغم من انا عرب...

فقلت بما أنا في المنتدى بنات من جنسيات مختلفة ومناطق مختلفة حتى بالسعودية نحاول نسأل عن أي كلمة أوحتى أسم أكلة سمعتيها من جنسيه غير عنك ومافهمتيها ونحاول نفيد بعض وندردش ..

أنا ببدئ وبسأل اللي من دولة الكويت الي ياحبي لكلامهم أنا بسأل عن أسماء أكلات {أهم شي خخخخخخخخخ}
دايما أسمع عن المووش وماعرف وشو..
وبعد عن شي يسمونة{البنك}مو البنك حق الفلوس خخخخخخخخخخخ..
وبعد فية صب القفشة ,,,
ومادري في كلمة الدوة بس هذي كأني فهمتا يعني الجمر صح أو لا؟؟

وعندي لاهل الامارات الحبيبة كلمة ,,ماروم,, مادري أيش معناها؟؟
وأذا حضرني شي برجع أكتبة ,,
أدري طولت بس لا تفشلوني ردو علي وخلونا نسولف,, والي عندها شي تسأل عنة..