منهاره وابي أضمه ::

[عشق الصدى]

السلام عليكم ورحمه الله وبركاته

اما بعد

فكرت واايد اكتب الموضوع او لا ,,؟ من ابسط الاشيا صرت اخاف منها , حتى لو مسكت القلاص (كوب) اخاف يتكسر...

متزوجه من 8 أشهر من زوج محب وكلمه محب قليله في حقه .. ماقصر معاي بأأي شئ ,حتى فنادق راهيه انام فيها , واغلى الماركات احصلها , واحسن المطاعم اكل منها , 8أشهر وانا ما اريح زوجي من حساسيتي ومن عواطفي ومن ومن ومن....إلخ
الفراغ هي حياتي والتفكير لاعب في مخي لعب ,وياما احاول اشغل نفسي بس هي فتره ويزول ويي بداله الفراغ, لو ما سأل او ما تصل او تأخر اتم مضايقه وهو مايحس بضيقي لكن لو كلمته وقلتله : انا مضايقه منك يقول ليش اقول بس جييه . او مرات اقوله بحقاره :شو تبي .يقوم يزعل ويضايق وعادي يقعد يومين متزاعل معاي وماوده يكلمني ويطرشلي كلام قوي ما اتحمله اقوله كلامك مستوي قوي ,يقول مب اقوى من كلامج ..وصح كلامه
يابنات انا منهاره عندي التعبير زفت ماعرف اتكلم او اواجهه لو صار بيننا زعل او مشاكل واللله ماعرف اتكلم لان طول حياتي مانحطيت مثل هالمواقف
انا اكتبلكم وانا ميته من الصياح ,,صرت اخاف اسأله واقول يمكن سؤالي بعد يطلع غلط ويعصب ويضايق .اخاف يشوف موضوعي هذا ويتضايق ,اخاف ايي صوبه ويقول ابعدي عني ,اخاف اقوله شخبارك <<<ماقدر اكمل

ساعدونيي ماعرف اخلي شو والا شو

إلى زوجي العزيز :لو انت تشوف موضوعي أرجوووووك سامحني ,والله ماكان قصدي حياتنا توصل لهالمواصيل ولا تضايق لو كتبت هالموضوع عشان الناس تعرف عن حياتنا لا والله ..
ابي اوصل هالمعلومه للعالم كله انا ترى والله احبك وما اقوى ع فراااااااااقك ,أرجوووووووووووك سامحني واوعدك ماعيدها والناس شهداء علئ