عندك صابونة الغار وحابه تستفيدين منها ومو عارفه كيف انا راح اقولك طريقه روعه وبالصور

[ام صغيرات]

السلام عليكم ورحمة الله وبركاته
شخباركم بنات ان شاء الله تمام

عندكــ صابونة الغار

وحابه تستفيدين منها

ومو عارفه كيف

طيب انا بقولك وش فايدتها

وبعلمك طريقة الاستفاده منها
واعجبتني
وهاذي صورتها


اولا_مصدر هالصابونه ووش مصنوعه منه
هالصابونه مصنوعه من زيت الزيتون مع زيت الغار



اولا_مصدر هالصابونه ووش مصنوعه منه
هالصابونه مصنوعه من زيت الزيتون مع زيت الغار

صابون الغار هو منتج سوري يتركز انتاجه في مدينة حلب وفي المناطق التي يزرع فيها شجر الزيتون اما زيت الغار فيستورد أساسا من تركيا حيث لا تكفي الكميات المنتجة في سوريا لحاجات الصناعة.

ثانيا_ بقولكم على فوائد هالصابونه
ولصابون الغار الطبيعي فوائد متعددة منها المساعدة على تغذية البشرة واعطائها قوة ونضارة مما يساعد على تأخر ظهور التجاعيد وتغذية جذور الشعر ومنحه الحيوية والتخفيف من تساقط الشعر اضافة الى تخليص الجسم من البكتريا المسببة للرائحة ومنحه عطر طبيعيا جميلا

واوضح ان صابون الغار هو الاسم الذي أعطي للصابون المصنوع يدويا من زيت الزيتون وزيت الغار وهو احد اهم المنتجات السورية الاصيلة التي وجدت في مدينة حلب منذ القدم لذلك عرف عالميا باسم صابون حلب وهو مصنوع من مواد طبيعية تعتني بالبشرة لاسيما البشرة الحساسة والمتعبة أو المتضررة من اثار جلدية مرضية مثل الاكزيما والصدفية. واشار الى ان صابون الغار يعمل كذلك على تغذية البشرة وانعاشها والاعتناء فيها لذلك يتزايد يوما بعد يوم عدد المهتمين بصابون الغار حول العالم.
ثالثا_وش لون استفدتي منه ياهنااي
انا اقولكم وش لون استفدت منه
وطريقتي هي_
1-جيبي علبه فاضيه ونظيفه ويفظل انها تكون بلاستيك
2-ابشري الصابونه
3-جيبي ماء ورد
4- جيبي علبة شامبو فاضيه
5- زيت الجلسرين +زيت اللوز

الطريقه هي-
بعد ماتبشرين الصابونه وتخلصين حطيها بالعلبه الفاضيه مو علبة الشامبو لا العلبه رقم 1 البلاستيك
وبعدين صبي فوقه ماء الورد
بس لاتكثرين لاشي يغطي الصابون بس
وخليها تنقع يوم كامل او من الصبح لليل
وبعدين بتصير عندكـ الخلطه جاهزه يعني يجيك زي الصابون السايل او الشامبو تجي مثله بالظبط
وبعدها جيبي الجلسرين وصبيه فوق الصابون طبعا بعد الخطوه اللي فوق
بس لاتكثرين شوي واذا عندك زيوت وحبيتي تظيفينها اظيفيها مو مشكله وبعدين صبيها بعلبة الشامبو عشان تكون اسهل في الاستعمال

وووبســـــــــــــــــــــــــــــــ

وخلاص تصبح جاهزه للاستعمال

واذا جيتي تتسبحين بعد ماتغسلين جسمك بالمويه
اخذي من هالخلطه ووزعيها على جسمك
وبعدين جيبي الليفه وفركي والله ياهي تنظف من قلب
وممكن تستخدمونها في الحمام المغربي بدل الصابون المغربي
والله انا جربتها بكل الطريقتين روووووعه
تنظف وتنعم
وبعد ماتخلصين متسبحه
ادهني جسمك<<<<<<والله اهم نقطه يابنات
لاتقولون حر ومدري ايش بأي لوشن تحبين جونسون جلسوليد اي شي يعجبك بس هاذي الافضل
بالعكس لاطلعتي من الحمام ومادهنتي هالشي يعرض الجسم للجفاف وتسمر البشره
وان شاء الله اكون افدتكم بالمعلومات اللي عندي