عجينة بجد خياليه تزبط مع اي وحدة

[احلى كرميلا]

السلام عليكم ورحمة الله وبركاته

كيفكم ياحلوين انشالله بخير

وربي حبيت انزل طريقة للعجينة لاني احب اي شي يزبط معايا مية بالمية وسهل انزلو في منتداي الغالي

طبعا دي العجينة ربع ساعه وتتنفش وطريه جبت الطرق العالم كلهم مازبطت معايا

بس دي ريحتني كتير وخصوصا انها ماتتعب وتزبط بسرعه

يلا نبدا بطريقه

اذا ماعندك عجانه للعجينه جيبي خلاط

ونحط فيه

2-كاس دقيق منخول

2-كاس مويا دافيه

3- ملاعق سكر

1 ونص ملعقه كبيرة خميرة فوريه

1-ملعقه بيكنج بودرة

3- ملاعق حليب بودرة

نص كاس زيت

كلها في الخلاط راح تسير سايله بعد خلطها نحطها في زبدية كبيرة ونضيف
2- كاس دقيق واذا احتجتي شويا حطي الين تتماسك تسير زي اللبانه
واعجينيها بيدك او بالعجانه زي عشرة دقايق

وجيبي ايش شي وغطيها نايلون او غطى مناسب

وحطيه في مكان دافي لمدة ربع ساعه
وتنفع دي للبيتزا او للفطاير

وبالعـــــــــــــــــــــــــــــــــــــــــــــ ـــــــافيه عليكم
وادعولي لما تجربوها