السلام عليكم ورحمة الله وبركاته
كيف حالكم يابنات
ابدخل في موضوعي على طول ماني حابه اطول على الحلوات
تاخرت دورتي اربع ايام وانا ما احب التحليل المنزلي اخاف منه
وراح زوجي وجابه لي وما قالي
ولما صحيت الصباح معه وكنت رايحه للحمام الله يكرمكم
قالي لا انتظري لاتدخلين انا خفت وجاء على بالي انه صرصور في الحمام
وقلت اشفيك وهو يطلع جهاز اختبار الحمل ويقولي سويه
بصراحه جاتني ضييييييقه وقلت الله يهديك ليش جبته انا متاكده ان الدوره راح تجي الان با اموت من الامها
ودخلت بس عشان ما اكسر خاطره
والمفاجاه طلع خطييين وواحد خفييييييف وجلست ابكي ماني مصدقه
ويوم شافه زوجي هون يروح الدوام
وقام يفكر بالاسماء ايش يسميه اذا كان ولد وايش يسميه اذا كان بنت
وقلت له خلنا نروح نحلل دم امكن مايكون فيه حمل قالي الان نروح نحلل دم وكان وقتها الساعه 9 الصباح
ورحت للمستوصف اللي جنب البيت
وسويت تحليل الدم وانتظرت تقريبا ساعتين
وقالت الممرضه فلانه
قلت نعم وانا خايفه ومتوتره
مبروك انتي حاااااااااامل
طار عقلي من الفرح
وزوجي اعطاها الف ريال من فرحته
الحمد لله ربي يتمم لي على خير ويرزق كل محرومه
امييييييييييييييييييين.