شلون اتصرف مع اهل زوجي ..

[شمايل بنت الدمام]

السلام عليكم ورحمة الله وبركاته ..

بقولكم مشكلتي ..

انا عندي مشكلتين وابي لهم حل ..
المشكله الاولى ..
انا مرتين تنومت بالمستشفى .. واهل زوجي ما زاروني
ومره سقطت مرت ولدهم الاولى اللي عندها 7 عيال وكلهم زاروها
وانا جنبها بنفس المستشفى والغرفه جنبها و كنت طايحه من الدرج وهذا اول حمل لي
محد جاني ولا عبرني الا زوجي واهلي بس ..

قهر والله ..

المشكله الثانيه ..

مره من المرات رحت المجمع انا وبنت اخته عمرها 18 تقريبا المهم ..
ثاني يوم تفاجات ب اخته تهاوشني وتقول انتي خربتي بنتي وانتي وانتي
قلت وش فيه وش صاير قالت بنتي تكلم واحد امس اكيد يقرب لك اللي تكلمه
او انتي معرفتها عليه ..

انا والله نشف دمي وانصدمت من اللي سمعته ع طول رحت اصيح ماقدرت اتكلم
وماتوقعت ان البنت سوت كذا وهي قالت شمايل مالها دخل ..

زوجي قال خلاص بعدي عنهم وماعليك منهم والشرها ع اللي يبي يونسهم ..



وش رايكم ..؟

[شموسه]

طاعت الزوج
مايبيلهاا راي
بس المهم هو مايقاطعهم

ولا تاخذين احد من اهله معاك في اي مكان

والمكالمه بينكي وبين امه بالتلفون او هي تزورج

شنو تسوين غير هاذا؟؟؟

[شمايل بنت الدمام]

توبه توبه اخذ احد معااي ..

الله يعطيك العافيه ع الرد ..

[sweet moon]

اختي انتي سويتي اللي عليك

لاعد تحكتي وش ترجين من زيارتهم

اذا زوجك بنفسه قال لاعد تروحين يعني عارف طينة اهله

يخب عليهم لازرتيهم بالسنه حسنه

اللي مايقدرك لاتقدريه

وخير الكلام ماقل ودل

[غبار الورد]

شوفي ياقلبي انتي مو بحاجة لناس مثل كذا توجع لك راسك اذا يبون يجون حياهم الله واذا مايبون مايشفون شر واصلن هم لو محترمينىولدهم كان زاروك صح ولا لا
نصيحه اذا هم ناس حقين مشاكل لاتقربين منهم أدى الواجب اللي عليك اللي هو سلام وزيارت مريض وبس لانك لو دخلتي معهم بتصير مشاكل كثير وتتهاوشين انتي وزوجك ويمكن مصيرك الطلاق لا تسمح الله لان الرجال مهما كان يحبك وبعزك مرده لاهله وخليه هو يروح لهم زي مايبي وانتي زوريهم سلمي وارجع بس
والله يفك محنتك ويسخرهم لك
سامحيني على كثر الكلام*

[مفاهيم الخجل 2]

الله يساعدك عليهم بس خلك بعيده عنهم ومري عليهم من فترة الاخرى وحبيت ادعي لك والله يعينك

[حياتي انا]

بما انو زوجك قلك لاتزوريهم
اسمعي كلامه وزوريهم بس
في الاعياد ولا تحتكي فيهم ابدا

[كل الحلى]

اللي مايعدك ربح لاتعدينه راس مال

واللي ماهميتيه ولا درى عن هوا دارك
ليش تشغلين تفكيرك فيه والا من الاساس
ليش تعطينه حيز في حياتك وإلا في تفكيرك..؟؟

حبهم وكرههم ماراح ينقصك ولايزيدك
فالمشاعر تبقى مشاعر
في النهاية هي شيء غير ملمووووس

خلاص أسحبي عليهم ولا كأنهم موجودين في هالدنيا
وريحي بالك

[شمايل بنت الدمام]

المشاركة الأصلية كتبت بواسطة sweet moon

اختي انتي سويتي اللي عليك

لاعد تحكتي وش ترجين من زيارتهم

اذا زوجك بنفسه قال لاعد تروحين يعني عارف طينة اهله

يخب عليهم لازرتيهم بالسنه حسنه

اللي مايقدرك لاتقدريه

وخير الكلام ماقل ودل

صح والله كلامك بس اخاف مع مرور الوقت زوجي مايروح لهم ..
وانا ماودي هالشي يصير ..
الله يعطيك العافيه ع الرد

[شمايل بنت الدمام]

المشاركة الأصلية كتبت بواسطة غبار الورد

شوفي ياقلبي انتي مو بحاجة لناس مثل كذا توجع لك راسك اذا يبون يجون حياهم الله واذا مايبون مايشفون شر واصلن هم لو محترمينىولدهم كان زاروك صح ولا لا
نصيحه اذا هم ناس حقين مشاكل لاتقربين منهم أدى الواجب اللي عليك اللي هو سلام وزيارت مريض وبس لانك لو دخلتي معهم بتصير مشاكل كثير وتتهاوشين انتي وزوجك ويمكن مصيرك الطلاق لا تسمح الله لان الرجال مهما كان يحبك وبعزك مرده لاهله وخليه هو يروح لهم زي مايبي وانتي زوريهم سلمي وارجع بس
والله يفك محنتك ويسخرهم لك
سامحيني على كثر الكلام*

ماقصرتي والله ..
صح هو مرده لهم بس ليه يعني شايلين علي وانا مو مسويه شي ..
قهر والله ..
انا خلاص قلت اللي بيني وبينهم سلام وبس لان صعبه اجلس مع ناس وهم شايلين بخاطرهم علي ولا يفرحون لي بالخير ولا يزروني اذا تعبت وش الفايده
ما قدرو ولدهم اصلان ..