الله لايوريكم الظلم اللي جاني

[قلبي مملكة وفهد يملكة]

[size="5"]السلام عليكم
بنات الله يخليكم اعطوني حل لمشكلتي
أنا والله الحمد عايشه مع اهل زوجي بشقه فوقهم والحمد الله مرتاحا
بالعوأربابها سنين ومافي مشاكل
قبل يومين جاني اختي زيارة طبعا اختي متزوجه
اللي حصل انو حماتي الصغيرة عمرها11 سنه
كاذبه على اختي قايله لامها انو اختي كانت
تقول انو انتم يا[. ...]تقد اهل زوجي من يبكم
محد يحبكم والله العظيم انو اختي ماقالت هالكلام
تخيلو الفت قصه من خيالها عمتي ام زوجي هاوشتني ليش اختي
تقول هالكلام وخلفت له انها ماقالت بس مو راضيه تصدقني
وحماتي الصغيرة معروفه بالبيت كله انهاكذابه حتى عمتي ام زوجي كانت تقول انها ماعمرها أصدقها ولا عمرها خذت بكلامه
بس هالمر أصدقها انا جبت المصحف الشريف وحظيت ايدي وأقيمت يمن انو اختي ماقالت هالكلام ولما عطيت القران حماتي وقلت لها تحلقي انك سمعتي اختي رفضت تحلف قالت لا ماراح احلف.
ومع كذا عمتي تقول بنتي ماتكذب وهي اللي بنفسها كانت تقول مااخذ لملاكها لانها جذابه
قولو لي وش اسوي كيف اثبت برائتي وبراء اختي من هالسالفه
كيف اخليها تعترف انها كذابه تكلمت معها بهدو وجبتها بصراخ بس مافي فايده
وش اسوي اخبر اهلي بالسالفه للمشكله انو زوجي يقول مستحيل أمي وخواتي يكذبن
وربي محتارة أنا الحين جهزت الراضي ابي اروح لاهلي
بس وربي ملابس اخرب بيتي بسبب جاهل.
بس احس انها أهانه لي يكذبوني أنا أكديرة ويقذفون البزر
الله يخليكم ساعدوني من البارح مانمت خلسه بالظلم والله بحياتي
مادعيت على احد كثر ما دعيت عليها دعيت عليها وانا صايمه وبيوم الجمعه وربي احس بتأنيب الضمير بحياتي ماكان قلبي اسود كذا
عمري ماتمنيت الشر لاحد كثرها احس أني صرت حقودة
والله بينات من الظلم الله يخليكم ساعدونيsize]

[قلبي مملكة وفهد يملكة]

بنات اعذروني على بعضالاخطاء أنا اكتب من الجوال وجوالي
ايفون يصحح بعض الكلمات علا القاموس

[!راما!]

ولله ما ادري لله يعينك ويصبرك علا اجر ان شا لله

[شمايل بنت الدمام]

لا حول ولا قوة الا بالله

اهدي بالك ولا تهتمين كلام بزران هذا من يصدقه
والمفروض عمتك ما تصدق بزران ودامها تشوف معاملتك معاهم زينه ليه صدقت هي
اسمحيلي عقلها صغير عمتك طيب ماعليك من احد اهم شي زوجك وبيتك ولا تروحين بيت اهلك
كلام مايسوا اصلان والشرها ع اللي يسمع لي بزر وليه تصارخين ع اختك دامك انتى واثقه من تربيه امك ماله داعي حتى تنغشين اختك لانك عارفتها زين يلا يا بنت الحلال اصبري وتحملي
وش دور زوجك بالموضوع ..

[rwan]

الله يصلح الاحوال

[قلبي مملكة وفهد يملكة]

بنات أنا اليوم قلت اتعوذ من ابليس وانزل تحت واسوي الفطور
لان احنا نظامنا الطبخ يكون تحت وانا عندي بشقتي مطبخ
بس تحضيري حق شي خفيف
نزلت وال مادخلت المطبخ جتني عمتي وطردتني من المطبخ
قالت تطلعي برا مانبي منك شي
تخيلوا وربي انصدمت الحين هم الغلطانين ويطردون
والله يبنات أني افطرت علئ ماء وشيبس وبسيي
والله جاني حرقان بالمعده
ومع كذا عملت باصلي ونزلت بعد الفطور بربع ساعه
وغسلت المواعين ورتبت المطبخ. لان اليوم دوري بالشغل
قلت علشان مايمسكون علي شي

[قلبي مملكة وفهد يملكة]

زوجي يقولي صارلنا ثلاث سنين وماطلعت منك العيبه
وعمرك ماكذبتي علي
وهن أمي وخواتي مين اصدق فيكم
قالي خليني برا المشكله
وش اسوي

[رونق الروح]

اختي خليكي متل مانتي اعملي باصلك ولما تطرك ارجعي ولا تزعلي منها بعد ايام تلا قيها ندمانه
صدقيني مافي انسان شين كلنا بداخنا انسان حنون بس انتي خليكي تردي على السيئة بالحسنه واكثير الاستغفار بنيه ظهور الحق وراح تشوفي العجب
ربنا يصلح بينكم
والله مافي بيت بدون مشاكل خليها على ربك وان شاء الله يحصل كل خير ويوم العيد زوريها وخديلها حلويات وربنا معك
وكل عام وانتي بخير ياطيبة

[sweet moon]

سويت اللي عليك

مانتي مجبوره تحلفين اكثر

وتقنعيهم بانك صادقه وهي كذابه

ربي عالم وبتمر الايام

وبيبان الثراء من الثريه

وسعي صدرك

والعيد على الابواب ,, انبسطي وفرفشي

ولا تخلين مبزره عمرها 11 سنه تنغص عليك

[قلبي مملكة وفهد يملكة]

والله ماتركت الاستغفار يارب تبين الحقيقه
وهذا اللي قاهرني انه بزر وسوت كذا وشلون لو كبرت
الله يستر منها
وربي احس باهانه كبيرة
أنا كلمت اخواني يجون ياخذوني وزوجي كان عندي
بس ماتوقع أني اكلم صج ولما شاف رقم اخوي صار
يترجاني ويقول أنا احلها وانتي متزوجتني أنا مو اهلي
اهم شي أنا مصدقك