عوامل التاثير النفسي للعقم

[*رحمه*]

موضوع رائع بجد هايل ، بس انا حاسة ان عندي اكتئاب فظيع طبعا بيجيلي كل شهر مع تشريف الدورة و لكن حاسة اني مرة هدخل في اكتئاب مش هعرف اخرج منه ، كمان عندي احساس بالفراغ و الوحدة خصوصا واني بعيد عن اهلي ، حاسة كمان اني من كتر ما بعيط عيني مش هتنزل دموع تاني هتنشف ، كمان من الحاجات اللي بتضايقني لما اكون رايحة ابارك لوحدة والدة بحس دايما انها فكراني هحسدها و الاحساس ده بيجرحني قوي ، كمان لما امي تطلب مني اني اروح للطبيبة بتضايق بحس اني عايشة في الدنيا عشان اروح اتعالج ، انا حاتي النفسية بقت وحشة قوي ، كمان انا حاسة ان انا فاضية مفيش حاجة اعملها غير اني اشتغل في البيت ، و خصوصا بعد ما سيبت شغلي و بسبب ان الناس كانت بتضايقني بموضوع الحمل
حاسة اني بقيت شبه الزجاج اي حاجة صغيرة ممكن يتكسر مليون حتة
معلش انا طولت عليكم بس مش عايزة اشتكي لحد تعبت من الشكوة