استفسار اولد طبيعي ولا قيصري ؟؟؟ خايفه

[نبعة الحب]

شوفي غاليتي انا ولدت مرتين قيصري
والثالثة ان شاء الله بعد شهور لان حملي الثالث مجبورة قيصري
لو تقولين شنو الشي الي تخافين منة وتكريهنة بحياتج اقولج القيصرية
الله لايراويها لحد اموت عذاب شهر واني اون وابجي من الالم لا اكدر اروح للحمام لا اكدر افتح عيوني مالي خلق للنونو
حبيبتي الطبيعي افضل مليون مرة حتى لو في خياطة ما تضل شهر اسبوع وتكدرين تقومين صدكيني
الشي الوحيد بالقيصرية وانتي قلتيها التوسع لان اني ولحد الان مثل البنت لا عبالك والدة ولا شي والمكان ضيق ما عندي اي توسع لان ما ولدت طبيعي واصلا ما صار عندي توسع بالولادة غير 4 سانتي بالولادة الثانية اما الاولى ولا واحد لاني ولدت في الشهر السابع لان نمو الجنين توقف

هذا الشي الوحيد بالقيصرية ولكن حبيبتي في امور كثيرة مو حلوة بالعملية

ما تكدرين تنجبين اكثر من 4 والا راح تتعبين

تخيلي الجرح نفسة راح ينفتح كل مرة
مع العلم انا في اوروبا وعمليتي تجميلية وكبس مش خياط ولكنها واضحها جدا

صحيح الضعاف والي تهتم بجسمها ما يصير كرش بس تعب جدا جدا جدا الم الجرح مايروح الى الابد تحسين بي مخدر
وااذا حملتي للمرة الثانية والثالثة يصير عندج خدر والم في المكان

ما اااعرف هاي وجهة نظري حجيت بكل صراحة الشي الوحيد التوسع حلو اما الالم يجي بعد الولادة
ان حتى طبيعي ما رضعت من كثر الالم وانتي بكيفج تتحملين الالم ترا انتي مثلي انا من تجيني الدورة ابجي من الالم وما اتحمل اي شي والعملية مسويتلي كئابة من هذا الوكت

حتى قلت لهم اريد اجرب طبيعي قالو تموتين من يجي الطلق وينفتح الجرح