السلام عليكم ورحمة الله وبركاته
صباحكم /مسائكم بالخير
كيفـــــــــــــــــــــــــــــــــــــــــكم ...شو أخباااااااركم ....
وربي وحشتوووووووووووووووووووووووووووووووووووووووووووووو ووووني برشاااااااااااااااااااااااااااااااااااااااااااااا
فديتكم أنا ...
حبيباتي ابغى مشورتكم ..ورأيكم ..
انتم عارفين ايش مشكلتي قد كتبتها قبل عن تاخر الدورة والتكيسات...
المهم حبيباتي مااطول عليكم.
في شهر 2 أعطاني الدكتور / حبوب كلوميد أخذتها من 2 يوم من الدورة ..وبعدها اعطاني ابر..
والحمد لله يارب كبرت البويضات وصرت كل يوم عن يوم اجي عنده وهو يطمني انها بدات تكبر وقال لي انتظري لحد مااقول لكم متى موعد {الجماع} بس الأفضل من يوم 13-14-15
المهم تاخرت على الموعد وهو اللي كان يوم 13 من بعدالدورة لأن كنت أدرس لآنه وقتها عندي اختبارات نهائية.. المهم ياحبيباتي
رحت لدكتورة ثانية وكشفت علي قالت ماشاء الله في بويضه ناضجه وطبعت لي الصورة وكلامها نفس كلام الدكتور ..
المهم رجعت البيت وانا مرتاحه ..بعدالخميس والجمعه ..يوم السبت رحت لعند الدكتور واعطيته الصورة و.كشف علي قال لي البويضه نزلت ...وربي ماتتصوري قد ايش فرحت ودمعت عيوني ..لما سمعته يقول انتظري هذا الشهر لحد موعد الدورة اذا ماجات يعني احتمال تكوني حامل ..واذا نزلت نبدا الكوس مرة 2...
فرحت من كل قلبي ..حتى عشت احلام خاصه فيني انا وطفلي وبس...
انتهيت من الاختبارات بدات المشاغل بالزواجات والاسواق ...كنت امشي كثير واحس بالم اسفل بطني وظهري - وربي مااتحملت- كنت اقول لختي خلاص خلينا نرجع...كملت اسبوع وبعدها حسيت اعراض الدورة وفعلا نزلت الدورة علي 27/2/1433
فوضت أمري لربي فهو الرازق...
وبعدها .... حاولت وحرصت انه احمل بما انه الدورة نزلت طبيعي ...بس سبحان الله ماصار - بعد شهر مانزلت الدورة في وقتها رجعت للدكتور قال خذي حبوب تنزيل الدورة وبعدها نعطيك الابر
فعلا اخذت الحبوب لمده 5 أيام ...وبعدد 3 ايام او 4 من انتهاء الحبوب نزلت علي الدورة
رحت المستشفى صرت آخذ الابر.. 5 مرات بالاسبوع...
بعدها رجعت له قال لي ما كأن صار شيء أبدا أبدا...البويضات صغيره جدا ..والتكيسات مازالت موجودة...انقبض قلبي وانا اشوف تعابير وجه زوجي... بس كل بإرادة الله سبحان الله.
جلس الدكتور يكلم زوجي وقال له ... لازم نعمل عملية كي للبويضات حتى تنخفض الهرمونات ويتعدل وتروح التكيسات ...او فيه طريقة ثانيه نسيت ايش هي
المهم .. قلت للدكتور انا ماابغى احمل اللحين تفاجا من كلامي قلت مو مستعجلين اعطيني حبوب تشيل عني التكيسات وبعدها نشوف ...قال على راحتك ..اعطاني حبوب فورميت قال لي بعد 3 شهور تجي
وربي ياحلوين استمريت آخذ الحبوب لمدة شهرين وربي ماصار شيء ابدا ابدا...اخذت حبوب تنزيل الدورة وماصار شيء ...تركت الحبوب قلت انا لي كم سنه آخذ العلاج مانفع بالعكس نفسيتي تزيد سوء وكفاية الالم بالمعده ..
ياربي ارحم عبدك الضعيف يارب..
رحت لداية قبل شهر في 11/6/1433 وكانت الدورة مخلصة لها اسبوع (طبعا نزلت بحبوب)
كشفت علي قالت يابنتي مافيك غير هرمون الحليب وتكيسات
واعطتني اعشاب قالت استمري عليها.(قسط هندي +مرامية وبردقوش)..وقالت ابعد عن الدجاج والوجبات السريعه والالبان كاملة الدسم قالت هذي كولها فيها هرمونات
.وفعلا استمريت عليها شهر ولحد الان مانزلت الدورة طبيعي بس قبل اسبوع احس نغزات بصدري والآم مثل الآم الدورة ...وكسل وخمول بس احب أنااام
اقول احتمال لأنه الاختبارات والسهر ...وكذا انا كسلانه وخملانه ..
.بس الآم صدري الأيمن مررررة توجعني شيء مو طبيعي والأيسر شوي ...بس مش عارفه ايش السبب..وأمس حللت تحليل منزلي مافيه نتيجه (سلبي)
اعذروني حكيت لكم قصة حياتي بس علشان تكون الصورة واضحه ...وربي لايحرمني منكم
بس ايش تنصحووني ...لأن وربي تعبت من تأخر نزول الدورة ...
ابغاها تنزل طبيعي ..حسبي الله ونعم الوكيل..
انتظر ردكم ...
أختكم في الله/ ام يزن الحلوة :)