ساعدوني تحليل الأجسام المضادة عندي إيجابي

[لولو الفلسطينية]

انا زيك عندي اجسام مضادة او تجلط هو نفسه
و بأول زواجي حملت مرتين و اجهضت قبل ما اوصل الشهرين و الدكتور قالي اول ما تحملي لازم توخدي ابر تحت الجلد لتسييل الدم و اسمها كلكسان و في منها انواع تانية كمان
المهم بعد الاجهاض التاني بحوالي 6 اشهر حملت و الحمد لله كلشي تمام و بكرة ان شاء الله بدخل الشهر الرابع و ان شاء الله ربنا بثبتلي حملي و من اول يوم عرفت اني حامل بديت الابر و بيبي اسبرين كل يوم و طبعا ان شاء الله رح استمر على الابر لبعد الولادة بأسبوعين او تلاتة و هي ابر بسيطة انا زوجي بعطيني اياها كل يوم و مرات بتحسي بحرقة بسيييية و بتطلع بمكانها كدمة صغيرة و مرا ت لا
و الحمد لله كل مرة بتطمن على البيبي و الله انا بالحملتين السابقتين ولا مرة سمعت النبض بس هالمرة و الحمد لله سمعت النبض و كلشي تمام و الدكتور قالي شكلها بنوتة بس مش اكيد
الهم توكلي على الله و ما تخافي و ان شاء الله ما بصير الا الخير
و ربنا يتمملك بخير و يفرح قلبك بشوفة طفلك سليم معافى دون زيادة او نقصان ياااااا رب
طولت عليكي * معلش بس حبيت اوضحلك يلي صار معايه
و اي استفسار انا حاضرة