فقدتي جنينك ؟؟ تعالي لنتخطى هذه المرحله بامان (نفاس بدون طفل)

[Um Ghala]

حالي من حالكم .. ولدت اخر الخامس و ماتت بنتي و الحمدلله الخيرة فيما اختاره الله ..

لين اليوم ابكي و اتخيل شكلها اول ما نزلت و اشوف اللي وياي الحينه بالشهر السابع و قريب يولدو الله يتمملهم على خير يارب مو حقد مني والله بس غصبا عني ..

عندي البوم بـ السونار شهر بـ شهر و عندي بطاقة من زوجي كاتب ان شالله نفرح بـ البيبي .. الحمدلله اللهم لا اعتراض ..

تصدقون يوم ولدت بالخامس طلعت من غرفة الولادة لـ غرفة العمليات للتنظيف وحده ما تدري اني ولدت مبكر و بنتي ماتت تقولي مبروك و انا لا تعبير ابد سكت ماقدرت اقول اي شي .. تسأل زوجي ماشالله بنت او ولد .. و زوجي بعد ساكت ..

يوم ييت اطلع من المستشفى جتني وحدة عشان تدزني على الكرسي المتحرك و تسألني ماشالله وين البيبي .. مع كل حرف قلبي كان يتقطع و ابكي و ابكي و الحمدلله على كل حاااااااال يآرب

أنا واثقه انها خيرة من رب العالمين و رب العالمين يريد لنا الافضل و رزقنا شي احلى من اللي كنا نتمناه و هو طير و شفيع بـ الجنه الحمدللللللللللللللللله ياااااااااارب .. اللهم لا اعتراض ..

للحين بـ الليل انام و دموعي على خدي ما افضفض لـ حد غيركم والله ..