حبيباتى سيدات ليبيا تفضلو لأعرف ما حالكم

[dr.loly]

المشاركة الأصلية كتبت بواسطة اوشي

ام فراس شن هالابداع سلم يدياتك

خطرتي علي قوارب البطاطا بكرة بنديرهم

وعلى فكرة انا اندير فيها بالمفروم وتطلع اتهبل بس توة انجربها بالدجاج

وعلى فكرة فيه قوارب الكوسة حتى هي اتهبل والاحلى انك بدك الجبنة اتحطي بشميل

جربوها وادعولي

الله يسلمك... حتي نا مرات ندير فيها بالمفروم بس الحق بالدجاج واللوز اطيب...
المفروم اطيب في شرائح البطاطا اللي درتهن اليوم وحطيتت صورتها وهو قريب من الطريقه تبع القوارب بس تقطعي البطاطا شرائح عريضه وتقلي وتحطي علي كل شريحة مفروم بس لازم تخلطي مفرومك بعد يطيب بدحية عشان يمسك ع البطاطا المقليه قبل ماتحطيها بالفرن


بالنسبة للكوسه بالبشاميل ماعمريش سمعت بها ولا دايرتها كيف اتديري فيها؟


نعرف طاجين الخضروات المقليه بالبشاميل بس دسم جوه غداء مش في رمضان

[sosolibya]

السلام عليكم ورحمة الله وبركاته


البارح بايتة عند عيالى


كيفكم

[dr.loly]

وعليكم السلام ورحمة الله وبركاته

اهلا سوسو

نورتـــــــــــــــي

[sosolibya]

اووووووووووووووه فروسة موجودة كبيرة هذه شنجو


زودى تفضلى على سفرة سحورنا

ليوم سحور مميز درت خبزة مصرية وعبيتها مفروم وبطاطا مقلية وههههههه كتشب ومايونيز زوجى شراهم هههه
ووو وزيتون وووبس

وحطيتها فى ماكينة الكوشة يللى تتسكر وطلع فيهم خطوط ممممممم

[sosolibya]

اليوم شفت طريقة بلح الشام وسهفتنى نجربها

منومجربها قبل

[sosolibya]

وسمعت دبلة لسان العصفورة وحسيتها ساااااااااااااااااهلةة ونفكر نجربها

[dr.loly]

صحة صحة سوسو ... ماشاء الله سحور دسم

نحن دوبنا فاطرين ف ماعندنش نية للسحور خخخخخخخ حتي نا توا اسحرت تفاحة وكباية حليب بلوز خالي دسم ..
وزوجي حليب وتمر وجبنة وكسيرة خبزة ....

[sosolibya]

كلمات نشرتها فى الفيس قبل شوى

دخلت العشرة ألأخيرة من رمضان وهاهو رمضان يمر بسرعة وماهى إلا أيام قليلة ستمر ليودعنا رمضان ..................................
فمن أغتنمه وأقامه وصامه على أكمل وحه
فهنيئا له,,,,,,,,,,,

ويامن فرطت فى أعظم شهر فى السنة
هو شهر واحد وهان عليك أن يمر بدون صلاة وقيام وقراءة قران
وفوته فى السهر واللهو ,ووووو ,,,,,,,,,,,,,,

فدعوة لمن يريد اللحاق بموكب المؤمنين المسلمين بحق
المتقين الراكعين الساجدين
الذاكرين الخاشعين
الفائزين بإذن الله

دعوة لتلحق بهم فى هذه العشرة ألأخيرة

فأغتنم هذه الليالى القليلة الباقية فى القيام وقراءة القران
والخشوع والدعاء
..............

ولاتنسو ليبيا من دعائكم ,,,,,,,,,

اللهم إغفر للمؤمنين والمؤمنات المسلمين والمسلمات

ألأحياء منهم وألأموات

,.......................ز

[sosolibya]

أثرى حبيبت عندى سؤال انا توا توا نضت وصار حديث بينى وبين زوجى وقلله توا نسأل صاحبنتى

حرنا بين مصحفين فى إختلاف دد أيات سورة البقرة بين 286
وبين 285

وزوجى خاف انه يكون فيه تبديل وتعديل

المهم لما ركزنا وشفنا طلع ألأية ألأولى هناك من يعتبر(الم)
اية 1 وهناك من يعتبرها مش اية الابعد شوى فهمتينى

وقلتله خلص يعنى بس عبارة عن اختلاف روايات


أنشدينا وجعله الله فى ميزان حسناتك

والحق حسيت بتأنيب ضمير بس
لأن زوجى دار هكى
يللى يدور فى دينه وقرانه أعتقد مش غلط صح

[dr.loly]

يلآ تصبحون علي الف خير
الفجر اذن من ربع ساعة عندنا نصلوا ونحاولوا نرقدوا ...
سلآم