ملف خاص لكل وحده تعاني من الالتصاقات نبي تجاربكم.....

[سما زين]

انا متزوجه من سنه رحت بعد 4 شهور زواج لدكتوره عملتلي سونار مهبلي فقط وقالتلي مافيكي شي مع اني كان معي التهابات ومافحصتني وقالتلي مامعك شي بعد ب 5 شهور رحت دكتوره تانيه اتفاجئت انو معي التهابات محترمه وهرمون الحليب مرتفع وعالسونار ماشافتلي اباضه لان الهرمون مرتفع اخدت العلاج تحاميل ومضاد الي ولزوجي ودوا لهرمون الحليب هاد الحكي كان برمضان وخلصت ادويتي واتصلت بالدكتوره اسالها ايمتى راجعها قالتلي بعد العيد وانا بعد العيد مباشرة اجتني الدوره قلت بخلص منها وبروح وبالفعل رحت الدكتوره عاتبتني ما اجيت بالدوره وقالتلي ليش جايه مافيي اعملك شي قلتلها طيب الالتهابات شوفيها راحت شافت من برا لبرا وصفتلي غسول وتحاميل وحللت بول وانا لهلق حاسه انو اللتهاب ماراح والله كتير خايفه يكون اللتهابات من جوا كتير , المهم حللت الهرمون وطلعت قبل ما اعرف النتيجه واتصلت بعد كم ساعه خبرتني انو الهرمون صار منيح واخد دافستون وقالتلي لو اجتك الدوره وما طلعتي حامل راجعيني اول يوم دوره وفعلا اخدت دافستون ونزلت الدوره ورحت لعندها اول يوم دوره ولا طلعت باجازه مابتخلص لخلص دوره وقتها اتدايقت بس بعدين قلت اكيد كلو لخير الشهر يلي قبلو ماعرفت اي يوم روح وهاد الشهر رحت مالقيتها , المهم انا هلق باليوم 10 من الدوره والله اليوم نفسيتي مو تمام كلمت زوجي مشان ياخدني اليوم العصر عالدكتوره مارضي قال اليوم خميس وزحمة طرقات سكرت وقعدت ابكي وقول يارب تفرجها عليي , محتاره شو اعمل انا حابه اعمل اشعه صبغه واختصر على حالي بس مابعرف شلون بدي قول للدكتوره او لزوجي وزوجي ماعم يرضى يحلل , وانا بضل موسوسه وخايفه يكون في التصاقات بفالوب بعدين بسكت وبقول لا تتوسوسي , وكل هالحكي وانا ماعندي تامين وضعنا المادي صار شوي دقيق , وكتير رفقاتي عم ينصحوني روح عند استشاريه بمشفى المملكه بس خايفه ما اقدر تابع عندها لان الكشف عندها غالي كتير مقارنة بباقي المراكز , دعولي الله يفرج همي اسفه طولت بس لقيت اليوم هالوضوع ضغط عالوتر الحساس