مغامراتي بنووووودي..!!

[™ روحــي فــــدٱٱٱهـ« ||]

السلام عليكم ورحمة الله وبركاته..

بلغتكم قبل 3 اسابيع أختى ندى الايام إني ولدت يوم الخميس 2-2 -1432
واليوم جايه اكتبلكم قصة ولادتي والمغامرات اللي صارتلي..

يوم الاربعاء الساعة 5 الفجر صحيت وحسيت بمغص زي مغص الدورة

بس مررررررررره خفيف واقول بنفسي معقوله طلق واشيل الفكره

من راسي من الخوف استنيت شوي الايرجع المغص مررره ثانيه

ويروح وشوي يرجع هنا خلاااااااااااااااااااااااص صحيت مفجووووعه

وجلست وشافني زوجي وصحى وقلتله طاااار من الفرحه ماصدق

وهلكني اسئله..يعني طلق..؟؟

يروح ويجي..؟؟

زي مغص الدوره..؟؟">>عنده خبر ابوالشباب ان الطلق زي مغص

الدوره خخخخخ

من متى وانتي حاسه فيه..؟؟

يعني بتولدي..؟؟

وطلعنااا طيراااان عندا امي وقلتلها عن كل شئ قالت ايوه شكله

طلق وزوجي سأل أمي يعني متى تولد قالت أمي احتمال بكره

وهي والده انا دخلت بعااالم ثاااااااااااني وجلست افكر بالولاده وايش

حيصيرلي وزوجي يستني متى اولد خخخ

تقريبآ صارت الساعه 9 والمغص زاد بشئ بسيييييط وكان عندي

اختبار الساعه 1 الظهر ورحت واختبرت والمغص معاي بس خفيف

ورجعت ع طول وانا راجعه من الجامعه مريت المستشفى بس

بشوف كم فاتح الرحم ولما شافتني الدكتورة قالت مو فاااتح ابدآآآ

ومافيه ولاده معقوله معاي مغص من 5 الفجر الى تقريبآ 3 الظهر

ومو فاتح ..

ورجعنا البيت وتغدينا دخلنا الغرفه عشان ننام ابو الشباب نام ع طول

وانا اصارع الطلق ماجاني نوم ابدآآ وبعد مأذن العصر وزااد الطلق

بشكل مو طبيعي وجلست اتألم وحاولت مااطلع صوت عشان

مااصحيه ولما زااد زاااد ماادري ايش اسوي ابغى شئ يخفف الالم

نزلت الكلوت قلت يمكن مسوي زحمه ومانفع جلست ابكي بصوت

خفييييف بس صحى زوجي مفجووووع ولبس ثوبه وطلع ماادري وين

راح شوي ورجع وجابلي مووويه قلتله وين رحت قال مادري

ماحسيت بنفسي..شوي وتجي طلقه قوووويه واجلس ابكي

واصرررخ وهو مايدري ايش يسوي يحط يده ع بطني يحاول يهديني

بس مافيه فايده وتروح الطلقه واجلس اسولف معاه لما ترجع ابكي

وهو يهدي وبعدين صارت ترجع الطلقه وهو يطالع فيه مايدري ايش

يسوي والله مررره كان مفجوووع وحاولت اتحمل الطلق الى 9 بالليل

ورحت المستشفى ولمادخلت ع الدكتوره كشفت علي قالت ماشاء

الله 5 سم ولااااده هنا قلبي طااح ببطني من الخوووف وجات ممرضه

حطت اسمي ع يدي وجلسوني ع الكرسي وطلعوني لغرفة تحضير

الولاده ولبست لبس المستشفى وانسدحت ع السرير والطلق

يجي ويرح وانا اتالم بس كان بدرجه اقدر اتحمله وكل شوي يجي

دكتور يكشف علي جات دكتوره قالت لسى 5 سم وبعد ساعه جاء

دكتور سعودي كشف علي قالي عندك الحوض مو عاجبني الطفل

مرررررره فووووق وامي خااافت مررره وراح الدكتور ونادى دكتور

سوداني وقاله اكشف عليها وجاء الدكتور السوداني وكشف

علي ...وفضيحتاااااه كم واحد كشف علي ..

وطلعوا وهم يتكلمون ماادري إيش يقولون من

الالم المهم تجمعوا علي الدكاتره يقولوا لامي احتمال عمليه الجنين

مررره راااسه بعيد وامي جلست تبكي وتروح للمصلى تصلي وتدعي

وانا ابكي واصارخ من الالم المستشفى كله سمعني واسمع

الحريم اللي عند الغرقه يقولوا اطلبي ربك لاتصارخي الصراخ ماينفع

والله لو مافيه اجهزه مربطه ع بطني كان طلعت وكفختهم ههههههه

واناااادي امي امي امي وحده تقولي امك راحت بس اطلبي

ربك..امي الضعيفه لما تسمعني اصارخ تطلع من القسم عشان

ماتسمع صوتي وتبكي والحريم يهدونها والله يابنااااااااات تعذبت

والطلق كان مررررره حااامي وكانت لماتجي الطلقه انادي الدكتوره

واكذب عليها اقولها خلاص بولد بولد ماني قادره وتجي مفجوعه

بعدين كل ماجاتني الطلقه اقول بولد ماتجي عرفت اللعبه

هههههههههههههه انا ابغاها تجي تسويلي شئ يخفف الالم وقلتلها

وعطتني جهاز اشمه بس والله مايسوي شئ ولا خفف شئ وكل

ماجاتني الطلقه وصرخت الممرضه جننتني لاتصرخي شمي شمي

وارميه ماابغى خلاص ولدوني لو عمليه خلصوووووني ومن شدته

ارجع ع جهازي اللي رمتيه بجنبي واشمه بس مافيه فايده لماجات

الساعه 3 ونص جات دكتوره تقيس الرحم وفكت المويه تقول يمكن

اذا فكينا المويه ينزل راس الجنين والحمد لما فكت الموويه نزل وقالت

خلاص ولاده ويحطوني ع الكرسي ويدخلوني غرفة الولاده وولدتني

ممرضه سعوديه مررره عسل وكانت معاها دكتوره مصريه تشرف

عليها والحمدلله تقريبآ 6 طلقات ونودي حبيبي طالع هذا الساعه 4

الاربع تقريبآ يعني الطلق معاي من الساعه 5 فجر الاربعاء الى 4 فجر

الخميس يالله الحمدلله ع كل حال اهم شئ عندي شوفة نووودي

والله يابنات ومن اول ماطاح راااح الالم وراح الطلق وراااح كل اللي

كنت احس فيه واطالع ببطني ماني مصدقه خلاص خلصت راحت

الكرشه ...واناعلى سرير الولاده جات ممرضه وعطتني جوالي تقولي

امك حتكلمك وفتحت جوالي وكلمت امي وطمنتها علي والله

مرررررررررررره كانت قلقانه علي وقالتلي كلمي زوجك تراه كان يتولد

معاك من كثرماكان قلقان عليك وكلمته وطمنته عليا..

ولما خيطوني حطوني ع سرير ووصلوني الغرفه وشويه ونودي عندي

وانا طااااااااايره من الفرحه وزوجي مو مصدق من
الفرحه...وبسسسس..~

بس من جد الولادة عذاااااب والله احس ماحسيت بأمي اكثر الا بعد ماحملت وحسيت فيها اكثر واكثر بعد ماولدت الله يخليلنا امهاتنا ولايحرمنا منهم..

[البتول...]

ماشاءالله الف الف مبروووووووووووكـ
والحمدلله على سلآآآآآآآآآآآآمتك...
الله يجعله عبداً صالح ويجعله من حفظة كتابه...
كل مااقرأ قصة ولادة اي وحده فيكم اخآآآآآآآآآآآآآآآآآآآف..واقول خلاص ماراح اقرا المواضيع اللي زي كذا بس مااقدر امسك نفسي ودي اشوف تجاربكم واتعلم الله يعيني يارب.....

[أرنوبة]

ألف مبروك ربي يحفظه لك يا رب
ذكرتيني بمعاناتي اول ولادة بس انا بعد التعذيب حولوها قيصري
الحمد لله على سلامتك وسلامة البيبي

[*الجوري*]

الحمدالله على سلااامتك حبيبتي

[قطرات ندى]

الحمد لله على سلامتك وسلامه البيبي

[نبض قلبي]

مبروووووك عليك ماجبتي

[Razan77]

الحمدالله على سلامتك وسلامة البيبي ..

والف مبروووووووووووك يتربى بعزكم ان شاء الله ..

[شعاع الأمل]

الحمدالله ع سلامتك حبيبتي ويتربى بعزكم
يالله لحظات وعدت وعقبالنا ان شاء الله

[جنون بيبي]

الف الف الف مبروووووووووووووووووووووك..

[@دبدوبه@]

ايه والله انك صادقه ياروحي فداه ما حسيت بأمي الا لما حملت وولدت جد الطلق والولاده مووووووووووووت بس الحمدالله على كل حال والحمدالله انك ةقمتي بالسلامه انتي ونودي