ملف كامل لمشروبات وماكولات النفاس بالتفصيل

[عزيزة النفس]

انا ستخدم الادويه زي ماقلتي حسب قدرتي واشرب شاهي زنجبيل طازج وقرفه العصر نايمه اشرب المغرب وقبل الليل وزعتر ماعندي وحلبه اشربها مع الحليب حاطه بزمزميه حلبه مطحونه وزنجبيل وعسل واصب عليهم حليب حار واسكره واخليه عند راسي وبس اشرب منه كل ماقدرت اقوم لايكون غلط
وترلي تعبانه مرره اما الماش والفلفل الاسود احطه على اي اكله حاره اكلها
والرمان انا فاهمه الطريقه يعني رايك ان اللي يخلي المنطقه ناشفه ومشدوده ومافيه هواء هو الرمان انا هاذا قصدي يوم اقول خايفه من الخراب
الله يجزاك خير ياليتك كنتي تعرفين احد مسوي عمليه عشان ارتاح واحس فيه احد زيي
لان المنطقه من تحت متعبتني كن طالع منها بزر والبواسير بعد الله يعين لابأس ان شاء الله ماشيه صح..
لاتخافين من الخراب مانتي خاربه ان شاء الله..
لاالرمان مايعالج الهوا..لان الهوا سببه ياعيوني
الجوع اغلب شي ..
الرمان مجرد يساعد على علاج الافرازات وتنشيف
المهبل من زيادة الافرازات..
وكل اللي تحسين فيه ياعيوني طبيعي كل اللي والدات يحسوا
فيه.
الله يقومك بالسلامه.


شاي الزنجبيل عباره عن زنجبيل مبشور
او مطحون مع مويه مغليه وسكر
زي الشاي العادي بس بدل الشاي الاحمر
نحط زنجبيل الافضل الطازج وان ماحصل
ممكن البودره.
الله يسلمك شاي الزنجبيل سهل وممكن تحطين معاه قرفه وممكن بدون..
الطريقه:
4 اكواب مويه
3 ملاعق كبيره زنجبيل مبشور
عودين اوثلاثه كبار قرفه..واذا كان مطحون
تكفي ملعقه ..
بعد ماتغلي المويه نحط الزنجبيل والقرفه ونخليها
تغلي خمس دقايق بس..
ونطفي عنه وممكن تضيفين له سكر حسب الرغبه..
وبالهنا والعافيه..
***
ياعزيزتي الهواء او الخواء
مايعرف عمر معين سببه الاهمال والجوع..
فيه بنات ماتزوجوا يطلع منهم هوا..
بتنتهي المشكله بإذن الله اذا اهتميتي بنفسك
وقت الدوره..
بأكلك وبالشرب الدافي..وتتدفين كويس خاصه بهالبرد
لاتمشين بدون شرابات وبنطلون.
وترى طبيعي الرحم يطلع منه هوا بوضع معين للجماع
لانه يكون بوضع مقلوب.
اما الاوضاع الاخرى فغير طبيعي صدور هواء اثناءه..
المهم انك اثناء الدوره تتبعين نظام غذائي جيد..
وتضعين مع اكلك فلفل اسود الافضل يكون الاكل مرقه
او مطازيز او مرقوق المهم اكل يحتوي المرق ليسهل عليك
وضع الفلفل معاه..حبذا لو اضفتي الحلبه المطحونه والماش
يكون كملت الفائده بإذن الله.
شاي الزنجبيل والقرفه..والزنجبيل والزعتر مايفارقك اثناء الدوره.
وبإذن الله بتخف الحاله وتختفي مع الوقت والعنايه.
ولاتنسيننا من دعواتك الطيبه.

ان شاء راح اعتمد جدولك بنفاسي وامي الله يخليها ارسلت لي كل الأدويه وانا اللحين غسلتها لكن اختي ::

الرشااااااااااد لما غسلته تلصق ومادري كيف اشرح لك ,, وش السوات انا مخليتها اللحين بصينيه وتحته المناديل المقوى ومعرضتها قريب من الشباك يكفي ..
اختي امي مرسله لي قشر قهوه واسمع دايم البنات ييمدحونها وش رايك ؟
والحلب اختي انا ماتحمل اكله ممكن يكفي غليه واشرب مويته او استخدم مويته للأكل بدون ما اكل اللي يكون مطحون ؟؟>> يعني اغليه واستعمله مثلاً للمصابيب او اي طبخه ثاني او احط عليها بكوب حليب بودره لأني مااشرب السايل !

وبالنسبه للغسول امي مرسله لي ملح فارسي زي الحجر هل اطحنه واستخدمه عادي او لازم ملح عادي مع ان ما عندي الا ناعم ولا قلت لأمي ترسل ملح خشن ؟؟
والقرفه الله يخليه امي مرسلة لي مطحونه .. عادي ؟ هههههههههههههههههه << بتتصفق
الرشاد والحلبه ماينغسلون اذا انغسلوا ينبتون وهذا قلته بواحد من ردودي هنا:
بالنسبه للحلب والرشاد مايناسبه الغسل
يكفي تنقيه وتهويه ان قدرتي..
لانه يتدرن بعد الغسل ...
بس غلطتي
اللي اعترف فيها اني ماذكرت كذا بالموضوع نفسه.
والماش اذا غسلتيه خليه يتهوى بصينيه كم يوم..قبل تحفظينه.
ياحبيبتي الحلب مو لازم تاكلينه يكفي تشربين مويته او تسوين منها حليب وتحلينه بعسل
لكن انا طريقتي اطحنه واحطه مع الاكل لان طريقة الشرب تسمن..
اللي نحيفه تشربه واللي سمينه تاكله
الملح مافي مشكله اي نوع والفارسي يذكرون انه افضل..
انا استخدم العادي حق الاكل.
والقرفه مطحونه عادي مافي مشكله ابداً..
اختي العامريه وينك ..
الرشاد انا غسلته وخليته على مناديل مقوى وعرضت للهواء .. المهم اليوم له رابع وانا قلت لك انه يتلصق كان فيه صمغ لما غسلته!!

اليوم اشوف نااااااابت ياوخيتي وش السالفه لو تشوفينه تموتين ضحك والعروق البيضاء وش اسوي ارميه اشوى اني ماغسلت كل اللي جابت لي امي ..
الغلطه غلطتي فعلا اتمنى تسامحيني << متفشله
اي سؤال انا حاضره.
***
ابتساامه
السلام عليكم ورحمة الله وبركاته
جزاك الله خير على هالنصايح الله يجعلها بميزان حسناتك
بغيت اسالك
1-هل جميع العصائر ممنوعه بالنفاااس؟؟
2-هل جميع الفواكه ممنوعه ايضاا؟؟
3-قشر القهوه هل يحمس ؟؟
4-هل التشطيف للمنطقه من اول الايام ؟وكيف طريقته؟
5- هل اتنقع بشي من اول الاياام؟؟
وجزاك الله خيرررررررررر
وعليكم السلام ورحمة الله وبركاته
مافي عصير ممنوع كله مسموح بس لايصير بارد مره
وكل الفواكه والخضار مسموحه مافي شي ممنوع..
قشر القهوه نعم يحمس في الغالب..
تشطفين المنطقه بمويه وملح..بس
وممكن يكون عندك طشت خاص تجلسي فيه
تحطين مويه دافيه وملح..
وتجلسين فيه شوي ثلاث دقايق كذا..
لاتطولين.
وممكن يعطونك مطهر خاص للمنطقه ويعلمونك طريقته
تشابه طريقة المويه والملح.
ربي يوفقكم ويسهل عليكم.
***
ذكرى الغرباء
هلابك ياغاليه..
الرشاد انا اقول يكفي منه كميه قليله جداً..
خذي منه براس ملعقه صغيره بكل مره.




تسلمي اختي العامرية والله يجزاك الف الف خير وينولك الاجر والثواب
اختي عندي كم استفسار والله يعينك علينا ولك الاجر ان شاء الله وتراني بكريه والله يعينك علي
1- انا بالشهر السادس متى انسب وقت ابدا اجهز فيه الاغراض؟؟
2- العسل من وين تشترينه من العطار لو السوبر ماركت ولو السوبر ماركت وين القاه؟؟
3- بالنسبة الى المره انتي قلتي لا تستخدمونها لانها تشد وفي نفس الوقت قلتي امسحي على الفوطة لو حسيتي بحكه !!!! شلون امسحها اخلطها مع شنو ؟؟؟؟

ومشكوره يالغالية والله انا بديت اجهز نهاية السابع تقريبا
خفت اتعب بالشهور الاخيره وفعلا هذا
اللي حصل..
2-العسل اشتريته من السوبر ماركت
لانجليز اسمه..عسى تلاقينه.
3-المره تاخذين كم كسره صغيره
وتصبين عليها مويه مغليه وتصبينها
عليها..تخلينها تتخمر وتصبين مويتها
على الفوطه عند الحاجه.
واي سؤال انا حاضره تامرين امر.

انا بستشيرك
انا خلصت الاربعين لكن بيوم 38 طهرت لانه الدم استمر الى 25 وبعدين كدره وافرازات الى 38
بعدين الان لما وصلت يوم 40 نزل دم !!!!!!!!!!!!!
شسووي؟؟؟؟؟؟؟؟؟؟؟؟؟؟
هل اصلي ام لا؟؟؟
هل اكل لهوم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هل هي اخت النفاس؟؟؟؟؟؟؟؟؟؟؟
يارب مادري محتااااااااااااااره ابي حل تكفين
انا من يوم 38 استخدمت قشر الرمان الهمه
والعشرين الاوله مثل ماقلتي والاخيره
بس جعت يوم 39 بالليل عهلى الصبح ب40 يوم هل هذا سبب
كيف اتعامل مع الموووقف؟؟ الموقف لايخوفك
ربما تكون اخت نفاس وربما بقيه
من الدم..
لكن اتوقع انها اخت النفاس..
وقفي القشر حق الرمان..
واستخدمي الفلفل الاسود مع الاكل
والشاهي بالزنجبيل والقرفه
والزعتر.




ابشركم ولدت واليوم لي 27 يوم وانا حاولت اتبع نظامك علي قد ما اقدر معن فيه شغلات ناقصتني وموعندي بس انا غلطت في شيين مدري غلط اولاالي هم
اشرب كل يوم زنجبيل وينسون وقرفه والشششششي الاهم لما خلصت 20 يوم صرت اكل حبه رشاد لهوم ويا مويه ما عندي تمر وملعقه كل يوم قشر رمان مطحون ومويه
مدري صح علي اولا انا الدم من ولدت وهو قليل معاي لحد الحين مدري شي زين او لا
بالله ردي علي الله لايهينك بسرعه الحمد لله على سلامتك
وجعل مارزقك قرة عين لك
اولا
الرشاد ماتستخدمينه وفيك دم
لانه بيحبس الدم..
وكذلك الرمان..
استخدمي الزنجبيل والقرفه
بدون يانسون..
اليانسون خليه مره وحده