تجربه مخيفه لاتنسى ,,, ممنوع دخول اصحاب القلوب الضعيفه

[sweet moon]

الجزء الثاني من القصة ( الـغـريبه ! ) اللي تعتبر أحد المواقف اللي لا تنسى في حيـآتي ..





//


طـبـعـآ أنا اصلا خلاص من شفت تخبطات الوآلد وغموضهـ وأنا مابين حـلّين عشان أكسر حـآجز الوسوسة اللي شاغل بآلي طول الطريق ..


ياأمـآ / أسأله قدآمهم , وأقوله وين نآوي تروح وقلي من اللحين عادي ..

أو إني/ أسكت وأكتم خيري وشرّي وأعين من الله خير .



وأخترت الحل الثـآني , لأن أحب بعض الأحيان أضغط على نفسي لشيء يمكن يفـآجئني بوقت معين , وينسيني مـعـآنـآة تفكيري فيه من قبل ..


لكن ..

هل هو هذا الشي زين أو شين ؟؟




إلى الآن ... الله أعلم



::

وصـلـنآ الى الحي الفـلآني وكـآن بآقي على صـلآة الـعشـآء تقريبا 10 دقايق ..




كآن فيه جآمع في هذا الحي , وهذا الجآمع عآدةً مايستضيف بعد صلاة المغرب من كل جمعه , شيخ يلقي محاضرة ..


فـ سمع الوآلد صوت الشيخ في هالمسجد لما دخلنا هذا الحي ..

وقالي وقف هنا خلنا نسمع المحاضرة ونصلي مرة وحدة لان مابقت الا عشر دقايق تقريبا ..


قلت اوكي ...



وأقول بنفسي ... من علمك هالصنعه بس ,,, إنك للحين سآكت ولا تبي تقول

::


وقفنا السيارة قرب المسجد ودخلنا ..



وذا بالجموع ماشاءالله تبارك الله تقريبا مكملين الصفوف الثلاث الأولى ويستمعون للشيخ ..


دخل الوآلد وعمي يمشون جنب بعض , وهذا الحبيب الثالث كان يمشي ورآهـم ..

يوم شفته لحاله قلت بس ياولد ... أنششب فيه وخلني أحقق معه


مسكت بيدهـ وقلت : خل نقعد بالزآوية

قال : شلون ياولد , ماتشوف العالم كلها قاعده قدام ومركزة بمحاضرة الشيخ

أنا جآوبته بجوآب منطقي وأقنعته بساعتها , قلت له : أبيك تقولي وين رآحيين , لأن لو ماقلت لي ترى مادري شلون بصلي العشا ... كلش بقعد أوسوس


نآظر لي بنص عين كذا وقال تعال يامآل اللقافه ..


قلت بنفسي لو تقول وش تقول ,, المهم عطني وش الزبدهـ وفكنا بس ..




لأن بصرآحهـ الوضع عندي وصل لمرحله الخـطر


يعني بس لو قعدت شوي اهوجس بعد يمكن يلقاني بالطائف بمستشفى شهـآر ..


من جد كان ضغط نفسي رهيب !

::




جلسنا بالزآوية وقعد يهمس يقول : إنت وش قالك الوآلد ؟


قلت له : خش علي بالغرفه وقال ياسعود قم أبيك بمشوآر وبس ولا قالي وش هالمشوآر ووش تفاصيله


قالي : اهاا



وبعدها صار يناظر بالشيخ بس بنظرات مو نظرات تركيز بكلامه ومحاظرته...

نظرآت سرحـآن بـ تفكير يدور بعقله ..


وشوي بعد سكوته تقريبا دقيقتين , وأنا عطيته جوهـ إنه يسكت شوي ..

لأن أدري إنه قاعد يرآجع حسابات برآسه مثل أنه يقول أو مايقول ...







وأنا مآزلت نآشبـ(ـن ) في بلعومه



::


نـآظر لي وقـآل : هو شي في فـآيدهـ لك ان شاءالله دآمك معنا


قلت : ياإلهي ! لالالا كذا حليتها تصدق


يقول : لو قلتلك صدقني ماراح تصلي وإنت مرتاح , ولو سكتت مرة وماقلتلك بعد ماراح تصلي وإنت مرتاح , بس خلني اقولك هالكلمتين أحسن عشان تصلي وإنت متطمن إن هالشي ان شاءالله في فايدهـ لك دامك جيت معنا


ومآمدآني أرد عليه , إلآ وأسمع الشيخ يقول : هذا وصلَّ الله على نبينا محمد وعلى آله وصحبه وسلم



قالي : خلاص ماعليك بعد الصلاة بتعرف كل شي ولا تشيل هم


وأنا طبعـآ في حـآلة من الـ( ـتكرنهـ ) ليش مايبي يقول

وبنفس الوقت في حـآلة خوف نسبي بسبب طريقة كلامه المتوترة !

اللي نآدرآ ماشفتهـآ من هذا الشخص بالذات ..




أذن العشـآ , وصليت ..


وإلى الآن ... الله آعلم





___________________________
______________
____