تجمع الجزائريات الغاليات المتأخرات في الحمل ‏

[AMAL JADID]

المشاركة الأصلية كتبت بواسطة نور اليقين

آآآآآآآآآآآآآمييييييين خولة الله يسمع منك يارب على سلامتك توحشتك وتوحححححشت التقرعيج انتاعك نستمتع بالاسالة انتاعك والاجوبة انتاع البناات هههههههههههههه واش راهم لعميرات انا مانقولكش بوسيهملي مايبردش قلبي عضيهملي باه يبرد قلبي ربي يحفظهملك يارب
لبنات مريووووووووووووومتي ربي يخليك ياك علابالك الكيس اللي دارلي من قبل حكيتلك عليه بعيد الشر راني خايفة لايكون هو رجعلي لذلك راهي ماهبطتش واليوم الثاني من التاخير وفي حياتي مادارتليش روطار وزادت خوفتني اختي قالتل ماتستهزايش راهي سلفتي لقاولها حمل خارج اللرحم بعيد الشر ربي يسترني ويستركم ويرزقني ويرزقكم بالذرية الصالحة

الحمل خارج الحمل يجي معاه سطر و مرات ينزل دم و اذا مفقتيلوش قبل
ممكن يستءصلولك قنات فالوب الي كبر فيها و على هاذاك اذا لحقتي عليه بلخف تقدري
تشربي دوا الي يصغرلك الحمل او يذوبو باش يرميه الجسم
و ربي يشافيك
بصح الكيس لازم تولي تتبعيه
مشكيتش يمنع الحمل بصح ينقص الاحتمال

المشاركة الأصلية كتبت بواسطة bassouma

لبنات كيراكم ليوم راني 33 من دورة

انا نخفضت درجت الحرارة راني نسنا فيها تهبط باش نبدا في التحاليل هاذا الشهر و الرقية اكيد
ادكولي معاكم لبنات اليوم راني 27 في الدورة

المشاركة الأصلية كتبت بواسطة bassouma

بارا راني مقهورة و بكيت بزاف على صحبتي صحبات أخر زمن راهي في 20 يوم كانت دايرتلها روطار و أنا على نيتي نقولها ديري تاست تقولي لالا منحبهش قتلها روحي لطبيبة قاتلي موالفا ديرلي روطار و منبعد قاتلي جاتني و لبارح قاتلي طبيب تاعي قالي ريحي من كامل دواء وحد 6 أشهر و رجعي و ليوم عيطتلي صديقة وحد خرى قاتلي راهي بالحمل و ماراهيش حبا تقولك غضتني عمري أنا منحسد حتى وحدة كل واحد و قسمته

ربي يهديها هاذا واش نقدر نقولك
حتى انا دارولي هاذو الصوالح ربي يهديهم عجوزتي و بنتها يخبو عليا بصح من نهار زعفت منهم و زعف راجلي بدلو السيرا وولاو يحسبولي الف حساب
قوليلها ماشي غير انتي الي ترفدي و تجيبي دراري
و ربي الي يمد و ينحي

[QUOTE=jiji belle;3689300]بسومتي ما تقلقيش روحك ربي يسهل على كل واحد
بصح ممكن خافت على مشاعرك على هاديك ماقتلكش
حنا مانخموش كيما هاك بصح للاسف الناس يشوفونا هاك الله غالب
هذا ابتلاء و ما علينا غير نصبرو[/QUOTE
واش من مشاعر الي خافت هي برك الي ترفد
ياك الناس كل مرة تسمعي فلانة رفدت وفلانة زيدت و فلانه عرضاتك للسابع عادي جدااا

انا كاين حباباتي في تجمع القديم حملو ربي عالم بكيت من الفرحة و راجلي فرح و شكرنا ربي

المشاركة الأصلية كتبت بواسطة bassouma

غفران ربي يخليلك وليدك و تشوفيه عريس
صبورة كيركي يا حبيبة هذي لي حكيتلك عليها لي راحت عند راقي باين بلي مليح

بالاك الراقي قالها متحكيش بالحمل
بصح كيفاش متحكيش و لخرى كيفاش سمعت بلي حامل
و شكون هاذا الراقي اختي بسوماة

[غفران شكران]

شكرًا أختي بسومة على ترحيبك لي أنا متزوجة منذ اثنتي عشر عاما وعندي طفل وحيد أكرمني به الله بعد عشر سنوات من الانتظار ومن خلال تجربتي ومجال عملي أردت مساندتكم عسى الله ان ينفع بي أخواتي وساحليه لكن تجربتي كاملة لاحقا

[غفران شكران]

أنا غفران منالجزاير وقاطنة بالجنوب وموظفة استقبال بمخبر التحاليل الطبية

[صبورة]

بسومة
حبيبتي ما تعمريش راسك...كامل فات علينا نفس الشي..هوما يعتقدوا باللي ما نفرحولهمش و نحسدوهم و نبكيوا لما نعرفوا خبر حملهم..بصح و الله والوا هادي كامل مكانش منها ..انا و الله نفرح لاي وحدة نسمع بها حملت و و ندعيلها ربي يفرحها..كل واحد ياختي ياخذ نصيبه بلاك اللي عندك انت ماعندهاش هي..و ان شاء الله المرة الجاية يفتح عليك ربي بالحمل وانت ثاني ماتخبريهاش خليها تسمع بنفس الطريقة اللي سمعتي بها بحملها..ما تتقلقيش تعيشي جنونة..اعتبريها ماشي حبيبتك الانتيم و توقعي منها كل شي..

[حياتي قمراتي]

صبوووووووووووورتي توحشتك موت العميرة تاعي ياك لاباس ؟؟؟؟
غفران ماشاء الله ربي يحفظلك ولدك و يرزقك باخوة ليه و ان شاء الله كامل البنات يلحقو بيك راهي معانا حتى لي 20 سنة انتظار ربي يرزقهم كامل

[صبورة]

غفران شكران
مرحبا بك معانا..و الله يحفظلك وليدك..رانا متشوقين نعرفوا حكايتك ما طوليش علينا..
بسومة
ما تزعفيش حنونة ..و دعي لصحبتك ربي يتمم لها على خير..و يرزقك ربي كيما ارزقها..و الراقي هداك روحي ليه انت و راجلك راه قريب ليكم..
خولة
اهلين حبيبتي يتوحشك الخير..واش راكي و اش راهم البنيتات؟رجعت لداركم و لا مازال؟

[غفران شكران]

شكرًا أخواتي وأود ان أضيف ان جرح الأقربين أشد مرارة على قلب المرأة واسأل الله ان يفرح قلوبكن بفلذات كبد سبحانه القادر على كل شيء وأول نصيحة مني قبل اي علاج ان يعالج الانسان قلبه بالاستغفار لله ويقتنع في قرارة نفسه ان الله لن يتركه وان ظلمه كل الناس فكثرة الاستغفار تدر على المرء الرزق والسكينة فقد كان اقرب الناس يؤذونني ويخافون من ذكر حملهن او ترك أولادهن بحجة ان التي لا تنجب لا قلب لها وحاشى لله من كلماتهن اسأل الله ان يهدي الجميع وان يرزقكن هو القادر السميع

[AMAL JADID]

المشاركة الأصلية كتبت بواسطة غفران شكران

شكرًا أخواتي وأود ان أضيف ان جرح الأقربين أشد مرارة على قلب المرأة واسأل الله ان يفرح قلوبكن بفلذات كبد سبحانه القادر على كل شيء وأول نصيحة مني قبل اي علاج ان يعالج الانسان قلبه بالاستغفار لله ويقتنع في قرارة نفسه ان الله لن يتركه وان ظلمه كل الناس فكثرة الاستغفار تدر على المرء الرزق والسكينة فقد كان اقرب الناس يؤذونني ويخافون من ذكر حملهن او ترك أولادهن بحجة ان التي لا تنجب لا قلب لها وحاشى لله من كلماتهن اسأل الله ان يهدي الجميع وان يرزقكن هو القادر السميع

اختي مرحبا بيك في التجمع
بس ماعرفتينا انتي من وين قصدي من اي بلد
وكيف تفهمي على لهجتنا ؟؟؟

ثم من ناحية نحن محرومات و مانعرف نتعامل مع الاولاد فهاذا تفكير كسرتو عندهم و برهنت مرات اني احن عليهم من امهاتهم و تصوري تسابقو مع على قلوب ابناءهم و الحمد لله
الاولاد يقولولي ياريت كنتي انتي امي و مرات يقولولي الولد في حياتنا لشفناه فرحان مثل اليوم لما زرتينا والحمد لله غريزت الام فينا رغم الحرمان
واكيد ماراح يجرحك بالتفكير السلبي الا المقربين او الاصدقاء

[AMAL JADID]

السلام عليكم
واش راكم لبنات
جيت حشيت الارشيف هههههههههههههههه
باش دخلت نسلم

اليوم راني مقلقا وقتاش تهبط باش نبدا التحليل سورتو كي حبطت درجة الحرارة تغزلت


راني موجدا برنامج للرقية و زيت و خاصة خلطة شيخ رويس بصح من غير الحلتيت

و معاها الحجامة الجافة

و مراح نشرب حتى حاجا و لا اي خلطة باش منخلطها ش مع التحاليل

ادعولي معاكم لبنات

[AMAL JADID]

دراسة إيطالية: الموسيقى تُنقص الاستجابة الجنسية وتُزعزع هرمونات الدماغ
نشرت صحيفةُ الوطن في يوم 23-5-1422هـ خبراً خلاصته ما يلي:

أثبتت الدراسة الاجتماعية، التي يقودها عالم الاجتماع ويلي باسيني" أن 66% من المراهقين الإيطاليين يعانون من مشاكل جنسية بعد سماع الموسيقى وقد ضمت الدراسة 500 شخص تتراوح أعمارهم بين 16 و 24 سنة ويقول باسيني: "إن الموجات الموسيقية القوية تسبب نقصاً في الاستجابة الجنسية وزعزة لهرمونات الدماغ حيث تقوم هذه الموجات بمنع الدماغ من التحكم بالمهام الحيوية في الجسم وخاصة الهرمونات الجنسية.
ناهاك عن اتلاف اعصاب السمع و اسراع دقات او ضربات القلب

ولكن ألا يمكن أن يكون علماء الاجتماع الإيطاليون هؤلاء من المتطرفين او الارهابين او المتنطعين وليسوا من أصحاب التيسير والوسطية؟!