دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[Mamy Mirza]

المشاركة الأصلية كتبت بواسطة أميرة الوجود

مامي ميرزا ربي يهنيك في الولادة في الفتيحي .مرة ولد خالتي ولدت فيها تقول شئ ما حصل روعة بمعنى الكلمة. ماشاء الله تبارك الرحمن على قولها انها احسن مستشفى. ان شاء الله ربي ما يعوقك عنها بشر ويعطيك فيها ساعة السلامة

بنت الشريف شكلك ما تثقي في الحكومي. الله يختار لك أفضل مستشفى تولدي فيها بالسلامة .ترى هنا البنات يمدحوا با شراحيل اظن الدكتورة بسمة فيها .

اميييييييييييييييين يا رب و الله انه مرة نفسي اولد فيها مدري اش يسير وقتها عاد الله يجعلها خير ليا و ربي يسهللك انتي كمان يا عسل

[فليك]

السلام عليكم - صياح الخير عليكم خواتي
اميره يا اميره انتي انا الحمدلله طيبه - لا بس اليوم كنت عند زايره عند اهلي .
انتي كيف حالك ؟ و كلكم يالغاليات شلونكم ان شالله بخير ؟

[فراشة الولهان]

السلام عليكم ورحمة الله وبركاته
صباح الخير يا احلى كروشات بالدنيا
اسفه اني انقطعت عنكم بس اختبارات كابسه
حبايبي تكفون ابغى احد يسوي لي توقيع حاولت بس ما عرفت
اخر دورة كانت 19 - 9 وخلصت 25 -9 والدكتورة تقول صار الحمل 13 - 10
شـكــ وبارك الله فيك ـــرا لك ... لك مني أجمل تحية

[حبي]

اهلين كروشاااااااات كيف حالكم ان شاءالله طيبين
انتو وكروووووووشكم والله اني حاسة الوقت مره بطيء
والايام مرررررررررره طويلة يمكن عشان قاعده احسب
لاني دخلت الثامن ياااااااااااارب سهل ويسرولاداتنا انا وخواتي
في منتدى حوامل

["نسيم"]

السلام عليكم
كيفكم اخواتي
كل يوم ادخل اقراء ردودكم واخرج
مالي نفس اكتب شي مع انه عندي كلام كثير
ماادري يمكن من تعب النفاس ؟ او النفسية اللي بعد الولادة ؟
المهم اخواتي انا ولدت يوم الاحد الماضي 18 / 11 / 1432 هـ
طبعا الصباح راحوا اولادي للمدرسة وانا قمت انظف البيت مع الشغاله وتجيني ذيك الالام قلت يمكن يتهيأ لي شوية كثرت وزادت وانتظمت عرفت انها ساعة الفرج ولله الحمد
رحت مستشفى بخش على الساعة 12 الظهر لما استاذن زوجي وجاء
كشفت علي الدكتوره حنان عبدالباري في الطواري وقالت مفتوح 3 سم
وقالت اللي حتولدك الدكتوره ميرفت في الكشك
زعلت شوي لانه مايمدحوا ميرفت بس قلت الخيره فيما اختاره الله
طلعت الكشك وكانت معي ممرضه ماادري كيف فاهمه احسها مفهيه مررره ( سعودية )
طلبت الكمام واعطتني هو مقفل وانا استنشق ولافيه فائده وجات هنديه شغلته لي
من وقت ماطلعت جلست قرابة الساعة والنصف لم تدخل علي ولا طبيبة !!
واطلب الدكتوره يقولوا عندها عمليه اصبري شوية ( هو على كيفي؟)
الى ان حسيت بدف قوي
فراحوا يتناقزون ونادوا لي الدكتوره حنان عبدالباري من الطواري وساعة مادخلت انفتح كيس الموية وكشفت وقالت ولاده خلاص ورفعوا رجولي وشقت ومع اول طلقة نزلت بنتي حياتي على طول
طبعا ماشفت بنتي ولاحطوها على صدري بس كنت اسمع صياحها
قلت للدكتوره على طول ابغى خياطة تجميلية قالت لا هي غرزة وحده بس مايحتاج!!
قلت يادكتوره ابغى خياطة من برا وجوا طنشتني
حسيت بقهر ماادري انا غلطانه ولا هي
احس الان المكان وسيع والخياطة قليله مهي زي خيطاتي السابقة؟؟؟
المهم بعدين راحوا كلهم من عندي وتركوني وطلبت اشوف بنتي وجابوها ( صراحة مافي اهتمام من ذي الناحية بنتي جنبي ولايجيبوها لي ؟)
وجلست احس بالام وطلق ثاني ودفع لاسفل قلت يمكن المغص اللي يجي بعد الولاده عادي
وسكت على عمري
واحس شي بينزل من تحت واحس الدم ينزل بغزارة حتى سال لين سيقاني وانا ماادري انه فيه شي غير طبيعي !!
قلت للممرضة السعوديه المفهية احس الدم ينزل كثير مره قالت لا لما تقومي مره وحده نغير لك..
شويه دخلت ممرضه فلبينية قلت لها دم كثير فشالت اللحاف وانفجعت راحت تصيح عليهم تعالوا وجوا الممرضات والدكتوره ندى ورفعوا رجولي وهاتك ضغط على البطن بقوة والدكتوره دخلت يدها وترفع شي لفوق بقوة ( اتاري الرحم نزل ) وانا اصيح صياح والله الولادة ماصحت فيها احس لعبوا فيني واحاول ارفع يد الممرضه عن بطني احسها قطعته وهي تقول يماما هذا نزيف خطير
والممرضه الثانية تمسك يدي تحط ابره والثالثة تحط تخطيط الضغط والنبض ونزل النبض شوي
ومافكوني الا لما شفت الموت
فعلا حسيت بالموت وجلست اتشهد ودايخه ماحسيت بذي الاعراض بعد الولادة لكن مع النزيف شي ثاني الحمدلله
وكله من اهمال الدكتورات والممرضات لانه طلعوني الكشك ولاجاتني دكتوره الا ساعة الدف وجاتني طلقه حاولت امسك نفسي ماادف لانه مافي احد عندي والكمام عامل عمايله مخليني ماني حاسه بالوقت ولابنفسي
وبعد الولاده تركوني ماحد كشف علي حوالي نصف ساعة او اكثر
بعدين هديت شوي ورجعت الدكتوره ندى وضغطت على بطني ولسى ينزل دم كثير
وظلوا السسترات رايحين جايين يفغصوا في بطني يقولوا مساج للرحم ويدينهم حاره واشيل يدهم واقول انا بسوي المساج لكن كان المكان مؤلم وفيه شي زي الحجر متكور هو اللي يؤلمني يمكن هو الرحم ماادري!
بعدين جلست من الساعة 2 الى 6 المغرب في الكشك خلوني تحت الملاحظة عشان النزيف ولما اتاكدوا انه وقف رحت لغرفتي وجابوا بنوتي اللي نستني كل ذيك الالام يارب لك الحمد
لكن اللي استغربته اني جلست في حاله ماحس باللي حولي احساس عادي كاني موفي كامل احساسي
يمكن من الكمام؟
وطلعت اليوم الثاني الساعة 12 ظهرا
والاهتمام حلو في الخدمات بس قلت لكم فين التقصير
ولما طلعنا مالقي زوجي من يدف العربية وكان شايل العفش ويدفني واتضايق مره
كمان بنتي ماطعموها الدرن قالوا مافيه في المستشفى راجعوا بعد اسبوع وزعل زوجي
وصار يقارن بحراء ويمدح فيهم!!
سبحان الله ولادتي كانت ميسره لولا النزيف واهمال الدكتورات
نفس اللي حصل لي بحراء
مقدر ومكتوب من الله والحمدلله
وفعلا الولاده تساهيل من عند الله مهما اخترتي المكان والدكتوره ماراح ينفع الا بتوفيق الله
والحمدلله اولا واخرا وظاهرا وباطنا
يارب لك الحمد والشكر حتى ترضى
بس سوالي هنا يااخواتي ليه الدكتوره ماسمعت كلامي وخاطتني تجميلي يعني هو على حسب الاحتياج زي ماقالت او حسب طلب المريضه؟
وهل في المراجعة اطلب منهم يكشفوا علي الخياط ويسوا تجميلي ولا اروح لدكتوره ثانية؟
طولت عليكم بس اعدكم زي اخواتي واعرف ان همومنا وحده الله يقوم كل حامل بالسلامة ويساعد النفاس منكم لين تخرج من نفاسها بالعافية

[بنت الشريف]

نسيم الف الف مبروك والحمد الله على السلامه الدكتوارة هى تعرف اذ تحتاجين تجميلى اولا كم كانت تكليف الوالاده

[حبي]

الف الف الف مبرووووك اختي نسيم
والحمدلله على سلامتك وبنوتتك ربي يحفظها

[أميرة الوجود]

فليك والله لك وحشة يا قمر. والله التجمع بدونك مو حلو

حبي من جد الأيام طويلة وتتمطط كمان الله يعيننا

فراشة ان شاء الله احد يفيدك يا عسل


نسيم آه ياقلبي والله أوجعتي قلبي .ياربي رحمتك. انا سمعت من البنات ان المستشفى كويس. غريبة كيف كذا يتركوكي من غير مراقبة او انتباه. على قولك والله هي تساهيل من رب العالمين واللي مكتوب علينا لا هروب منه. أسأل الله أن يكتب لي ولكل الحوامل الأفضل

وأسأل الله أن يعوضك الخير يا قلبي على عانيتيه .بس انا جا في بالي سؤال .ليش رحمك طلع? يعني انا اعرف ان الرحم يتأثر من قوة الدفع ساعات طويلة. طيب انتي ما دفعتي غير مرة وحدة وطلعت بنوتتك الحمد لله. طيب أجل وش اللي صار. يارب ارحم ضعفنا .فعلا ربي كتب لك ولادة ميسرة لكن هم صعبوها عليك حسبي الله ونعم الوكيل.طهور ان شاء الله انهاأجر وعافية لك وتخفيف للذنوب .


الخياطة المفروض تسويلك اللي طلبتيه لانك رايحة خاص. المستشفى الحكومي هم بس اللي يسووا لك الخياطة على حسب الاحتياج. أما الخاصانتي دافعة لهم فلوس عشان يسووا لك اللي في راسهم .مستحيل.وبعدين وش فيها الدكتورة مغصوبة يعني? *انتي اذا رحتي المراجعة عندهم اتفاهمي معاها .وقوليلها تعيد لك الخياطة. لانه الوحدة لازم تسوي التجميلي بعد ثالث ولادة. احس خلاص المكان ماعاد يجمل بعدها.

عموما ياقلبي ان شاءالله ربي يعوضك بغفران الذنوب .ويفرحك ببر بنتك لك ويفرحك بيها .والله يانسيم. انا في ولادتي في ولدي ماتعسرت الحمد لله .بس في ولادتي في بنتي والله شفت الموت ألف مرة .وصرت خلاص أدعي ربي من كل قلبي اني اموووت. اقسم بالله ثلاث ساعات الطلق الصناعي شغال وموقادرة حتى آخذ نفس مافي فاصل بين الطلقات والله العظيم ما أعطوني كمامة ولا هم يحزنون ثلاث ساعات يقولولي دفي دفي وانا ادف مو راضية البنت تنزل ناشبة صرت اطير من السرير من قوة الطلق واضرب براسي واصرخ صراخ تقولي اش ذا الصوت اصلا مو صوتي اعوذ بالله لا وابشرك انا ياليت ماكان احد عندي الا على راسي عشرة انفار ثلاث دكتورات وممرضتين وخمس طالبات امتياز انفضحت قدامهم بطريقة الله لا يكتبها على احد ثاني يارب . وخلاص جابوا دكتور القيصري وبيدخلوني على غرفة العمليات. إلا بنتي حبيب تنزل وحتى ما نزلت تتزحلق لأ تنزل. شوي شوي والله اقعد ادفع ادفع وهي تنزل بصعوووووبة .ياربي رحمتك ،بس لو تشوفي بنتي ذلحين حبيبتي الله يحفظها مرة حنونة وتحبني عكس اخوها حبيبي الله يحفظه ويخليه يحب أبوه.
وفعلا بعد ما ولدت جاتني حالة ما ادري ايش اقولك. لا وما كان فيه مساعدة من احد بس خليها على الله هذا قضاء الله فمن رضي فله الرضى ومن سخط فله السخط. معليش حبيبتي احتسبي كل ما واجهتيه عند الله مايضيع عنده شئ وا نا ذلحين حاسة فيك والله .لكن سلامتك ألف سلامة. وطمنينا عليك اذا رحتي موعدك

["نسيم"]

بنت الشريف
حبي
الله يسلمكم من كل شر حبايبي ويطلعكم بالسلامة
وتكاليف الولاده حوالي 4500 ريال

["نسيم"]

اميره هلا حبيبتي
نزول الرحم انا زيك مدري اش الحكاية تعرفين عندنا دكاتره مايفهموك شي بس يشتغلوا على الصامت شوفي الغرب كيف يفهموا المريض كل مايتعلق بمرضه...
لكن اظن سببه تكرار الولادات هذي رابع ولاده لي او ضعف في العضلات السفلى وانا سبق وجاني نزيف على بنتي الاولى بس اخف من هذا اما الاولاد ماجاني عليهم الحمدلله
اما الخياطة فعلا زعلت عليها لاني كنت متعشمة يخيطوني ويضيقوني مره وفرحانه بكذا اجل اش نبغى في الخاص كان رحنا حكومي
بس بروح اكلمهم في المراجعة واشوف
آه ياقلبي عليك يااميره في بنتك الله ياجرك ثلاث ساعات دف والله صعبة بس ماعرفتي سبب عدم خروجها وليه ماشفطوها وريحوك فين ذي المستشفى؟
اما اطفالنا والله لاشفناهم نقول قليييييل كل اللي حصل لنا عشان عنونهم الحلوه ان شاء الله اموت بس هي تخرج سليمه وبخير الله لايحرمنا برهم واجر حملهم ولادتهم وتربيتهم ويجزي امهاتنا عنا بالجنة يارب
والله راضين بقضاء الله وقدره وان شاء الله تخفيف من ذنوبنا العظيمة
والوحده تسأل الله التوفيق لو هي بتولد في اصغر مستوصف جنب البيت
والحمدلله
ومشكوره اختي اميره على اهتمامك ودعواتك والله يسهل عليك ولادتك ويسخر لك الطيبين من عباده ويحنن قلب اهلك وامك عليك يارب