التجمع الاول للمتاخرات بالانجاب بعد الطفل الاول

[رمادا]

بما انك عملتي تحليل يوم 10 وكان السالب وبعد يومين موجب يعني النتيجه ما كانت تحت تأثير الابره التفجيريه,يعني ان شاءالله تكوني حامل.
بس لا تستعجلي واستني يومين وعيدي التحليل واعمل اليوم فحص دم.

[رمادا]

صبايا
جاوبوني,متى اعمل تحليل بعد الابره التفجيريه وتكون النتيجه اكيده؟
جاوبوني من خلال التجربه الشخصيه,انا حابه كثير اكون حامل,بصراحه زي كأني اول مره

[عالم علياء]

كيفكون يابنات سلام لكل وحدة فردا فردا
رمادا وام نورا انا عندي 3 اطفال الحمدالله وايلي سنتين بحاول احمل ومافي نتيجة انا كنت متزوجة 3 شهور وطلعت حامل وبعدين كان عمر بنتي 8 ونص طلعت حامل بس كنت اخدة كلوميد لانو كنت عما رضع طبيعي وتالت حمل كان عمر ابني 11 شهر وبعد ماجبت بنتي اجت لعندي وحدة وقالتي اكيد بعد الاربعين رح تجيبينا الرابع وانا بولد قصرية قالتلي انا اختي بتولد طبيعي وما بتحمل اذا ما تعالجت سنتين وانتي قيصرية وبتحملي فورا ومن بعدا يا بنات ما حملت
وايلي سنتين هلئ بالزبط بحاول ومافي ومن سبع شهور طلع معي انسداد بالانابيب وكان هوه السبب واخر مرة رحت عند الدكتورة من شي اسبوعين بعد الاشعة والحمدالله كانو مفتوحين الدكتورة قالتلي معنو الاطباء بامنو بشي علمي قالتلي يلي صار معك عين تخيلو
بوكرة موعد الشريرة عندي ادعولي كون حامل والله انا متلكون حاسة انو اول ولد وكاني ما خلفت من قبل الله يحميلي ولادي وولادكون
ويارب يجي رمضان ونكون حوامل

[ام غالب]

مساء الخير على الكل
حياتي وردة و بيبي شوقر الله عالظالم و ان شاء الله يبلغنا رمضان و اهل سورية في امن و أمان ان شاء الله
رمادا كيفك يا قلبي و كيف ميرا
أميرة كيفك حياتي آمانة بوسيلي أوس كتير
قلبي كسرني كيفك و وينك ؟
عالم علياء ان منتجي و تطلعي حامل اميييييين
أحلى فراولة ان شاء الله تصومي رمضان كامل هالسنه
وفاء حياتي كيف حياتي و اخبار ابنك ؟
هدوء الريف ام الزين ام الزين كله ريمسووه مونه و ام الحلول أخباركم ؟
ام نورة كيف البنات بوسيلي الحلوات و مبروك حياتي قولي امييييين تطلعي حامل و يجبر ربك بخاطرك وخاطرنا معك
حياتي أنا الدورة ما جت و متأخرة 10 ايام بس *يوم الخميس نزل عندي شوية دم و يوم الجمعة اختفى *أنا راحت عند الدكتورة و فحصت عالجهاز بس ما شافت شي بس الرحم متضخم و في احتمال حمل حللت عندها. الحمد لله حامل بس أنا خائفة لان كل مرة بيحصل *هيك بعدين بجهض الطفل *هي عطتني إبرة تثبيت كل اسبوع إبرة لمدة 3اسابيع و بعدها مراجعة معها أنا خائفة لأني الشهر الماضي عملت اشعة أنابيب ما بعرف طمنوني

[عالم علياء]

الحمد حبيبتي ام غالب ومبروك الحمل وانتبهي لحالك كتير كتير
ما تخافي من الاشعة لانو دكتورتي قالتلي انو بتعقم الرحم ويارب يتتمم عليك الحمل وتجيبي اخلابنك اواخت
انا هيدا الشهر عملت الاشعة والحمد الله كان وضعي منيح ادعيلي يطعمني الله الحمل ونصوم كل رمضان
حبيبتي سؤال حسيتي باي اعراض على موعد ها او صار معك امساك قوي شي العفو منك لهيدا السؤال لانو انا موعدا بوكرة وما حاسة باي اعراض
وبتوقع انو اتشرف بوكرة الله يكتبي يلي فيه الخير

[umnora]

الف الف مبــــــــــــــــــــــــــــــــــــــــــــــــ ـروك ام غالب
فرحتيني كثير هاي بشارة للكل
يارب يتمم حملك على خير
شوفي انا سمعت ان الاجهاضات الكثيرة علاجه بان تاخي اسبرين روحي لعند دكتورة شاطرة ويارب يتمم على خير والله فرحتيني بل الخبر
بس كيف ادرتي تصبري لحد 10 ايام انا ماعندي صبر

[رمادا]

مباااااااااااااااااااااااااااااااااااااااااااااااا اااااااااااااااااااااااارك الله يتمملك على خير,لا تفكري كثير بالموضوع بس اهم اشي لا تعبي حالك
وعلى فكره هادا فال كويس للكل مع اني اليوم 12 من الابره التفجيريه وعملت تحليل وطلع سالب.
اللهم اجرني في مصيبتي واخلف لي خيرا منها

[رمادا]

ام نورا عدتي التحليل؟طمنينا

[umnora]

مرحبا رمادا
عملت التحليل قبل اشوي واشتريت 3 انواع كل واحد نوع شكل وعملتة
وكانت النتيجه خطين بس واحد خفيف بس ينشاف اول ماحط عيني على التحليل
ومشاعري متظاربه من فرح وخوف

[Princess Women]

ام غالب .. الف مبروك ياعسسل عسى ربي يتمم لك على خير

ام نورا .. ان شاءالله ياقلبي حمل ,, انصحك تسوين تحليل دم لانه الاظمن وعسى ان شاءالله تصومين رمضان كله وانتي حامل وتجيبين احلى اخ لبناتك

الجميع , مساءكم سعاده :)