تجمع امهات التوام حياكم

[(سوسو)]

مرحبا بالامهات الجدد
زود الغلا .....جومانا اخباركم يارفيقات الحمل والتربيه انامنقطعه عنكم لان نفسيتي تعبانه مره بس مانقول غير الحمد لله
اخر اخبار توأمي البنت ماشاء الله حبت بدري من السادس لاكنها عصله وخفيفه وحركتها كثيره ودائماً تطيح على راسها والحين في الشهر الثامن وباديه توقف على المساند وزنها 6 ونص وتقول دادا وهي عندها خلل في الغده الدرقيه نشاط اونقص مدري بعد التحليل بيقولون لي وهي عندها من الولاده لكن انا ماحللتها بعد الولاده الا هذا الشهر
والولدالحين بدا يحبو في الشهر الثامن ووزنه 7 و700
والدكتوره تقول وزنها في حدود الطبيعي
بقولكم شغله يمكن ماتصدقون عيالي ينامون الساعه 12 او 1 باليل ومايصحون الا11 الصباح وهم نايمين مايرضون يرضعون ابداً يعني 10 او11 ساعه نوم متواصل من بداية رمضان طبيعي هذا يابنات
هذا موقع بخصوص الاوزان الطبيعيه من الولاده الى 5 سنوات شوفوه وقولولي وش رايكم فيه
http://www.childclinic.net/ccs/details-359.html

[ام ريناد0]

هلا ومرحبا بومهات توائم رمضان كريم عليكم يا احلي امهات توائم ...

اخيرا انضميت لامهات التوائم بحمد الله ونعمته ...

ولدت وجبت ثلاثة توام ولدين وبنت ما شاء الله عمرهم ثلاثةاشهر

ان شاء الله نستفيد من بعض حول تربية التوائم والاهتمام بهم .
بس كيفكم مع التعب الله يعينا على تريتهم
الحلوين
يسعدني جدا الانضمام اليكم ...

[الابتسامة الصادقة]

مرحبا بامهات التوائم
رمضان كريم علينا اجمعين ...
انا كنت حامل بخمس توائم والحمد لله ولدت وتريحت من الحمل
ووواخيرا انضميت لامهات التوائم بحمد الله ونعمته ...

ولدت وجبت اربع توام ولد وثلث بنات ما شاء الله عمرهم اربع اشهر
جنى وسنا وشام والولد مؤنس
والبنت الخامسة كانت متوفية في بطني
يسعدني اني انضم الكم واشارك في مواضيعكم واستفيد منكم

[maha8181]

ماشاء الله ياام ريناد والابتسامه الصادقه الله يحفظ عيالكم من كل شر ويحميهم من كل عين او حاسد

[زود الغلا]

ماشالله لا قوة الا بالله ام ريناد والابتسامة الصادقة الله يكون بالعون احنا توام وحييييييييييل تعبانين سولفولنا عن طريقتكم مع توائمكم وكيف تتعاملون معاهم ومنو يساعدكم .
سوسو .حيااااااااااااااااااااااتي وينك لك فقدة مو طبيعية والله استانس اذا شفت بنات صفي :) زورونا كل اسبوع مرة ولا تنسونا بالمرة :) شلون الحلوين الله يحفظهم من كل شر وبالنسبة لنوم عيالك طبيعي الحمدلله لا تحاتين نومتهم ...بسالك عن بنت ليش سويتيلها تحليل غدة شنو لاحظتي عليها ؟؟؟؟ الله يخليها لك .

[زود الغلا]

بنات بسالك في فحص لعمر الطفل بالشهر التاسع في احد سواه مثل ماتعرفون لانه عيالنا توائم ومحتاجين متابعة باستمرار .؟؟؟؟؟
انا ودي اوديهم لدكتورتهم تفحص وتشيك عليهم وتلاحظ تطورهم وتشوف تحاليلهم ناقصهم شي لاسمح الله الواحد لازم يلحق من البداية لانه سن بناتي الحين سن تسنين ومشي وحبي فهم محتاجين فيتامينات ....
انا بديت ادخل صفار البيض لبناتي عشان فيتامين د وبعد فترة راح ادخل كبدة الدجاج عشان فيتامين د ...
ياااااااااااااااااابنات انا فاقدة سارة وينها وغروووووووومة وبروفكشن صج البنات اختفوا الله يحفظ عيالنا

[شموسه]

هلاا ام الغلااا

ان شا الله مافيهم شي

بس علشان ترتاحين وديهم وافحصيهم وربي يحفظهم

[(سوسو)]

تسلمين يازود الغلا والله انك حبوبه
الله يخليلك بناتك وعيالك كلهم
شوفي بنتي صار لها ايام كسوله تنوم كثير زي ماقلت لك والرضاعه ماترضع لاصاحيه ولا نايمه تأكل اكل خفيف و كل شوي يطلع الاكل من فمها مثل ماكنت صغيره لما ترضع ويطلع حليب شوي بنتي يطلع كثير لما تحبي او اشيلها شوي يطلع علي وهي يدوب ماكله ملعقة اكل كبيره فقط يعني مايبقى من هالملعقه شي وزنها زي ماهو من تطعيمة الشهر السادس مازاد ولا شي قالت الدكتوره لازم نحللها تحليل الغده والحمد لله طلع عندها على خفيف عطتني لها دواء وفيتامينات وقالت نراقب وزنها بعد اسبوعين
الله يعين
بالنسبه لفحصهم للشهر التاسع عندهم تطعيمه لما اروح اطعمهم اسألهم لما تروحين للتطعيمه اسألي الدكتور

[(سوسو)]

ريناد .....الابتسامه الصادقه
الله يخليهم لكم ويعينكم على تربيتهم والعنايه فيهم

[نـــــــارا]

ما شاء الله تبارك الله ام ريناد والابتسامة الصادقة ربي يخليهم لكم ويعينكم.. قولولنا برنامجكم معاهم ومتى ولدتوا باي شهر واي كثر تموا بلحاضنة؟؟

زود الغلا.. انا وديت بناتي فحص تسع شهور اخذوا منهم عينة دم وشيكوا قوته وبعدين الدكتور فحصهم وسالني اذا يقولون بابا او دادا او اذا يسوون باي والحمد لله كل شي كان سليم وطبيعي

سوسو ما شاء الله بنتك وايد مبكر حبت انا بناتي ثنتينهم حبوا في تسع شهور ونص

بنتك يمكن بتسنن اشتري لها جل خاص للثة يباع في الصيدليات خاص للاطفال عشان التسنين حطيه قبل الرضعة عشان يخدر لها المنطقة وتقدر تشرب