تجمع سيدات وبنات المغرب..

[ام مروة]

نهاركم مبروك اش هاد الجفاف ولا هنا اليوم فين غبرتو جميع بانو عليكم لامان

[أم شّهد]

هيام احبيبه تسافري بالسﻻمة والنجى وترجعي بالسﻻمة ونجى مادام طبيب قالك غير سافري ماشي مشكل ادن خير غير سافري وديري يقينك بالله وبقاس دكري الله وماديري بالك مع حتى حاجه وقراي لقران وربي يسهل عليك ويحفظك ويحفظ البيبي الغزال ديالنا ان شاء الله

[ام مروة]

كوتر اش خبارك اختي وخبار شهودة لباس عليها ، فين وصلتي فتوجاد لرمضان

[عاشقة الأمل]

msa lkhir alikom kamlat

kif ntoma w kif homa katakit

khti asmae 3ad 9ret beli rd tsafri f aout inchaalh allah ywolskom ala khir matkhafech siri fowji w shofi hbabik w rodi balik mate3bech c tt

khadija dondon zouzou laila siham shkon akhour mesab mankonch nsset hd 3wacherkom mabrouk w allah yebelarna ramadan w ydakhlo alina b saha w maghfera

[siham-it]

سلام بنات آش خباركم إوا جيت نعود ليكم 2 قصص هههههه قصه ولادتي و قصة رجعتي لدار

نبد ليكم بأولى:

نهار أربعاء مع 5 ديال الصباح بداني لوجع ديال الولاده لكن كان خفيف بزآآآآآآآف ،و بقيت نهار كامل ونا غادا جايا في الدار كنشقا ونصبن ههههههه صبنت بيديا باش منبركش لكن والووووهداك لوجع حلف لتجهد كان كيتقارب حتى وصل مره كل 8 دقايق لكن خفيف شيويش ، وصلات لعشيا قلت راجلي نخرج نتمشى مشينا واحد جريده و تمشيت فيها شي 30 دقيقه و رجعت لدار باش نعشي سلمتي و نعسها وبعد تعشيت أناو راجلي شوية تزاد لوجع وكان جد جد محتمل قلت لراجلي نعس ولا تزاد تجهد نفيقق باش ديني سبيطار بدا يضحك عليا قال ليا راك غير كتحلمي إنا وجع فيك أنا ماشي نعس، إوا بقيت أنا كنجعمع في الدار وكندور حتال 12:30 صليت لعشا و مشيت نعست إوا موت ضحك لوجع حتا هو نعس معايا ههههههههههههههههه ولا كيجيني مره كل ساعه عوض ميقرب ويتجهد نقص و ملي فقت صباح مبقا فيا لاوجع لا والووووووووووو هههههههههههههههه بحالا كنت غير كنمثل و خاصة قدام راجلي ، لكن مبقيتش نحس بحركه ديال البيبي و كرشي كانت كيف صخره قلتها راجلي قال ليا نمشو سبيطار مبغيتش بقيت نحرك في كرشي بشويه و كليت لحلاوه حتى سي جاد تحرك مره واحده ورجع نعس هههههههههه ، راجلي قاليا صافي أنا نمشي خدمتي كتفلاو عليا و هبط معصب لكن وصل حتال الطنوبيل و رجع قال ليا عرفتي شنو نمشيو سبيطار و صافي ، إوا غير مشيت سبيطار و سي جاد عطاها لتنقاز حشمني بحالا كنت كنكدب ، وملي دارو ليا كنطرول لقاو الرحم مفتوح ب3 سنتيم ،و المونوطوراتجو كيسجل دبدبات عاليا ديال لوجع لكن سبحانه الله مكنت كنحس بوالووووو مره مره وجعه خفيفه جدآآآآآآآآآا، و لاساج فام كتقول ليا متأكده محاسه بوالو كنقول ليه إيه مفيا والو قالت ليا أوكي و هزيت بنتي و ساكي باش نمشي فحالي و هو يجي طبيب قال ليا فين غاده ههههههههههههههه راك غاده تبقاي هنا غدا تولدي ليومه ،قلت ليه باقي ماجني لوجع قال ليا لا راه كاين نتي محاساش بيه ،وقال راجلي سير جيب ليها حوايجها و يجي .

أنا وجهي قاصح قلت راجلي رجع لدار طيب لغدا لسلمى و دوش ليها و عود فطرها بيما يوجد لغدا غديها و نعسها و نعس حتى نتايا راه مكين لا ولده دابا لا والو ههههههههههههه وليت طبيبه ، قلت ليه أنا عندي تجربه دابا و كنعرف وجع الولاده .

إوا سيد مشا ما جا و دار بكلامي حتى هو على سبه

،إوا مشيت شوبر ديالي بقيت غادا جايا غادا جايا حتى تحركو شي وجيعات و بعد جات ساج فام قلباتني لقات رحم وصل 4.5 قالت ليا أجي معايا عند الطبيبه ملي وصلنا عودت قلباتني طبيبه لقاتو 5 سنتيم يعني ماجيت فين نوصل عندها حتا تحل 5 ملمتر و هي تقول نتي غدا تولدي دابا و دخلوني عرفت الولاده ولبسوني و تصلو براجلي باش يجي و يجيب حوايج البيبي كان الساعه 12 ديال النهار و و بقيت تما حتى ل2 ديال النهار تفتحت الرحم ب6 سنتيم بالطبع هادشي كلو و الوجع خفييييييييييييييييييييييييييييييييف راجلي خرج و خلاني شفتو بوركابي قال ليهم حتى يجيها لوجع ديال بصح و نجي واش نتوما باكين شادين الحته هادي هي الولاده هههههههههههههه حيت صدعناه في راسو بقيت أنا وياهم حت حت حت كان خاصنا غير براد أتاي و طرح المسمن ههههههههههههههههههه ولكن ملي وصلات 2:30 جات الطبيبه و هنايا سلى اللعب قالت ليا غدا ندير ليك وجع إيصطناعي في السيروم و غادا تولدي في أقل من 30 دقيقه ونا نقول ليها وخا لكن ندير بيريدورال ، قالت ليا لا غادين نتعطلو بزآآآآآآف و في آخر يفوت مفعول البيريدورال و حتى مفعول السيروم غادي يقل ، قالت ليا نتي غادا تحملي ألم حيت ديجا راه فيك و محاساش بيه ، و المشكل الي عندك نتي من النوعيه خاص جدا عنق الرحم كيوصل واحد الحد ومكيبقاش يتحل ونا مبغاش ندخل بعمليه جراحيه ،حيت غدا تولدي طبيعي و تيقي فيا هادشي مصلحت البيبي ديالك و مصلاحتك العمليه غدا تندمي بزاف ، و البيريدورال غادي تعطلك و تسخفي البيبي حيت نتي ديجا جيا معطله لسبيطار ، إوا توكلت علا ربي و قلت ليها ديريها كانت الساعه 3:30 ملي دارو ليا السيروم بقيت 15 دقيقه لوجع كيتزاد بشويه بشويه غير وصلات 3:45 دقيقه ونا نعطيها لغوات هههههههههههههههه و لبكا لاكن صارحه هداك السيروم دار فيا الطياره وليت كنقز أمآلطبيبه حلوووووووووووه هي و لي ساج الفام مساكن كنت كنبكي و هما كيحكو ليا في ضهري في يديا كيقولو ليا صبري مبقا والو ونا فين محيحه و مستر ديالي ولاكيدور في عينيه مفاهم والو و فعلا بعد 30 دقيقه وصل الرحم 10 سنتيم و قبل متلبس الطبيبه لكات ديالها كيبان ليها شعر البيبي و راجلي كيقول ليا بلاتي غادي يطيح و كلشي ملقي له و هي كتقول ليهم لا يديكم بلاليقات و الحمدلله البيبي ديالي شرف في سرعه ، لكن للأسف عنق الرحم تمزق ليا و خيطوه ليه دابا فيه 2 عرزات و برا عندي كثر من 10 غرزات حيت زين الصافي ديال ماماها خرج قبل ما طبيبه درب بالمقص و هاكا شرك ليا كلشي هههههههههههههه بغا ينتقم من باباها الي مداهاش في ولادتو

[siham-it]

hana jite twahachtkome bazafffffffffffffffffffffff samhou liya rah allahli 3alam massoliya kabrate bazafffffffffffffffffffffffff salma jade o dare, okhatkome saha 3la9ade lhal iwa tkarfissa o safi
madahkouch 3liya 9issa dyal wladti kolmarra naktabe chwiya hata kamalteha

[fati flor]

mbrokk 3lik ahbiiba wlah s3datek mli dazetlk lwlada haka hhh ana baaaa9i b3ida 3la lwlada wb9it kankhamem mn daba blha9 mli 3awdti 9iisa dyalk wlah rtaht chwiya orebi ykhalilk wlidatek

[ام مروة]

سهومة الحمد الله على سلامتك اختي وسلامت سي جاد ،المهم تفكيتي بسلامة الحمد الله ، ربي اجعل فديك تمارة دالولادة مغفرة الدنوب انشاء الله

[zouzou 012034]

siham hamdo lah 3la slamtak ahbiba wa slamat jad lah ikhalilak wlidatak ahbiba 9isa moutira dial lawlada mohim 3la slamtak litfikiti bikhir o3la khir

[عاشقة الأمل]

sbah lkhir alikom kamlat
kif sbahtoo w kif sabho bebehat l f kricha w l bara kricha

ana woldi feya9ni chrab hlibo w rja3 yen3as w ana mabra yjeni n3ass tarrrrr

soso khtitooooooooo lhamdlh ala slamtk sobhana allah wilada dyalk kanit moyassara rabi kayshouf w kay9adar lina r l fh lkhir lhamdlh l si jad hshim w khrej dirya
c vrais db masouliya kbrat alik allah yrz9ik 9owa w saha ana knt kantsina t3wadina ala wilada w ala masouliya hit kaytsenani l daz alik
allah ysahal kol mas3ab ya rabi