● [ تجمع الحوامل اللي موعد ولادتهم في ذي القعدة 1433 ه ] ●

[سكرهـ مرهـ]

مخملية انا بعد مثلك ابي اضمن

[حبيبه مودي]

اخباركم يا حلوات ليششششششش نايمين

[ام ترووك]

مساكم ورد

مخمليه انا صرااحه بطلت من بنت الخليج بعد ماشفتها ترد علي بدون نفس

وكلمت اخت السحاب مرررره طيوبه واخلاق عسل

وتردلك بدعوات حلوه وسألت كذا وحده جربتها امينه

وموديلاتها احلى

انا صرااحه قلت برسل نص السعر واذا وصل طلبي ارسلها النص الباقي

قبلت كان بها ماقبلت معلش ابطل من الموضووع

يعني معليش فعلا مافي ثقه لكن قلتلها ارسلك نص القيمه عشان تبدا تسويه

ولما ترسله ويوصلني ارسلها الباقي وطبعا هذا كلام زوجي اش اسوي

بس نفسي يجي 2 رمضان وأتأكد من نوع البيبي واطلب من اخت السحاب

ويارب بنوووووووووووووووووووته

[حبيبه مودي]

بنات اليوم بغيت اولد لولا ستر الله ولكم قصتي
للعظه والعبره
اليوم زوجي دوامه الساعه 3 العصر طبعا سويتلو الغدا ورجعت نمت الين الساعه
6ونص وقمت طبعا تعرفون الايام هذي مرابطه للعسكريين زوجي مامداه يقضي لنا وقال
اعطي اخوي الاغراض اللي تبينها ولما قامت بنتي من النوم ارسلتها تعطي ورقه الاغراض
لعمها في الدور اللي تحت وقلت للشغاله تروح معها
وراحوا واستنى حسيت انها طولت هي والشغاله وانزل ادورهم عند عمتي والمفاجاه اللي بغيت اولد بسببها
ما لقيتهم عند عمتي وتقول انها ماشافتهم ولا جوها لو تشوفون شكلي مع الشارع اجري وادورها زي المجنونه المهم لقيتها في بيت جيراننا مسويه زياره الاخت لشغاله قريبتها وبنتي معها وهذا مبررها لما قلت لهاليش اخذتي البنت قالت ان ودها تسلم على قريبتها مدري صدق ولا لا المهم اخذت بنتي ومن الخوف ضربتها واللحين احس بمغص بسيط زي الدوره والله يستر مدري اطردها ولا اخليها لاني مره محتاجتها ويالله لقيتها

[Ļadҹ Zozσσ]

حبيبه مودي

الحمدلله انه ربي ستر .. وقفتي قلبي معآكي :(
بالنسبه للشغاله انا صرااحه اخاف من الشغالات بشكل عام ماارتاحلهم .. دحين محتاجه برمضان وحده
قاعده ادور ع وحده تجي بس تروح ما اباها تبات عندي ..

شغالتك مالها عذر المفروض تستأذنك قبل لا تروح وكيف تشيل بنتك معاها .. اذا انتي تعرفي جيرانك وتعرفي اخلاق شغالتهم فان شاء الله مامنها خوف !

[Ļadҹ Zozσσ]

كيفكم بنااااااااااات وحشتووني ..

مي .. شجوون .. نسمات .. لوللآ .. والبقيه ليه مالكم حس

طمنوناا عنكم :)

[ملكتني بهمسك]

حبايبي كروشات شفت قصه عجبتني واستفدت منها كثير اتمنا ان الكل يقرها
السلام عليكم ورحمة الله وبركاته

هذا قصة احدى الاخوات لقيتها في منتدى ثاني حبيت انقلها لكم للعظة والعبرة والله يصبر قلب اختنا ويجعل طفلتها شفيعة لها انشاءالله واليكم قصتها

اللــــهم أجـــرني في مصــــيبتي وخلـــف لي خــــيرآ منـــها

انا حبيت اكتب لكم سبب وفات بنتي عشان الي بكرية تتعض والي كمان غير بكرية لاتسوي مثل مانا سويت لاني انا مو بكرية عندي بنت الله يخليها لي وحملت بعد اربع سنين من يوم جبت البنت الكبيره لما وصلت لشهر التاسع طوفت علية سبعة ايام وخفت رحت للمصتوصف الخاص الي اراجع فيه وانا ارجع في مشتشفى حكومي كذلك لما رحت لدكتوره الي في الخاص وشاافتني وشاافت ملفي قالت انتي لسى مولدتي وهذا الي زااد خوفي قالت امشي اسويلك سونار وقالت كل شي تمام والبنوتة كويسة وماخذه وضعها الطبيعي قالت تحسي بشي قلت ولا شي قالت بكشف ليك من اسفل عشان اشوف مفتوح الرحم ولالا لان على قولتها في بعض الاحوال ينفتح الرحم بدون الم وكشفت علي قالت ماشاء الله مفتوح اثنين سم ونص قلت واشلون وانا ماني حاسة بألم قالت احمدي ربك هذي نعمة الحمدلله على مايعطي ويريد المهم بعد مكشفت علي المتني كثير وبعدها قمت احس بألم يروح ويجي بس الم خفيف قلتلي لازم تروحي المستشفى الحكومي وتسوي تخطيط قلب للبيبي لانة مااعندهم ها الجهاز رحت وكشفو علي وسو تخطيط قالو لازم تحريض ولاده انتي مطوفة قلت خالص مدام انفتح في امل اولد بدون تحريض بعطي نفسي يوم او يومين قالت لا لازم تتنومين قلت لية التخطيط فية شي قالت لا سليم قلت مابي اتنوم وطلعت على مسؤليتي >>>>اكبر غلط ارتكبتة في حقي وحق بنتي بس يشهد علي الله كلة عشان بنتي وزوجي معندهم احد وانا وياه في منطقة بعيده عن اهلي واهلة المهم قعد معي الالم الي يروح ويجي يوم كاامل وانا احس بعراضة ويوم جا اليوم الثاني با الليل رحت اخذ دش يريح اعصاابي لاني متوتره بعد مخذت دوش وانا اتجفف شفت بطني يتمدد بشكل فضيع ويد مدري رجل بنتي كاانت راح تطلع مع جمبي والله شكل بطني مخيف وكل هذا بدون الم بس اللالم الي يجي ويروح كل عشر دقاايق بضبط وخفت قلت لزوجي مدري وش في بطني يتمدد بشكل المخيف حسيت للحظة ان بنتي راح تطلع مع جمبي من شكل يدها او رجلها الي تمدها مع جمبي قال زوجي مراح اخليك لازم وديك المستشفى الليلة قلت خلاص بس بعشيكم ونروح قال طيب وتجهزت وجيت وجلست حسيت شي نزل علية فرحت وخفت فرحت قلت الحمدلله قرب الفرج هذي اكيد الموياااات وخفت وانفجعت وانصدمت لمن شفت الدم جااني نزيف فضيع فضيع زي سطل الموية الي ينكب زيوه دم تخيلو و ربي ما أبالغ انفجعت احس انة يغمى علي واصحى رحت المستشفى وكشفو علي سوناار لقو المشــــــيمة منفصلة قررولي عملية فورا سويت العملية وصحيت كان زي الحلم لقيت نفسي اضرب براسي في السرير صحصحت لقيت حولي دكاتره قالو الحمدلله على اسلامة واحمدي ربك الي نجاك من الموت ولقيتهم يعطوني اكيااس دم ومن ضمنها كيس لونة اصفر معرفت اشهوه الي تعرفة تقلي الله لايهينها المهم قلت كيف بنتي قال لاطيبه قلت الحمدلله قالت لي الدكتوره ادعي لبنتك قلت وش فيها قالت قل عليها الاكسجين وكذلك قل عليك بدينا حياتك على حياتها بس ان شاء الله تقوم بسلامة وهي في العناية المركزه صبرت واحتسبت قلت ان شااء الله انها بتطلع طلعوني انا للملاحظة لمده يومين بعدين رحت لبنتي وانا مسوية عملية يا الله اوقف ويا الله اجلس وتعرفون العناية المركزه لازم تعقيم كامل ولبس مريلة ومن هذا دخلت اااااااااه دخلت الا كل شي فيها يشتغل على الاجهزه القلب جهاز والتنفس جهاز كيس مغذية كيس دم وقلي الدكتور ادعيلها واجتمع فيني انا زوجي قال ان عااشت تعيش معوقة لان حالت بنتكم من الدرجة الثالثة جدا تعبانة خمسين في المية يموتون اول الايام والخمسين الثانية معااقين طلعت وانا تعباانة نفسيا وادعي اللهم ان كان في خير ان تحيا فاحيا واذا في مماتها خير ومكنت اكمل ماابي ادعي على بنتي هذي بنتي المهم ارسلولي طبيبة نفسية ومعها ثنتين قاامت تشرحلي تقول لية متنومتي اش صاار قلت ولاشي قالت تعرضتي لضربة على بطنك قلت لا قالت تخرتي بنتك انفصلت عنها المشيمة يعني لاكسجين ولاغذا وغريبة ان المشيمة معطت انذار قلت وشلون قالت يكون الم فضيع انت محسيتي بكذا قلت لا قالت المفروض انة اذا انفصلت المشيمة نكون مولدينك في عشر دقاايق انت يمكن اخذتي نص سااعة وارسلولي الطبيبة الي تعطيني حبوب الي توقف الحليب عندي رفضت اخذها وضليت اشفط وكب اشفط واكب شفت حليبي الي المفروض بنتي تشربة وشفت البا اااااه وكان كل ماسمع صوت طفل في الدور الي عندي ابكي ويبدى صدري يصب كنت اتعذب اتعذب وطلعت يوم صاارلي ثلاث ايام وكل هذا تقدير لنفسيتي طلعوني ولا المفروض اطول الحمدلله طلعت رجعت اليوم الخامس لبنتي اليوم الرابع تعبانة ولا رحت رحت اليوم الخاامس ولقيتها جداا تعبانةقال الدكتور الاستشاري حنا نستااذنكم انة اذا مات قلبها ماننعشة ننعشة عشان نعذبها البنت زي البلاستك حنا الي نضخ الدم والقلب والتنفس وحنا الي نعطيها دم مصارت العضلة الي تفرز كريات الدم تفرز تعطلت وحنا الي نعطيها مدر للبول اكرمكم الله وحنا اذا نجي نسويلها تحلليل دم الدم ميتوقف ينزف اصبعها او محل العضلة يعني الله يعوضكم خير انا لالالا تكفى انعشها انا ابيها كنت ابكي ابكي واقول انا السبب بنتي كاانت ايامها الاولى بيضااء والحين صاار الدم مكأنة يمشي يعروقها كأنهة يمشي تحت جلدها راح لونها لون الدم وبطنها كبيييييير بشكل فضيع اخر يوم لها كاانت مخيفة مسكتها ومسحت على راسها وقلت سااامحيني يماما ساامحيني يمااما وكانها كانت تنتظرها ها الكلمة عشان تودعني عليها رحت البيت وانا منهاره وسبحاان الله الي وضع في طريقي اثنين معوقين عشاان اشوف رحمتة فيني وفي بنتي والحمدلله هدئت اعصاابي جلست سااعتين با البيت الا والمستشفى يدق علينا يقول الامانة الي عندنا راحت لخالقها اثااريها يوم جيت كانت تناازع وقلي ها الشي الدكتور اختها وهي ميتة حضنتها اااااااااااااااااااه غرقت وجهها بدموعي ضليت اشمها واضمها يسحبونها مني مكنت افكها ابد تخيلو يابناات نشف صدري الايمن وصدري الايسر ماانشف لحد الحين لان راسها كان عنده تخيلو والحمدلله توفت وارتااحت اما انا فكل مشوف ملابسها وهندولها وغرااضها اتألم والحمدلله على كل حال ااااااااااااسفة طولت عليكم فلاتسون الي انا سويتة انتبهو ياخواات الله يحميكم ولا يمر عليكم الي مر علية اللهم امين ومدري انا احس اني مذنبة في حق بنتي وش رايكم
لاتحــــرموني من دعــــواتكم في ظهـــر الغيب محتااااجه له كثيير
اللــــــهم أجرني في مصـــيبتي وخلف لي خير منها اللهم امين

قصة واقعيه للعضى والعبره دعواتكم لي ربي يسهل ولادتي

[سكرهـ مرهـ]

جزاك الله خير ملكتي

تعاطفت معها لاني مريت بتجربتها .. لكن الله مايمنع الا ليعطي

والله ماكتب لها الا كل خير

بس وش تتوقعون اسباب انفصال المشيمة

[مخمليه الأحساس]

المشاركة الأصلية كتبت بواسطة سكرهـ مرهـ

جزاك الله خير ملكتي

تعاطفت معها لاني مريت بتجربتها .. لكن الله مايمنع الا ليعطي

والله ماكتب لها الا كل خير

بس وش تتوقعون اسباب انفصال المشيمة

حبيبتي ماعندي خلفيه كثير بس اتوقع اللي تطوف في حملها هو السبب ممكن..
وكمان من اي ضربه ع بطنك قويه او طيحه الله لايوريك مكرووه تنفصل المشيمه...
انا بحملي الأول طوفت 10 اياام والحمد لله ولدت طبيعي..

[مخمليه الأحساس]

يارب يارب تمم لي ولجميع خوااتي الحوامل ع خير ولا تحرم ام من ضنااها تأثرت بالقصه كثير ومااخفي عنكم انا خايفه كثير ع اني افقد حملي ع طول استودعها ربي الله يخليلكم بيبيهاتكم وعيالكم قولوو اميييين..