تجمع حوامل الأشهر الوسطى(الرابع,الخامس,السادس)

[ام عمر ..]

ثالث شي انك تواخذينه باي كلمه يقولها وقت الغضب وهذا خطا كبير لاتردين ولا تجادلين وحاولي تروحين مكان ثاني انا اذا ولع صدق ودي اسطررررره بس كل شي يقوله اقول طيب ان شاء الله حتى لو مالي نيه اسويه

[ام عمر ..]

اهم شي اذا زعل لاتعلمينه انك تطيرين تراضينه دايما لانه بيتعود وبيصير بس تترجين فيه اذا انا غلطانه صح بروح اراضيه ويمكن ابوس راسه عادي بس ما احب يطول الزعل اما اذا هو غلطان اكيد لا والله متى ما بغى يرضى يرضى براااااحته

[ام عمر ..]

وبداية الزواج كنت اذا زعل ابكي واقول هو تغير علي وليه مايعطيني وجه ومن امس ما كلمني مليت الحين والله يا بنات انه هو اللي يراضيني لاني اذا زعل اخذ راحتي اكثر اجلس على التلفزيون النت مع عيالي هو اللي تطق كبده وهو سااااكت

[ام عمر ..]

اخرها امس كنت ادرس بنتي ومعلمتهم غايبه وعطتهم يوم جات دروس كثيره وانا ادرسها وهي تبكي وجاء ابوها قال خليها ترتاح قلت له دروسها كثيره متى نخلص وانا تعبت من الجلوس قال ايه لانك تشتغلين طول الصبح انا مارديت سكت وخلصت لها على السريع

[ام عمر ..]

بعدين دخلت غرفتي ارتاح وجاء حاول ما رديت عليه ولا كاني اسمعه وصحيت بعدها وسويت العشاء وحطيته له لازم ما اقصر في واجباته ابد بعدين بدلت ملابسي ورحت بيت ابوه عندنا جمعه هناك وجاء الفجر وجلسني للصلاه قمت بدون ما ارد عليه انا اشوف الى هنا كفايه ماله داعي اوتر عيالي قمت رسلت له رساله لما راح دوامه على الواتس

[ام عمر ..]

قلت فيها ((ماله داعي اسلوب التجريح لاني اعرف ارد بس ما احب هالسلوك يصير بيننا وانا اادي اعظم وظيفه اني اربي عيالي الصباح ولا اتركهم عند الخدم وانا اهتم فيهم وادرسهم احسن من اللي مايدري مناهجهم تتكلم عن ايش وانت لما خطبتني جيتك زوجه مو خدامه

[ام عمر ..]

حتى هو يقول يعجبني فيك هالاسلوب تخليني ارجع اقرا الرساله الف مره واعرف غلطي لكن ماترسلين لحظه الهوشه انتظري تهدون اشوي
بعدين يتصل عادي وارد عليه بثقل وبس تمشي الامور مانفتح الموضوع مره ثانيه

[ام عمر ..]

هذي قصة حياتي من امس وقلتها لكم لان كثير عراااايس عندنا وحديثين عهد بالزواج وقلتها للفائده

[اللهم اني أسالك الجنه]

سويت اللهم امين حبيبتي

ويرزق كل وحده الي تتمناه

[اللهم اني أسالك الجنه]

ام عمر جزاك الله خير

ترى افضل شي اسلوب التطنيش والله يجيك يركض

انا فالحمل حساسه وكل كلمه تزعلني الله يعين