بريق امل حبيتي لاتزعلي نفسك لان الزعل وسوء حالتك النفسيه تمنع البويضات انها تستعد لحمل ثاني ترى الكلام ذا عن تجربه انا اجهضت ثلاث مرات مو مره وحده
احمدي الله كنت ازعل وابكي وانقهر وكل احاسيس الوحده لمن تجهض وكان فعلاً الحمل يتاخر والدوره تتلخبط واخر اجهاض قلت الحمدلله ورضيت بقسمة الله لي
وكنت كل ماابى افكر في الموضوع ذا اقول ياربي زيدني رضى والله ياقلبي كانت اكثر كلمه اقولها عشان اقنع نفسي انو كلو بيد رب العالمين ومااترك مجال لشيطان يلعب براسي وجا عرس اخوي وتجهيزاته العرس بيت وتأثيث وبعدين قاعه ولوية الفساتين ونسيت من الموضوع بس اذكره من فتره لفتره واقول نفس الشي اذا اذكرت
وجا العرس وخلص واصلاً على حساب دورتي انو يوم العرس تجي وتاخرت ولا اهتميت عشان لا اشغل نفسي. وكل شي قسمه ونصيب ولا لو ربي تم عليا الحمل الاول كان دحين انا في السابع تقريباً بس كتبت ربي خير دايماً
وبعد زواج اخويا بكم يوم حتى والله موعارفه متى جات الدروه ورحت عندالدكتور على اساس عندي التهابات تعبتني وقالت بمره سري تحاليل ومدريش وسويتها وطلع عندي الدم يتجلط واعطتني ابر قعدت كم يوم اخذها وبعدين عادي كملت حياتي جا رمضان اول اسبوع في رمضان حسيت بتعب كانو الدوره بتجي ورحت على اساس ابغى شي عشان ماابى افطر باخذ حبوب تمنع الدوره وكذا وقلت لها قالت طيب اول سوي تحليل حمل قلت لسه مالي مدة من الدوره قالت ماتدري يمكن الله رايد تحملي قلت طيب وانا ماابى عشان ماابغى ارجع لذيك الحاله الاحباط والحزن بس توكلت على وسوينا والله سبحان طلع في حمل بس دوبو في البدايه ورجعت البيت فرحانه مومصدقه الحمدلله الله جبر بخاطري وقبل اذان المغرب نزل عليا دم نفس قصة الحمل الي قبلو والي قبلو والي قبلو فخلاص تعبت فسلمت امري لله وهيا قالت سوا التحليل وفي الليل تعالي ورحت وقلت لها قالت دحين تاخذي ابرة اسبرين وتسيري تاخذيها اسبوعياً وابرة كلكسان مرتين في اليوم وحبوب تثبت دفستون والفوليك اسيد واسبرين حبوب وتحاميل تثبت وكمان اسبوعين وتعالي وتقعدي مسدوحه ماتتحركي
والله وفعلاً رحت ولميت قشي ورحت عند اهلي قعدت رمضان وكمان اسبوعين اعتقد من شوال ورجعت بيتي دحين
فاانا ماابغاكي تفقدي الامل بالله ابد بعدين قولي الحمدلله هذا اول اجهاض لك لانو الاجهاض متعب اكثر من الحمل والولاده ولسا بنتك صغيره وتحتاج رعايه
انا خمسه سنين من جبت ولدي ماحملت الاالسنه الي فاتت حملت اخر اول السنه واجهضت واخرالسنه واجهضت وقبل سبعه شهور ودحين الله الحمدلله اكرمني مره ثانيه بين الحمل ذا والاجهاض الاخير ثلاث شهور فلا تخافي ولا تقلقي اهتمي بنفسك دحين وبصحتك وامكن على طول تحملي يعني ماتجيكي الدوره الشهر الجاي
في حريم كذا تجهض وتحمل على طول ورا بعض بس الافضل تعطي نفسك راح لو شهر ماتحملي يعني دوره دورتين بعدها افضل اذا تبي تحملي
معليش كثرت كلام بس لانو الاخت كلنا عارفين احساسها اي وحده اجهضت راح تحس احساسها بس لاتقنطي من رحمة الله وان شالله الشهر الجاي القاكي ناطه لتجمع تخبرينا بحملك ولا اقولك نصيحتي حتى لوحملتي لاتعلمي احد حتى امك عشان على الاقل شهر ونص شهرين بعدين قوليلها عشان تطمني على البيبي وكذا والله يرزقك عاجلاً عير اجل
09-20-2012, 11:43 AM
رد: تجمع حوامل الاشهر الأولى (الاول ,الثاني,الثالث)
ام عبدالعزيز 1 
جديد منتدى إستفسارات حوامل ثلاثة شهور الأولى
العرض المتطور
