دردشة حوامل القطيف- تجمع بنات القطيف

[Um Amal]

سلام بنات ..
بسألكم تعرفون شي يعالج الحرار .. لان ولدي استخدم له بالمرز ونفس الشي ما يروح عنه؟؟؟؟

وبسألكم بالنسبه للدورة بعد الولادة من الطبيعي ان ما ينزل دم مثل قبل ؟؟ لاني كل بني كان ومشاككه فيها ..
وناس قالوا انها تصير جديه خفيفه بعد الولادة وما يندرى

[سوهان]

صبااح الخير ع احلى خوااات

سوهان الله يتمم عليش حملش حبيبتي وعقبال ما ابشركم
بخبر حملــــــــــــي يااااااربي ياااا كريم

اختي حزينه اني مو حاامل الله يكتب لي هالشهر ان شاء الله

كل شهر استني والله كريم يغير الحال دعوااتكم

ويااارب تبشرينا عن حملك يااااارب

أختي دلوعه

اني من القطيف

الله يرزقك بالحمل عااجل غير اجل

ماقلتي ليي سويتي تحليل او لأ؟؟

أم خليل

الله يسهل عليك ياااارب وتولدين بالسلامه

عادي التأخير اني داااايم بولادي اتأخر ولازم ادخل الشهر العاشر ههههههههه

احلااام

حاولي فيه وخليه يرضع من صدرك وخيرته يتعود

والباقين طفلي و صعب تنساني و روز

نظراتي كلها امل ام كرار >>>>> نسيت الباقي

الله يسهل على الجميع ان شاااء الله

ام حسين

سلامات ماتشوفي شر والله يبلغك بشوفته ان شااء الله وتشوفينه معرس

[om khalil]

اكتب على السريع قبل يخلص جارج اللابتوب

اني الحمدلله بخير ومازلت ضد الولاده هههههههههه
الله يسهلها ان شاءالله احس بثقل زايد بس مو بتباشير ولاده المسهل الله ان شاءالله لي ولكل الحوامل يارب..

روز الحمدلله انش بخير والله يعينش على بشوره،، وروز الفانية وينهي

طفلي، اني مااستخدم للسر الا زيت الزيتون ويوالم يهالي سلامة الحلوه ألف سلامه حاولي تتأقلمين مع الوضع الأمومة ليها ضريبه هي تمشع الشعر والروان آخر الليل هههههه الله يصبرش ويهدي فرحتش

أحلام ان شاءالله ابشركم قريب يارب

شمس ماعليها شر ملوكتنا يارب الله يحفظها من كل شر

سويت الرشوفه هي نفسها الحلبه اللي تسوونها، يفضل اكلها في العشرة ايام الاولى من النفاس

فلونه سوهان وام حسين وباقي الغاليات الله يحفظكم من كل شرر وشكرا على دعواتكم

اشوفكم على خير برجع للبرنص انتين يا احلام ههههه

[Um Amal]

بنات ..
كلما ادخل المنتدى حتى لو مرات قليلة .. أحن لأيام الحمل.. الأيام الجميلة ..
بس في بنات ما اشوفهم وينهم .. بنت الاياويد؟؟ وفجورة من زمان قطعت وينهم ؟؟

[hazina]

هلاااااااااا خووواتي
شخبااااااااااااركم
اهلااااااا اختي سوهان
الله يكتب لش الحمل انشالله ويكتب ليييي
تعبااااااانة واااجد سويت اختبااااار حمل
وطلع خطين احمر والثاني مو واااضح
كلش مثل الاول تهقوووون حاااااامل
ما اردي تعباااانة كل راسي وبطني مثل
نغزات الابر والمغص تحت السر واللوعه
الي مو مفارقتني وخصوصا اذا اقعد
من النووووم ياااااربي حقق الي في بااالي
واكون حامل واحظنة بي ايدي وابوسة ياااااااااااااربي

[أحلام أم]

شحوالكم
بنات القطيف والبحرين
إختي الحزينه
مبروك إذا خطيين طلع ليش إنتين حامل حتى لو الثاني مو واضح كلش بس أهم شي طلع ،أذكر بولدي حمود كان الخط الثاني باهي بس ماخفت لأني كنت أحس بعوارض الحمل وبعد كم يوم حللت في المستشفى وطلعت حامل
طفطف
أني ماأعرف فكرة عن حبوب الملح ولو أعرف ماأببخل عليش ،ولا عمري دخلت فيي أدوية ولا ملح في النفاس غير الرشوفه ماعندي والله كريم
بس أذكر بعد الولادة القابلة حطت ليي حبيتين في فتحة الشرج ،أقول ليها لويش هالحبتين تقول علشان ماتنزفيين وعلى الله
سوهان
ربي يكتب لش الحمل هالمره وتحطيين توقيع حلو حقيقي
روز
إنشاء الله تبرز شقتش بسرعه وتتحوليين مع أبو بنين
أم خليل
ويش أخبارش اليوم ،صرنه ننتظر خبر ولادتش
أم امل
هلا وغلا ،من زمان ماشفناش ويش أخبار موسى ،في في الصيدلية عصارة زينة كلش عن الحرار أستعملها مع أولادي ناسية إسمها ،بس روحي الصيدلية وإسألي عن عصارة الحرار مالت الأطفال عجيبة والله يوفقش
أم حسين الدار
بشرينه لين رجعتين من المستشفى عن أخبار النونو
أشوفكم على خير

[hazina]

هلااااااااا اختي احلااااااام
انشاااااااالله اكون حاااااااااااامل يااارب يااااااااكريم
قل المستشفى بروح باخذ تحليل دم علشان
اتاكد اكثر بس مو اليوم بررروح علشان يوضح اكثر
يااااااااارب حقق الي في بااااالي وفرحني بشوفت الغالي
يااااااالله

[Um Amal]

هلا خيتو..أحلام أم
خبرش الدنيا مشاغل ... ولا في وقت ادخل المنتدى مثل قبل
مشكووورة وان شاء الله بجيك..

[sweet mom]

مساء الخير
الله يسهل على كل حامل بوقتها وأوانها والله يرزق كل محروم
ام حسين ماتشوفين شر وأن شاء الله جنينك مافية شي بحفظ الباري
أم خليل الله يسهل عليش ونسمع عن ولادتش بسلامة
بنات أسمعكم تتكلمون عن حاجة أسمها رشوفة يعني أيش ؟ ويش تفيد؟ :)
تحياتي للجميع

[hazina]

هلا اختي سويت :-
الرشووفة يسوونها الى الولاده زينة حقهااا
تنظف الرحم من الاوساااخ والدم الباقي في الرحم
احنا يسوونها للوحده الولاده ولما تطلع من الاربعين
وهذااا كلشي اقدر افيدك ابه
ودعووواتكم ليييييي ان اكون حاااامل يارحمان يارحيم
الطف فيني وخبرني بحملييي ولا تحرمني من الذرية الصالحه
بحق محمد وال محمد وعليييي اذا طلع في حمل
اسوي للمنتدى رشووفة هههههههه :)